مشكلتي مع زوجي

[عهــــــــــود]

السلام عليكم

وش اخباركم ان شاء الله طيبات

انا مملكه لي سنه و4شهور تقريبا تزوجت انسان طيب وكريم ويحبني مرررا

بس فيه اشياء حاولت اتحملها ماقدرت وهي...

يتكلم بصوت عاااااااااالي وثرثاااااار لدرجه خرافيه

خصوصا اذا يقول سالفه ومندمج فيها يتكلم بصووت عااالي مزعج لدرجه صوته يصير مبحوح

هالشي يضايقني فييييه

حتى مرررا قلت له شوي شوي وط صوتك قلت له باسلوب حلو ومبتسمه

زعل مني ولاكمل السالفه اللي كان يقولها

انا اقول بنفسي مستحيل يتغير لان امه نفس الشي

بس ابوه وخواته يتكلمون بشكل هادئ ومعقول

بناات والله متضايقه مرررا من ثرثرته الزايده وصوته العالي

ساعدوني ربي يسعدكم :eh_s(17):

 

[شادن33]

يحليله بس جذيه خلي يثرثر زين يكون مكشوف عندج احسن من ابو الهول يونس
الله يسعدج

 

[عذوٍق الوٍرٍد]

هههههههههههههههههههههههههههههه

والله وناسه شكله زوجج ياابختج فيه

خليه يثرثر ليما يقول بس.. احسن من الجماد الي كله ساكت
لا وبعد يزعل لقلتي له وط صوتك هههههههههههههه

 

[شهدالعسل]

والله انا موشايفته مشكله هذي لانه يرتاحلج و يحب ياخذ راحته وياج ,, خله يتكلم احسن من بعض ناس ساكت

قولي الحمد الله

 

[PinkCherry]

السلام عليكم اختي والله مادري شقول لج غير انج تتحملين وويه الوقت بتتعودين

زوجي نفس الشي بالضبط يتكلم دائما بصوت عالي وفي مواضيع ابدا ماتهمني او يكون موضوع ما يناسب المكان والجو..حتى وصلت لفتره فكرت في الطلاق بسبب هالشي لكن لما حكمت عقلي وعودت نفسي ان اسمعه او على الاقل اوهمه اني اسمع سوالفه مشى الموضوع..انتي حطي في بالج انه انسان زين ومرتاحه منه وحاولي تتقبلين موضوع الهذره الزايده لان هالشي مابيتغير ههههه والله اول كنت انقهر الحين احس بضحك كل ما تعمق في موضوع على باله آنه مندمجه و آنه مو مهتمه .... هههه تخيلي قبل يومين كنا نتمشى عند البحر والجو رومنسي وكل شي حلو يعني المفروض نتكلم كلام رومنسي او في مواضيع حلوه بس ابو الشباب مايقدر يتكلم في موضوع يناسب الجو فورا بدأ يشرح لي عن القروض!!!! بأنواعها والفروقات وعيوبها وايجابياتها هههههههههههه و آنه في خاطري بودي اقول له اسكت صدعت راسي ماسألتك عن القروض ولا اي شي ثاني هههه بس لين اندمج وعلا صوته انبهه ان في ناس في المكان احنه مو بروحنه يخفض صوته شوي ويرد يسترسل وينسى نفسه ويرفع صوته!!!
بالمختصر المفيد اختي بتتعودين ويه الوقت وانتي مو مضطره تتابعين كل كلمه يقولها ولاتخلين هالشي يخرب علاقتج وياه او يضايقج لان ويه الوقت بيصير شي عادي اذا ماركزتي على الموضوع وايد وتقبلتي صفاته حتى لو كانت تضايقج..بس طبعا اذا زودها لازم تنبهينه باسلوب طيب وبالكلمه الحلوه حبيبتي تكسبين ريلج .​

 

[انا لحبيبي .]

الله لا يغير عليكم الا للاحسن

 

[روح مغليهاM]

هههههههههههههههههههههه زعل الله يهنيكم
زين ي بنت يسولف معك ويثرثر احمدي ربك ترى الرجال مايحبون كثر الكلام وهذا مشاءالله عليه يوننس
ومن ناحيه الصوت انتي تكلمي بصوت هادي وهو مع الوقت بتعود على الصوت ويصير نفسك

 

[noorq8]

أقول لج الحل وتطبقينه ؟؟






لي كلمتيه تكلمي معاه بصوت واطي أقرب للهمس وراح يتعود شوي بشوي انه يرد عليج بنفس طريقتج , بس يبي مثابره مو بساع تستسلمين

 

[الريمـ اللعوبـ]

خليييييه يسولف اهو اللي صوته راح يروح ويتعب شخسرااانه
احسن من اللي ماينطق بالمره والله مرات احس احاجي طوفه
انتي طول ما اهو يسولف قولي ((اي)) ((صج؟؟))

 

[tbola]

واااي جان زين لو الي عندي يسووولف بسسسسسس خل يصارخ بس ودي اسمع صوته لا حبيبتي عادي هذي مومشكله اهو طبيعته وسلوووبه جذي ومحد يحب احد ينتقد عليه

 

[أم ريــــما 22]

هههه والله مادري شقول لج بس والله محد مرتاح

 

[FeShinGoOo]

الله يعينج صج الصوت العالي ينرفز بس انتي حاولي ماتركزين على هالشي لان كل ماركزتي بتتنرفزين اكثر حاولي تتجاهلين هالشغله وتندمجين بالسالفه او بالموضوع وحاولي تتكلمين مثله سولفي وانتي تصرخين اهو راح يلاحظ

 

[لوفيه]

والله زوجي نفس الشي صوته عالي حيل اذا تكلم

عادي هذي مو مشكله

طريقتهم جذي

 

[استبرق الكندري]

يا عمري الي قلتي ما يعتبر مشكله . هذا يعتبر طبع والطبع يقلب التطبع

شوفي عشان يوطي صوته سوي هالشي كله ساسري شلوووووووون قلتيلي اشلون ؟؟؟ مثلا قوليله احبك بذنه اهو برد عليج احبج بصوت هادي يعني مو معقوله بصير وحش وبقول احبج بصوت عالي .. او اذا صار شي انتي خلج هاديه ومسكي ايده وقوليله حبيبي ابي اقولك شغله تدري انه صوتك احلا وهو هادي يخليني احس بحساس ثاني وغريب ..

كونه ريال يحب هالاطراءات بالحجي وعطي من هالكلام وجربي انج تسوين جو وشموع وحطي صحن فاكهه وعصير برتقال بقلاصات السنعه وقوليله شنو اليوم صار معاك .. الاجوتء تسوي معاه استرخاء وخلي يتكلم .... ​

 

[قلبي فداهم]

طبعا حبيبتي هذا عيب كبير اذا كنتي انتي هاديه وماتحبين الازعاج...زوجي حبيبي نفس مشكلتج وكنت اتضايق منه ..بس لما تحبينه وتشوفين مميزاته راح تتغاضين عن هالعيب...بس احسن حل مثل ماقالوا لج الاخوات كلميه بهدوء وحنان ومع الوقت بيتعود يكون هادي... ودايما ادعي ان الله يسخرج له عشان تحبينه وتستحملينه....

 

[فلنتينو]

انا نفس زوجج هههههه
ماحب احد وانا بنص سالفتي يقول قصري حسج
اتنرفز اقطع سالفتي وازعل

اهوو يمكن طبيعته جذي صوته عالي

 

[دلوعة صلوح]

ههههههههههههههههه عادى ماحس فيها شئ خلى يسولف احسن.

 

[عهــــــــــود]

بنات انا طبعي هاديه معاااه
كيف اتحمل واحد يفتح فمه عشر امتار لفوق وعشر امتار لتحت عشان تطلع الكلمه بصوت عالي من حلجه
ويتفلسف وهو جاهل مامعاه الا ابتدائي يعني ماخذته جاهل مايقرا ولا يكتب وربي احس ببكي انا بين نارين نار نفسي مو متقبلته ونار اخاف ربي يعاقبني لو اطلب الطلاق
بدايه ملكتي يوم عرفته على طبيعته كرهته وطلبت الطلاق وهو رفض يطلق وقال ان معاي واحد احبه طبعه شكوك حتى امس طلبني ايميلي ويبي ينبش جهازي عشان يراقبني شاك فيني
نفسي احب زوجي وافخر فيه بين الناس زي اي بنت
يارب يارب ساعدني

 

[عهــــــــــود]

حتى لاقال لي احبك واموت فيك احس ببكي لاني مو قادره ابادله الشعور

 

[ياروحي مشتاقه]

بالعكس وناسه من تشوفينه يعلي صوته قرصيه هههه اي والله احسن من الي يقعد اقبال ويهج اخبار ويصير البيت مسكون