مشكلتي مع زوجي

[غُمـۈض بَنيـۃَ]

مرحبا بنات

شلونكم !؟

طبعا انا جديده بالمنتدىآ بس صار لي فتره متابعه بصمت وماسجلت
بس قررت اسجل واقولكم مشكلتي يمكن تلاقون لي حل عندكم

بنات انا عمري 22 وسنه
ومتزوجه تقريباا هالشهر اكمل 7 سنوات < قولوا ماشاء الله

تزوجت وانا عمري 15 سنه من ولد عمتي اكبر مني بـ 9 سنوات
طبعا بنات صدقوني انا قبل الزواج مااعرف هذا الأنسان مع انه يقرب لي
عشت فترة خطوبه بايخه والله لأبعد درجه
طبعا انا اهلي متشددين بزياده يعني مافي طلعه مع الخطيب ولا شي
حده مكالمات جوال ويجي يشوفني ويجلس مع اهلي
مااطول عليكم خطوبتي ماطولت شهرين بس

طبعا مااستمتعت لافي تجهيزات عروس ولا غيره
صار كل شي ع امي واختي الكبيره وانا لاهيه بدراستي
خطيبي ارتحت له بصراحه او خليني اقول اني حبيته

جات الليله الموعوده وتزوجنا طبعا يكفي اقولكم ان ليلة دخلتي لبست بيجامه اقل من عاديه < من المبزره
ونمت
ولا صار اي شي بيني وبينه
وجلس فتره بعدين يحاول وانا اخاف
طبعا دخل عليا بعد 11 شهر من الزواج < واللي طاف كان كله لعب بزران
في 11 شهر هذول سمعت منه ابشع الألفاظ
شفت فيه ابشع الصفات
تفآجآت فيه حيل
عرفت ان كانت له علاقات كثيررره قبل الزواج
وعرفت ان اسراري كلها عند امه وخالته
مايخبي عليهم اي شي
تخيلوا بنات بدل الحكي الحلو الي كان يسمعني اياه ايام الخطوبه
صار يقولي انتي مو حلووه انتي يبيلك تضعفين وانتي
مع ان قسم بالله يابنات ان شكلي مقبول
وشعري ناعم ووزني كان 45 كيلوو
بالذمه اضعف اكثر من 45 وش بصيرر
كنت البس له ارواب النوم واجي يمه ابيه يمدحني كان بالعكس يذم فيني ويتطنز عليهم

طبعا غير امه وخالته الله يسامحهم كانوا ممسخريني
تخيلوا بنات ذكريات موجعه لدرجة اني مااقدر اكتبها قسم بالله احس قلبي يتقطع من الألم

الموهيم اني بعد 11 شهر ودخلت وع طول حملت
فجآه تغيرر
ورجع الي اعرفه وصار طيوب وحنون ويخاف عليا وع الي في بطني
ويخانق امه عشاني وخالته تخانق معاها عشاني وللحين مايكلمهاا

دلعني في فترة 9 شهور مالت الحمل دلع مو طبيعي
الحمد الله ولدت وجبت احلىآ بنت بالدنيا لمىآ

طبعا فترة حملي كانت المعاشره بينا قليله لأسباب صحيه
الدكتوره مانعه عشان انا مااتحمل وكنت ع طول مريضه
جسمي تغير ع الحمل كثيرررر
وعندي كذا منطقه تغيرررت فيني كثيرررر
وبعد ماولدت صرت مااقدر اتواصل وياه
يعني اذا يلمسني صرت احس بآلم
والله والله والله يابنات ماآكذب
اذا لمسني احس بآلم في جسمي
بدل مااحس بمتعه صرت اطقه واباعده عني
صرت بس ابكي وابكي وابكي حسيت نفسي كرهته
صار كل مايقرب لي اتذكر حكيه الىآ كان يقوله
اتذكر هو شو كان يعيب عليا ويتطنز ع لبسي
وانا هذيك الفتره كنت البنت الرشيقه العروس
اجل كيف الحين !؟
مشكلتي يابنات اني صار لي كم سنه من ولدت
بنتي راحت الروضه
وانا بكل صراااحه اكررره نفسي
اكره جسمي واكره شكلي واكره كل شي فيني
ثقه في نفسي معدومه
وزوجي يشهد عليا ربي انه معيشني اميرره
ومدلعني ولو شو ابي يقلب الدنيا ويجيه
بس مو قادره انسىآ لـ 11 شهر هذول
هم الي بهدلوا حياتي

بليز بنات / لااحد يقولي البسي ارواب نوم وتعدلي وتكشخي يمكن تثقين بنفسج
لأني فعلا اروح واشتري والبس واتكشخ ولا في فايده
تخيلوا بنات مره في عيد ميلادي الي طاف
حجز لي بالصالون ووداني واشترىآ لي وملابس جديده
ولبست وتكشخت ورجعت البيت وهو حاط كيكه مفاجآه لي ومشغل شموع بالغرفه والجو حلو
صح نمت معاه بس قسم بالله كنت من داخل اتألم واحس اني ودي اكفخه
ومو قادره
اخذني اكثرر من مره وسافرنا لحالنا حتىآ بنتي خلاها عند امي
وقال نقضي شهر عسل
وداني لبنان وسوريا وتركيا وانبسطت هناك
تصدقون لو اقولكم ان فعلا في السفر اكون مو انا
اكون بنته الصغيره الىآ ماتصدق متىآ ترجع الفندق وتنام بحضنه
اكون عادي مااحس لا بآلم ولا بآشمئزاز ولا غيره
احس بمتعه وراحه
طيب ليش اذا رجعنا ارجع مثل قبل مااسافر
مابعرف

ولا احد يقولي روحي لدكتور نفسي لأن انا ع فكره مو بالكويت وهنا الدكاتره النفسيين مصريين وع طول مايفهمون شي
وفعلا انا ماقصرت ورحت وع طول عطاني الدكتور حبوب < مدري وشو له
وتخيلوا يقولي انتي باردة جنسيا وان عقلي الباطن هو الي يحسسني بالألم وعدم الرغبه



ماابي اطول اكثرر من كذا بنات
بس ابي ارتاح وابيكم تشوفون لي حل وتساعدوني
ابي ارجع الثقه لنفسي
ابي ارتاح نفسيا
ابي ارجع انا مثل ماكنت
والله حرام تو بعمر الزهور 22 سنه وعايشه بآلم وحسره
ولا اخت تسمعني ولا ام تفهمني
والله يابنات اني اسمع هذي وذيك يقولون عن لياليهم الحمرىآ ويا ازواجهم
وانا اتحسر اني مااقدر اسويها
مع اني والله مو ناقصني شي
بس احس اني ماابيه ليش مدري
احس اني ملخبطه وضايعه
وع قد ماكان زوجي بـ11 شهر حقير ونذل ويعاملني بدنائه
صار له طيب 6 سنوات وشهر وهو يعاملني اميره ومايشوف غيري
والله والله يابنات انه من الدوام للبيت انه يحبني وانه مايطلع من غيري
هذي نعمه كثار محرومين منها وكثار يتمنونها
وهي عندي وماني مرتاحه

معقوله 11 شهر تخرب عشرة العمر !؟


واسفه ع الأطاله خواتي .. :eh_s(7):

 

[الأميرة جوري]

رد : مشكلتي مع زوجي

خلاص 11 شهر انتهى ولانه ما اخذ منج اللي يبي نفسيته مو زينه حملتى والله رزقج بنت خلاص مارسي حياتج الطبيعيه اضغطي علي نفسج مادامه طيب معاج علشانه وبتتعودين ..والله يخليكم لبعض

 

[اميره1980]

حرام عليج تضيعين بقية عمرج للتحسفين على اللي مضى
استمتعي بحالتج و لا تخلين قلبج جذي هذا ابليس يوسوسلج
الله يوفقج و كثري من الاستغفار و روحي الحج و العمرة و يا رب يوفقج

 

[عاشقة-الكفيل]

رد : مشكلتي مع زوجي

حبيبتي انتي صار عندج ردة فعل عكسيه
لانج الصراحه سمعتي كلام يطعن القلب ..!!
هاذا كلام ينقال حق عروس ..؟؟
يمكن اهو الحين اتقبلج وحبج عقب العشره والعيال ..
بس اهو من البدايه خلاج تكشين منه اشلون بتحبينه وبتثقين بنفسج ؟؟
الحل ياحبيبتي انج تصارحينه بكلشي والكلام هاذا الي قلتيه لنا قوليه له
يمكن يعطيج تبرير يريح قلبج ويردلج ثقتج بنفسج
خليه يردلج اعتبارج ويعتذرلج
حتى لو السالفه قبل 7 سنين
انتي عشتي هالسبع سنين بعذاب لازم الحين ترتاحين لي متى بتعيشين جذي
ونصيحه خلي كشتخ ولبسج لنفسج بالمرتبه الاولى وثاني شي عشان زوجج

 

[{ ليت ظني كآن صآيب }]

انتي كبري

بس حبيبتي حرام تظلمين نفسج وانتي توج صغيره

و زوجج مومقصر قاعد يحاول يسوي لج كل شي .... ليش انتي تصدينه ؟

حاولي تسوين شي تكسرين الروتين

و دايما شغلي سورة البقره في بيتج ..... ترى الناس مايعطون خير ... !

 

[Vouge]

رد : مشكلتي مع زوجي

كل ما قرب يمك .. لا تفكرين بال 11 شهر
فكري .. بأنك لو ما حققتي له اللي يبي عادي يصكج بوحدة ثانية


للرجال حدود بالصبر
ولا تقولين لا مستحيل يسويها

 

[أم ريم]

حبيبتي فكري بسعادتج و سعادة زوجج اللي معيشج أميرة 6سنيين الله يتممها عليكم 100 سنة إن شاء الله
حبيبتي ترى الريال يتحمل شوي بس بعدين يمل و يدور له زوجه ثانية و إلا وحدة من بنات ابليس ساعتها راح تنسين ال11شهر و تتذكرين ال6سنين و راح تتحسفين ان انتي اللي ضيعتي زوجج من بين إيدج و خربتي بيتج حرام فرصتج الحين انج تملكينه والله الزوج إذا حب يحب من قلب ترى لا فات الفوت ما ينفع الصوت
و صدقيني لما تفكرين جذيه يمكن تغيرين اللي براسج

 

[نـور الكويت]

انسى 11 شهر الي مريتي فيهاا

خلي حياتج صفحه بيضه واستانسي مع زوجج وتمتعي معاه وانسي المااااضي

ترى كله من الشيطان كل ماتذكرتي 11 شهر تعوذي من الشيطااان واستانسي وليش ما تغيرين مكان غرفتج النووم احسن
يمكن تغير نفسيتج نصييحه استانسي برزوجج دامه طيب وحبيب ويستاااهل البسيله اكشخيله اطلعي معاه وشغلي عمرج

وعسى الله يجمع مابينكم ويوفقكم ويسخرلج زوجج يارب العالمين

 

[المزاجيه]

بنتي هو وكل رجل ما يستطيع يعاشر زوجه يتحطم نفسيا ويشعر بالعجز ويرتعب خوفا من أن زوجته تقول لأهلها أنها عذراء فيبدأ بالهجوم لأنه يتوقع كل زوج أنه زوجته أفشت لأمها انها مازالت عذراء فيبدأ بالهجوم وأحباط الزوجه لتشعر بالنقص وانه لاأحد يرغب فيها ويزعزع ثقتها بنفسها حتى تشعر أنها لو طلقت لا أحد يرغب فيها أبنتي زوجك وكل زوج لا يستطيع أن يعاشر زوجته يتصرف مثله وأكثر بعضهم يلجا أ لضرب الزوجه وحالات كثيره تشهدها المحاكم يفض عذرية زوجه بأي طريقه .......... ويهددها أن أبتعدت عنه يتهمها بعذريتها
أبنتي زوجك مسكين وكان خائف وكل إساءه أساء لك والله لحبه فيكي وخوفه أن يخسرك وبدليل لم يتغير ألا بعد الحمل حتى بعد ال11 شهر لم يتغير لأن أحساسه أنك أخبرت أهللك فكان الدليل على رجولته الحمل لذلك تغير

بنتي حمدي ربك فزوجك محب مخلص واستمتعي بحياتك فكل تصرفه في علم أنفس نقص وأسقاط أي عجزه يحوله ألل طعن بأنوثتط

ابنتي مرت علي حالات وزوجات قمه بالأنوثه والجمال وتعرضو لأسوأ من ذلك بكثير
إذا أحتجتي أي أستشاره انا موجودة :eh_s(17):

 

[Australia girl]

تناسي الموضوع وادعي ربج ينسيج هالشهر والله يعينج

 

[اشتقت للكويت]

بنتي هو وكل رجل ما يستطيع يعاشر زوجه يتحطم نفسيا ويشعر بالعجز ويرتعب خوفا من أن زوجته تقول لأهلها أنها عذراء فيبدأ بالهجوم لأنه يتوقع كل زوج أنه زوجته أفشت لأمها انها مازالت عذراء فيبدأ بالهجوم وأحباط الزوجه لتشعر بالنقص وانه لاأحد يرغب فيها ويزعزع ثقتها بنفسها حتى تشعر أنها لو طلقت لا أحد يرغب فيها أبنتي زوجك وكل زوج لا يستطيع أن يعاشر زوجته يتصرف مثله وأكثر بعضهم يلجا أ لضرب الزوجه وحالات كثيره تشهدها المحاكم يفض عذرية زوجه بأي طريقه .......... ويهددها أن أبتعدت عنه يتهمها بعذريتها
أبنتي زوجك مسكين وكان خائف وكل إساءه أساء لك والله لحبه فيكي وخوفه أن يخسرك وبدليل لم يتغير ألا بعد الحمل حتى بعد ال11 شهر لم يتغير لأن أحساسه أنك أخبرت أهللك فكان الدليل على رجولته الحمل لذلك تغير

بنتي حمدي ربك فزوجك محب مخلص واستمتعي بحياتك فكل تصرفه في علم أنفس نقص وأسقاط أي عجزه يحوله ألل طعن بأنوثتط

ابنتي مرت علي حالات وزوجات قمه بالأنوثه والجمال وتعرضو لأسوأ من ذلك بكثير
إذا أحتجتي أي أستشاره انا موجودة :eh_s(17):

اتفق معاها
الله يوفقكم ويجمع بينكم بالخير

 

[M!sS_D!oR]

رد: رد : مشكلتي مع زوجي

حبيبتي انتي صار عندج ردة فعل عكسيه
لانج الصراحه سمعتي كلام يطعن القلب ..!!
هاذا كلام ينقال حق عروس ..؟؟
يمكن اهو الحين اتقبلج وحبج عقب العشره والعيال ..
بس اهو من البدايه خلاج تكشين منه اشلون بتحبينه وبتثقين بنفسج ؟؟
الحل ياحبيبتي انج تصارحينه بكلشي والكلام هاذا الي قلتيه لنا قوليه له
يمكن يعطيج تبرير يريح قلبج ويردلج ثقتج بنفسج
خليه يردلج اعتبارج ويعتذرلج
حتى لو السالفه قبل 7 سنين
انتي عشتي هالسبع سنين بعذاب لازم الحين ترتاحين لي متى بتعيشين جذي
ونصيحه خلي كشتخ ولبسج لنفسج بالمرتبه الاولى وثاني شي عشان زوجج

:eh_s(15):

عدل كلامهاا سمعي نصيحتها ترى اقووى رد
الله يهدييكم ويوفقكم ان شاء الله

 

[غُمـۈض بَنيـۃَ]

رد : مشكلتي مع زوجي

الأميرة جوري / ان شاء الله اختي كل شي يتعدل

اميره1980 / ويوفق الجميع ان شاء الله الله يكتب لنا حجه وعمره جميعا

عاشقة-الكفيل / ايه والله يطعن القلب جد حسيتك حسيتي شكثر انا متوجعه ومجرووحه وقسم بالله اختي وانا اكتب الموضوع لكم مرت ذيك الأيام بعيني كأنها صايره قبل شوي وغصبن عني دمعتي طاحت انا صارحته اكثر من مره وفهمته ان هالحكي الي قاله وان افعاله جارحتني يرد ويقول ان علاقاتي كلها كانت قبل الزواج من ارتبطت فيك تركت كل شي وانه يقول انه يعرف انه غلطان تصدقين انه دايما الحين يقولي انا احبك وانك دنيتي وهالحكي واني ابيك تسامحيني اذا في يوم ضايقتك وزعلتك ومخليني ع راحتي لأني ماابي اجيب غير لمىآ مع ان اهله يقولون له شوف اخوك اصغر منك تزوج بعدك عنده كم طفل < يحسبون الناس بس تجيب اطفال وتقطهم مايبي لهم تربيه وسعة صدر

{ ليت ظني كآن صآيب } / العمر كله يارب وان شاء الله تعيشين فيه مرتاحه ومتهنيه وبآتم صحه فعلا خيتو صدقتي الناس ماتعطي خيرر وفعلا الروتين جد بحياتي مستمرر من قبل فتره للحين وان شاء الله اكسر هالروتين

Vouge / فعلا صدقتي لكل شي حدود وعساني مااوصل لهالمرحله معاه ان شاء الله

أم ريم / امبيه ع هالعذاب واخرتها بعد يطق ع راسي وحده ثانيه والله كان انتحر استغفر الله بس الله لايقولها يشهد عليا ربي اني احاول بكل مااقدر اتقرب منه بس احس في حاجز يبعدني

نـور الكويت / صح كلامك انا متأكده ان الشيطان لاعب دوره بهالموضوع بس القهر اني موقادره اصده بس بحاول وصدقيني اختي انا البس واكشخ وهذا طبعي من قبل مااخذه وجد من العصرر ببتدي مع الخدامه وبغير مكان غرفتي وبنقل لمكان ثاني او تدرين حتىآ غرفة النوم بغيرهاا مابي شي يذكرني بذيك الأيام ،، آآآمين يارب ويحقق لك ربي كل شي تتمنينه


المزاجيه / فديتك والله ان ردك حسيته مقنع وريحني الله يخليك ويوفقك ان شاء الله

Australia girl / يعين الجميع ان شاء الله


اشتقت للكويت / ويوفق الجميع ان شاء الله


M!sS_D!oR / ان شاء الله ويوفق ويهدي الجميع يارب


خواتي تسلمون لي كلكم فديتكم وحده وحده والله جد كنت محتاجه حد يسمعني وينصحني ويحس فيني ومن هاللحظه ببتدي اخذ بنصايحكم وبطبقهاا وان شاء الله ابشركم عني قريب ان اموري صارت احسن وتعدلت

لكل من رد عليا :eh_s(17):

 

[dla3_princess]

حبيبتي نصييييييييييحه لوجه الله

اقرري سوورة البقرره يوميا و حطي الرقيه الشرعيه بالبيت

موجوده بقووقل نزليها على الكمبيووتر و خليها شغاله سمعيها ..

بنيه الشفااء .. يمكن اللي بينكم عين او حسد قووي او سحر اعووذ بالله

والله ديرري بالج اذا الرجل تعددل و انتي ليلحين منتي قادره تقبلينه بس لما تسافرين

تصيرين زينه معناته يمكن في شي بالبيت او عين قوويه ..


الله يحفظج ياررررررب و بصلح لج زووجج ويصلحج له و يسعدكم امين

 

[Tosta M7mSha]

انا مع عاشقة الكفيل والمزاجيه عحبني تفسيرها لحالة زوجج ماشاءالله كلام قمة في الحكمه ثنتينهم ولا هانوا الخوات الباجي

عليج بالرقيه والاستغفار حل لكل المشاكل النفسيه وكل شي والدعاء (اللهم اجعله قرة عيني اللهم اظهر لي مزاياه واخف عني عيوبه)
الله يوفقج يارب

 

[amna_83]

اللي فات مات
والنسيان نعمه من رب العالمين
وحاولي تنسين الشين وخلج بالزين
ماشاء الله اللي يسويه لج زوجج بعض الحريم يتمنون
ربع اللي يسويه لج
الله يخليه لج

 

[بيوتي]

رد : مشكلتي مع زوجي

حبيبتي ترى انتي كذا بتعذبين نفسك وتعذبينه معااج ؟؟

داام انه اعترف بغلطاته وتآسف لج ،، شنو الماانع // يامـا صارت لنـا مواااقف مع ازواجنـا بس الحمدالله انـا ما نخلـي الشيطااان يآخذ مكااان بقلوبنااا ...

واذكري الله وشغلي سورة البقره او شغلي المجد للقرآن وان شاء الله ربي يهديج ويسخره لج ...

ويمكن اذا اهله شافوج ع هالحالـه لاتستبعدين انهم يزوجونه .....

 

[بيوتي]

رد : مشكلتي مع زوجي

وباعتقااادي انه عيـــــــــــن قويـه وفي بيتج ,,, والدليل على كلامج تقولين اذا سافرتووا ودج ترتمين بحظنه...

ونصيحتي شغلي القرآن وبسسسس

 

[جذابه بنت ذيابه]

رد : مشكلتي مع زوجي

حبيبتي الغاليه ..


عليج بقرائة سورة البقره يومياااااا .. ودايم استغفري ..


والله يخليكم لبعض بس لازم ياقلبي تلتفتين لنفسج اذا مو عشانج عشانه .. دامه يحبج الحين وشاريج
صدقيني لاتغير فجاءه باجر بتندمين .. نصيحه من اخت تبي مصلحتج حاولي تحبين نفسج قد ماتقدرين
وتدلعينها .. وتدلعينه هو لان مايستاهل اللي قاعد يصير له منج ..


وعسى ربي يهديج ويفرح مابينكم يارب

 

[Zahron]

رد : مشكلتي مع زوجي

انا انصحج تقرين كتب عن التسامح وكتب عن الثقه بالنفس وحاولي تحطين له اعذار عن الي سوااه بال11 شهر حاولي تبررين يعني المره لما تمتنع عن زوجها تسبب له مشاكل نفسيه يصير يحس انه مو اهوه الرجل المناسب فا يعصب اكيد ويتصرف بغباء والرياييل كلامهم جارح حتى لو كان الموضوع مو مهم بعد شلون بموضوع جذي حييل مهم !
وتقدرين تكلمينه تذكرينه بأول ايام الزواج شلون كان والحين شلون صار يمكن يعطيج سبب بس هم حاولي تبينين له انج مسامحته عشان مايتغير

والله يتمم عليكم بخير ان شالله ويسعدكم