مشكلتي مع زوجي ... و أهله

[أحبه بس]

السلام عليكم ورحمة الله وبركاته ..
أنا عضوه جديده ..وكمان عروسه ما كملت سنه.. سجلت لما قرأت مواضيعكم و أعجبني مساعدتكم لبعض ..
وأبي تسمعوني وتقولون لي كيف أتصرف ..
زوجي يسمع كلام أهله بشكل مو طبيعي .. لو على حسابي ما أهمه أهم يرضي أمه
وأخواته ..
أمه معقول ويكبر بعيني .. بس مو درجة أنها تسيب كل أولادها .. و تتعلق بزوجي
هو اللي يجيب كل أغراض أخواته .. وكل مشوار أو عزيمه ما يرحون الا معنا ..
وابو زوجي موجود .. وعندها ولد عزوبي وكبير ..و ولدها الثاني متزوج ومعنا في نفس العماره
أحيان أقدر أفهمه ويستوعب
انه متزوج وعليه حقوق .. ,ايام أتكلم ما أتكلم صخره لأن أهله يجبرونه ..
وكنا بنروح أسبوع نتمشى .. قال أهلي بروحون معنا ..
قلت شكراً.. أنا بجلس في البيت
وأخذ أهله و راح له خمس أيام أتصل أول يوم ما أعطيته وجه .. وطنشني
وقابل زوج أختي في المدينه اللي راح لها وقال والله فلانه ما رضيت تجي مع أهلي
ههههههههه.. أختي كانت تبي تموت من القهر تقول زوجك ما يستر شيء ..
بس أبي رايكم نفسي أعقبه على اللي سواه أخذ اهله ومستانس معهم وأنا مطنشني لوحدي في البيت ..
بعرف إذا رجع كيف أتصرف معه

 

[أحبه بس]

تكفون .. ردو علي ...

 

[توتة UAE]

ليش تعاقبينه ترا انتي اللي يلستي فالبيت جان
طلعتي . . بياخذ أهله ولا ماياخذ انتي اطلعي ويا
ريلج وسوي كل شي . . فديتج سالفة ريلي كله
ف صوب أمه وأهله وكل هالكلام وايد معرسات
يواجهون هالسالفة . . ماعرف شو السبب ريلج
يسوي كل شي . . بس دام هو عادي عنده ومب
مقصر ف حقج خلاص لا ترمسين عشان ماتطلعين
انتي اللي تسوي مشاكل وغيرانة أو حاقدة ع أهله
حبيبتي لا تتضايقين هالشي معروف وطبيعي
يستوي . . عقب انتي بتحملين ان شا الله وتيبين
عيال بيقل اهتمامه ف أهله لأنه بيكون مشغول
فيج وف عيالكم وشغله . .

الله يهديج ويسر أمورج 3>

 

[((غلاي))]

ليش تعاقبينه ترا انتي اللي يلستي فالبيت جان
طلعتي . . بياخذ أهله ولا ماياخذ انتي اطلعي ويا
ريلج وسوي كل شي . . فديتج سالفة ريلي كله
ف صوب أمه وأهله وكل هالكلام وايد معرسات
يواجهون هالسالفة . . ماعرف شو السبب ريلج
يسوي كل شي . . بس دام هو عادي عنده ومب
مقصر ف حقج خلاص لا ترمسين عشان ماتطلعين
انتي اللي تسوي مشاكل وغيرانة أو حاقدة ع أهله
حبيبتي لا تتضايقين هالشي معروف وطبيعي
يستوي . . عقب انتي بتحملين ان شا الله وتيبين
عيال بيقل اهتمامه ف أهله لأنه بيكون مشغول
فيج وف عيالكم وشغله . .

الله يهديج ويسر أمورج 3>

كلامها صح ميه بالميه
ليش تعاقبين نفسج
عادي خليروحون اهله و روحي معاهم
مع الوقت راح يتغير قلبي
وموحلوه بحقج لمن قال رفضت تروح مع اهلي

ادري زوجج وودج تستانسين معاه بس همن هذو ل اهله
صبري ومع الوقت بيتغير كل شي

الله يوفقج قلبي:eh_s(17):

 

[ام الدرر]

حبوبة
انتي ماكملتي سنه
وتبينه يقطع اهله
الزواج يبيله صبر وتنازلات
مبين ان زوجج مقهور من تصرفج لانه وصلت السالفة لاختج وزوجها
طيب شنو كنت تبينه يسوي
يقول لاهله ما ابيكم تروحون معانا
لو انج رايحه معاهم كان كسبتي محبته
وكان ممكن ياخذك يمشيك بروحك ترضيه
لكن بالعناد صدقيني ماراح تكسبينه
وحاولي تلطفين الجو وتبينين له اعتذارك عن الروحه مو بسبب اهله
لا بسبب انه
انك كنتي مخططة
لسوالف رومانسية واشياء ثانية
وانصدمتي ان مع اهله مافي مجال
لاي شي
حياتي
نصيحه
الزوج يبيله مسايس ومهادن مو عناد وراس براس
خاصة بامور اهله
حبي اهله وقريبيهم بيحبك ويقدرك​

 

[أحبه بس]

شكراً ع مروركم ... بس اللي ما تعرفونه أني رحت مع أهله مرتين..
تدرون أخته الصغيره وش سوت والله .. جأت بتنام بيني وبينه وقام هو راح
نام مع أبوه ... مع أن الشقه واسعه بس تقول ما بي أنام الا في غرفتكم
أخته ترا عمره 30 سنه ...
وأخته الثانيه ما خلت شيء فيني ما عيبت عليه و أنا مطنشه و لا همتيني
وهو ما يقدر يكلمني قدمهم أبد .. وطلبت منه عشاء قالت أخته لا وطلبت عشاء هي
وجاب طلب أخته وأنا طنشني ...
لوحدنا يكون مره زين معي وإذا أهله موجودين ما يقدر يكلمني حتي
قلت أخذها من قاصرها بلاش يقهرني وهم يضحكون كل ما سو شيء

 

[اذوب بكلامه]

الله يعينك بس قوليله لازم يعوضك بسفره لحالك
واهله لاتتكلمين عنهم بالشينه مهما كان هذولي اهله مابيرضى عليهم
اهم شي مايقصر بحقوقك

 

[Perfume]

المفروض مثل ما يرضى عليهم ما يرضى عليج بعد
وين قاعدين تبي تنام بينكم !
مايقدر يقولها لا عيب !!

 

[يستفزني غلاك]

ي اختي توج ماكملتي سنه اصبري و لاتفكررين اهله و اهله حبيهم تقربي لهم
ترى الاخوان لابد يطلع واحد منهم حليو و يحبونه و انتي كبري عقلج
وقولي اترك الزعل و هذذا الشيطان و ترى مافيها شي لو حب الروحه مع اهله لاتصيرين كىيبه

 

[عـيّــآره]

اذا سنه ومو معطينهم مجال يتنفسون بروحهم بكل طلعه اجهزو قبلهم

لاتعاقبين نفسج مره ثانيه اول مايوصل فهميه انه لج خصوصيه بعد

اهله لهم احترامهم وتقدريهم بس انتي لج حق تطلعين معاه بروحكم وخصوصا انه توكم معارسين

لاتتغيرن على اهله احترميهم خذي اللي تبينه بذكاء وبدون ماتخسرين احد

​

 

[متوترة]

كفووو عين العقل تصرفج خير بكل روحه معاكم
لاجاء قولي اسفه ماشتهي الروحه ودي لحالنا اونس لي
انا عروس وبتمتع باول ايامي

وطنشي ولاكان ربي خالقه

والله مصخره

 

[زوجة عزيز]

الله يعينج جان قلتي له هالمره طلع اهلك ومره ثانيه نطلع بروحنا واذا على انه يخدم اهله مافيها شي بس انتي خصصي لج يوم اتروحين معاه اتشرين حاجاتج

 

[M!SS.LOBY]

الله يعينج

 

[الشهد كله]

آنا ما تقهرني وتحرني إلا اللي مسوية روحها مثالية وتقول تقربي منهم وحبيهم :eh_s(14)::eh_s(14):

شكو القرب والحب بالسفر والوناسة

الأثنين بعدهم معاريس وأهله دعل ، دبق لازقين فيهم

شكوووووووووووو

لا وبعيرة نايمة بالوسط

ليش يما ؟؟؟

ياهل ومتعلقة بأخوها

ولا ما تعرف مثلاً إنه عيب

شالسالفة كل شي قطيتوه على راسها عشان رفضت ؟؟؟؟؟

لا يا بعد قلبي اللي سوته صح وصح وصح

مو بهالطريقة أتقرب من حمولتي

إذا حمولتي ما تعرف الإحترام هذي مشكلتهم مو مشكلتي

لو بنتهم جان قعدوا حق ريلها قعدة ليش وعيب

بس لأنها جنه يطقونها على راسها

حبيبتي

إذا رجع قولي له احسب حسابك مرة ثانية إذا بتطلعهم مكان ودهم بعدين ودني ما عندي مشكلة

بس إذا بتجبرني أروح وياهم لأ !!!!!!!!!!!!

والله هذي المشكلة ​

 

[دانة_ دبي]

اتفقي معاه مرة ف الاسبوع يكون لج مثلا كل جمعة طلعتج
و باجي الايام خلى يطلع اهله لا تبينين انج غيورة و خلج كول ولا تسألين ولا تقولين وين رايح و ليش و ليش تاخذهم

طنششششششششششششششي و هم اهلج اعتبريهم اهلج ولا تغارين منه و طنشي طنشي طنشي


بصراحة يبطون الجبد بس ما على تحملي و الله يعينج

 

[أحبه بس]

زوجي رجع بالسلامه الله يحفظه لي ...
لهم أسبوع من يوم راحوا .. واليوم جاء ويقول يالله باقي من الأجازة ثلاثه أيام
يالله نسافر فيها ..
بصراحه قلت أهلك أسبوع وأنا يومين .. وأحسب الطريق يعني وش سويت
قلت بروح في هذي اليومين .. لكن لأبد تعوضني بسفره في الأجازه الثانيه ...
بس مو توعدني اليوم وفي الصيف يقولون أهلك نبي بروح معك ...
قال لا أنا قلت لأهلي .. الأجازة الثانيه لزوجتي ..
قلت صار أهلك زوجتك الثانيه ... ومره لهم ومره لي ..
لا وحده تلوم أنا طقت روحي ,انا في البيت وأهلي ,خواتي وكل حريم أخوانه مسافرين ..

وما في البيت الا أنا و أخوه العزوبي .. قاعد في بيت أهله
كان خذو ولدهم .. وتركوني أنا وزوجي..

 

[الشهد كله]

كلامج صحيح والله يعينج

بس دام بيسفرج ووعدج بسفرة في الصيف سكتي ولا تتحلطمين أكثر

خليه يسفرج ويصير خير​

 

[حبيبي مالكني]

انتي غلطانة
المفروض تروحين وتستانسين مع ريلج
انتي جذيه قاعده تنسحبين
وهاي خواته وامه مو عيب اذا خدمهم وساعدهم
ادري ان في بعض الاوقات هالموضوع يحر وينرفز الزوجة بس
انتي فكري بإيجابية
تخيلي ولدج الي يخدمج ومايقصر عليج ولا على خواته
بترضين يتغير عشان زوجته
وانتو توكم عرسان ايداد
مع الوقت بينهمك بمشاغل اسرته وبخف اهتمامه باهله

 

[عاشقة الككاو]

عادي ليش مكبرة الموضوع ومدام انه وعدج خير فمعناته سلس وسهل وطيب !
لا تظغطين عليه بكثرة الحن وفيه امور وايد تونس غير السفر !

وموفقة يا حبي

 

[PuPa^^SWeeT]

هذي ثالث سالفة بالمنتدى اقرااها


انه الحموات ينامون بين الاريال و مرته



شدعوااا ؟؟؟؟