مشكلتي مع زوجي والاحراج

[بنت الدوام]

قوه بنات

بدش بالموضوع بسرعه

بنات انا توني متزوجه مو من زمان

وزوجي ساعات اييني الدوام ونقعد بستاربكس او ريبابليك كوفي ومن هالطقه

انا وايد استانس لما يقولي بمرج

بس انا وايد انحرج واستحي

وبصراحه مابي احد يشوفني معاه

تخيليوا لما نقعد بالقهوه ما اقط النظاره واقوله نبي نقعد بطاوله صاده وكل ما مر احد افز واخترع

لي درجة انه قالي شفيج انا ريلج مو رفيجج؟؟

بس قالي شي ضايقني قالي انتي يا مستحيه مني يا مفتشله مني وماتبين احد يدري انج متزوجه!!

امبيه ترى كلامه حيل يضايق حسسني انه جنه انا حاطه عيني على احد غيره ومابي اطيره من ايدي واني متوهقه فيه !!

مع اني والله مو ابالي شي غير اني استحي وبس

تكفون شسوي بهالحيا؟ لاعت جبدي .. تصدقون لما يقولي كلام حلو استحي وويهي يتغير

ودي ارد عليه بكلام حلو بس احس روحي تشيب Cheap او جني قاطه عمري عليه

يا بنات ترى ادري العذر سخيف بس هالشعور ابالي مو قادره ارخي شويه!!! :eh_s(2):

 

[vanilla-D]

رد : مشكلتي مع زوجي والاحراج

وااااااااااي انا نفس حالتج توني مالجه صارلي سبوع مادري سبوعين و كل ما يا بيمسك ايدي او يلمني استحي مرات اخليه و مرات اصد شوي و اهوا حيييييل يتضايق ويقول انتي قاعده تجامليني و انا مو عاجبج انتي ليش وافقتي تتزوجيني ؟


احترت معاه اقوله انا مستحيه عطني وقت اتعود عليك مو راضي يفهم و كل طلعه نهايتها زعل تعبت منه ما يحس اني مستحيه يعني و اخاف اخلي يسوي كل اللي يبيه ويقول عني جريئه او مادري شنو

 

[المرتاحة]

يا حافظ يا عقايل الله

هذا ريلج مو غريب ليش تستحين

شيلي عنج الحيا هذا الماصخ بعدين انتوا قاعدين بكافيه ليش تستحين انتوا مو قاعدين تسوون شي غلط او عيب

 

[دلولي]

خبيبتي عادي الكل اول زواجه كذا شوي شوي وبيتغير الحال بس انتي عطيه خبر ان السبب انك تستحين على شان ما يتوقع شي ثاني

 

[اوماا عاد]

هههههههههههههههههه ترى زوجج بيشك انج خايفه احد كنتي تعرفيه يعرفج

من ناحيه لا قال كلام حلوو كلنا نتلعثم وماندري شنقول انا اضحك وادفه دفاشه هههههههههههههه ماعرف بس ان شاءالله اتعلم

والحل بسيط لا قال نطلع قولي لا

 

[حبيبه بدر]

اول شي الله يتمم عليكم


ثاني شي اذا قعدتي بروحج حاولي تفكرين فيه تتذكرين ملامح وايهه

تذكري كلامه وكل شي سواه وعجبج وونسج بعدين بتلقين نفسج بينج وبين نفسج تقولين بعد قلبي او حياتي

وشوي شوي بتنطقينها جدامه

وتره هو معذور انه يحس بهالشي انتي حاولي تهدين شوي واول شي تخيلي لو انج قاعده مع واحد من اخوانج او خواتج بيهداء الوضع
او تخيلي انه انتي معاه بالبيت وان شاء الله باجر اذا يبتي اعيال بتضحكين على نفسج ليش كنتي تسوين جذي

لانه باجر راح يشك فيج الله لا يقولها والسبه تصرفاتج

والله يسخركم للبعض

 

[سويت فانيلا]

اف لوانا بدالك البس برقع وافتك لوول موصج

 

[انا لحبيبي .]

رد : مشكلتي مع زوجي والاحراج

البنات ما قصرو

 

[الأميرة جوري]

كلنا مرينا بالليمريتي فيه من حياءواحراج مع الوقت بتنقلب الايه واهو يستحى وانتى طايحه في تغزل ودل ههههههههه

 

[مناير ...!]

رد : مشكلتي مع زوجي والاحراج

مالومه من حقه يزعل
شنو تستحين من ريلج بالدوام
وايد بنات يتمنون ريايلهم يمرونهم وانتي الله يهداج تستحين
ولو انه مكانه بفكر نفس التفكير
اكيد ماتبيني

خففي حبيبتي حياج لو غصب عنج
ليما اتعودين

 

[يكفيني حنانك..]

اممم اكيد ببداية الزواج نستحي بس مو لهدرجه

 

[NODA 2]

ما الوم الريال يعني احس الي فيج دلع زايد بعد اهو ريلج علي سنة الله ورسوله شكو الخوف اوكي حلو تستحين بس حركاتج مو طبيعيه الصراحه لا تخلين تفكيره يروح مكان انتي بغني عنه طلعي واستنسي هذا احلاا لحظات العمر

 

[JANAA]

حبيبتي كلنا مرنا بنفس الشعور

عادي تاقلمي مع الوضع اشوي اشوي وان شاء الله كل خير

 

[ملواكي]

حاولي تمسكين نفسج وخلج عاديه معاه واستمتعي بهالوقت مع ريلج راح تولهين علي هالايام

 

[زوجة عزيز]

رد : مشكلتي مع زوجي والاحراج

معا مرور الوقت بيتغير هالاحساس صدقيني اعتقد كل بنت في بداية زواجها جذي

 

[miss.heno0o]

رد : مشكلتي مع زوجي والاحراج

حبيبتي حالة الحيا اللي انتي فيها شي طبيعي و مرينا فيه كلنا و تالي شوي شوي تبدين تفجين و تقولين كلام حلو

يعني لا تستعجلين يمكن انتي الحيا اللي فيج زايد و راح اطولين ع ما تتعودين عاااادي جدا

و اتوقع هالشي يعتمد ع الريال نفسه

يعني انا ما صارلي ثلاث شهور متزوجه بس جني متزوجه من سنين لأن زوجي فديته ساعدني بهالشي و خلاني ما انحرج و اتكلم و

اقول اللي ابيه بس في حدود الادب

يعني انتي يبيلج وقت على ما تتأقلمين معاه و تحسين ان كل شي يصير بينكم بالحلال و هذا احسن شي يا قلبي


و الله يوفقكم

 

[@ام يوسف@]

رد : رد: مشكلتي مع زوجي والاحراج

ما الوم الريال يعني احس الي فيج دلع زايد بعد اهو ريلج علي سنة الله ورسوله شكو الخوف اوكي حلو تستحين بس حركاتج مو طبيعيه الصراحه لا تخلين تفكيره يروح مكان انتي بغني عنه طلعي واستنسي هذا احلاا لحظات العمر

:eh_s(15):

 

[Adorable]

حبيبتي ديري بالج انا اعرف وحده كانت جذي والله وصلت بينهم للطلاق لانه بعد فتره صار يقولها انتي شكلج كنتي تطلعين مع واحد علشان جذي تعودتي على هالاسلوب
حبيبتي هذا ريلج و تعوذي من ابليس
بس صج انتي مفتشله منه او شنو؟؟

 

[q8tyah]

عشان توج متزوجه شوي شوي راح تتعودين عليه


خاصه لما ييون اليهال اهما اللى يقوون العلاقه بيناتكم

 

[ايمان_مشرف]

رد : مشكلتي مع زوجي والاحراج

:3lm1:


حياويه من ريلج .. وتستحين من ريلج .. وحتى من كلمات الغزل يقلب ويهج حمر ...!!

تدرين ليش ؟لان ريلج من اول ليله مفروض يلعب فيج وكل انواع اللعب .. عشان يكســـر""الحاجز الحياوي .. "" .......ريلج من النوع اللي """""يتكلم ولا يعمل !