مشكلتي مع خطيبي

[BankerQ8]

مرحبا بنات بقولكم السالفه​

انا مخطوبه حق واحد وكنا بنملج من فترة طويله بس صارت ظروف ومشاكل:eh_s(11):​

المهم اهلي واهله يدرون ان احنا نحب بعض وانشاءالله بنتزوج قريب وعندهم خبر نتواصل مع بعض بالتلفون مجرد سلام وسوالف عن تأثيث شقتنا والخ .. يعني أمور سطحيه ماعلينا ... ​

قبل يومين يابنات كلمته وقتله ابي ورقة حق دوامي شغله ضروريه ابيها الصبح وقال اوك ووصيته وحرصت عليه ألف مرة ابيها ضروري الصبح ووعدني وقال حاضر:rerrerek:​

المهم يابنات صار الصبح ادق عليه مايرد ودز مسج مايرد مابالغ ان قلت دقيت فوق ال50 مرة وماحصلت رد
حتى لو كان نايم اهو مايحط تلفونه سايلنت مستحيل فاستغربت ليش حقرني وهذا وانا محرصته وموصيته وانقهرت حيل يابنات
وطرشت له مسج طوييل كتبت له كلام قوي وبصراحه كنت معصبه وغلطت عليه قتله عمري ماحسيت ان في ريال بحياتي اعتمد عليه كل ماطلبت منك شي تتهرب ولاتقول اوك وتطنش والخ
وبعدين شافه ودز مسج بكل برود توني قاعد من النوم!! ولاحتى اعتذر ولا اي شي !!
قهرني حيييييييييييييييييييييييييييييل ومو اول مرة اطلب منه شغله ويطنش ويتهرب والمشكله مايعتذر !!!:eh_s(11):
والحين اكلمه مايرد عليييي !!!!
بنات شالحل معاه شلون اتعامل معاه وشلون تقدرين تعيشن مع ريال إتكاالي وماتقدرين تحسين انه السند والظهر لو في ابسط المواقف !! ومنو ريلها يسوي نفس الحركات وسوري طولت عليكم بانتظار ردودكم ...​

 

[Maryam]

لا مو صج امبيييية من صجة ما رد عليييج امبيية ما ياب لج الورقة
امبييييييه الله يعينح صراحة مشكلة كبيرة

 

[زبــــــــدة]

لما يصير ريلج وتعيشين معاه راح يتغير ويحس بالمسئولية

 

[ضــمــاد]

صح كلام زبـده


أنتي الحين مو زوجته ,


لما تصيرين زوجته رسمي , ذيك الساعه لج حق تعاتبينه , لكن الحيـن لأ ,


وأصلن مو حلوه تعاتبينه وأنتوا مابينكم شي رسمي , لانه كثرة العتب والزعل , تخلي الانسان يمل


ويمكن بأسلوبج هذا تخلينه يعيد تفكيره بموضوع زواجكم , او يمكن تخلينه ياخذ فكره عنج انج نكديه


عرفتي حبيبتي ,,

 

[جوري الصالح]

مـــــوقف بـــسيــــط
طــــــولي بـــــالــــك حـــــصــــل خـــير شحــــــلات هاللحـــــظات الخــــطوبــــــة فتــــــــرات رومــــــــــــانسيه

 

[senioreta n7oola]

لا مو صج امبيييية من صجة ما رد عليييج امبيية ما ياب لج الورقة
امبييييييه الله يعينح صراحة مشكلة كبيرة

وااااي هههههههههاي قتلني ردج

 

[Canon~]

طيب ليش ترسلين رساله وتكتبين كلام قوي

انتظري لما يدق واساليها ليش ماجابها


وجد اذا صار زوجك جد هو المسؤل عنك

 

[مذهلة2013]

مااحب هالبرود القاتل !!

واجهيه وحاولي ماتكبرين الموضوع واااايد بس حسسيه بالغلط لانه موحلوه المفروض يهتم

ربي يوفقج

 

[Red Al Rainbow]

مممممممم في ريآيل جيييه بآردين وآآآآآآآآآيد . . .

بس شو تسوين آنتـي !!

حآولي مآ تتضآربين ويآه و تكبرين عقلج . . . و حآولي كل آمورج آنتـي تخلصينهآآ . . .

 

[امـ خــزامـى]

عاااااااااااااادي حبيبتي ريلاااااااااكس


الاغلب كذا

وانا اعاني من هالمشكله برود وتأجييييييييييل ولا مباالاة

انصحكك تحاولين قدر المستطااع تاخذين الاموور بسهاله ولا الله يكون بعوونك

 

[ليدي بجد]

غريب أمره. تطنيش فظيع. وبعدها رد بارد!!!!!. بس على فكره هو مواتكالي أبدا. بالعكس انت الاتكاليه هنا أمور عملك انت سويها.هو شخصه؟!!
أتوقع ثقلتي عليه وبدا يحس انك استغلاليه فطنشك ورد رد بارد. عشان تحسين وتفهمين
والا عشان ما خلص لك ورقه عمل قلتي. ما احس انه في رجااااال بحياتي. قويه الكلمه
هذا وانت للحين مؤ على ذمته!!!. ومو مسؤل عنك!!!
لو على ذمته أتوقع تسوينه عصير وتشربينه!!
لو كان حبيبك عسل متكلوش كلووو
وجهه نظري من معطيات طرحك للموضوع والله اعلم عن الي بينكم وعن شخصياتكم

واعذريني لو ردي ضايقك ولاكن بالنهايه انت تطلبين رااي وانت قلت احساسي فقط

 

[M!SS.LOBY]

الله يهديه ويسخره لج

 

[أم خشم]

موقف واحد اتوقع عادي تصير ظروف او خذته نومة
لا تبالغين بردة فعلج
اذا على هالموقف جذي اننفعلتي عيل اللي اكبر منها اشلون
الله يسخرككم لبعض

 

[نـعـومـه]

سالفه عاديه بس انتي مبين حاره وتحبين شغلج بسرعه واهوه بارد هذا اللي مسببلج ازمه

 

[THE HONEY]

حبيبتي من صجج !!!
كبري عقلج !!

الريال نايم راحت عليه نومه خير ياطير !!

وااايد بالغتي ودازتله مسج طويل عريض وحالتج حاله !!!
ماتصير فيج تروح عليج نومة ؟؟؟

تخيلي معاي
نايمةو احد شكل عليج يدق يدق اكيد بتنرفزين اقل شيء بتسوينه تحطينه سايلنت هذا إذا ما صكيتيه بويهه
وقعدتي من النوم والا تشوفين مسج يغث وحجي يسم البدن
اكيد بعدها اسكب بتسكبين

على فكرة
الريال مايحب الحنة والقرقة
لاتحنين عليه اكبر غلط

كنتي المفروض عقب مادقيتي مرتين ومارد تتعذريله ممكن نايم ممكن طالع وناسي تلفونه

الحين خليه حنتج للحين ثابته بمخه
باجر كلميه وضحيله انج غلطتي بهالمسج وكنتي تحاتينه وينه ومتنرفزة انه مارد عليج

وربي يوفقكم ويتمم عليكم

 

[مولاي الفرج]

حبيبتي مايصير كلما انقهرتي تكتبين كلام قوي تخيلي كل مرة تنسين او شي احد يكتب لج كلام مثل السم راح تكشين من هالشخص

لاتخلينه يحس انج نكديه وحنانه بالعكس نطري لين يرد

بس قوليله بكل هدوء وايد تضايقت لاني كنت ابيها ضروري اتوقع جان اعتذر منج

ان شاءالله يرد عليج مايسوى ترى تكبرون السالفه

 

[نور دنياه]

عادي وايد ريايل اتكالين وباردين تطلبين شغله بعد 10 ايام يفكر يسويها لج

بس ليش يوم مارد مانطرتي يرد عليج مو دازه لج مسج بكلام قوي الريال مسكين نايم ! واختصر الحديث بكلمتين انه كان نايم زين انه ماعصب عليج من الكلام القوي !!!

ليش مكبره الموضوع

 

[ظبية بوظبي]

طيب احمدي انه بارد
وهذي نعمه من الله لج
لان عالكلام الي قلتيه له لو هو واحد ثاني كان نسسسسسفففففففجججججج

 

[Zinab BH]

لا تكثرين العتاب ولا تكثرين الحنى نصيحة من اخت لاختها الريايل بس تحقرينهم و ماتسوين لهم اعتبار يركضون وراج
طنشي و حاولي قد ماتقدرين تخدمين نفسج بنفسج ولا تعتمدين عليه كووني استقلالية بحياتج اريح حق راسج و ثاني شي لا صار زوجج لكل حادثاً حديث الحين طنشي

 

[bent_0b0i]

بصراحه انتي غلطانه حيل وهذي وجهة نظري لو انا منج ما ادق عليه هالكثر مرتين ادق وكافي ومتا ماشاف المكالمتين بيعرف ليش داقه واذا ما تأسف بثقل حيل عليه ومراح اعتمد عليه ترا ساعات الصمت ابلغ من الكلام ولاتحسسينه انج بدونه ما تمشين شغلج بالعكس خليه يركض وراج ويدور رضاج لاتعاتبين وايد ترا يزهق وهذي الامور بسيطه جدا باجر بيصير بيت وعيال شبتسوين وانا اقولج اولا واخيرا عشان روحج وانتي اذا عزيتي روحج وثقلتي بيحترمج حيل وبيقدرج فوق ما تتصورين وخلي كل شي بسكات وبهدوووء وببرود ودايما حطي خطط طوارئ لو ما يخلص شغلج ما يوقف عليه ولا تتعبين روحج تتعبين والله