مشكلتي مع خشمي والرؤوس السوده هلب !!

[sheraZia_Q8]

سلام بنات شلونكم شخباركم ؟

عندي استفسار يريت لو تساعدوني

خشمي لونه غير عن ويهي عقدني
وفيه رؤوس سوده
ودهني حيل :/
ويتقشر مادري شلون صاير

لوع جبدي
اسوي له شمع ثاني يوم يرد يخترب

ابي عياده او كلينك تعالج هالشي
دلوني عليه

 

[احيرهم]

انا فيني جذي نفسج بس انا كان مع سواد رحت بوشهري كلينك عطاني اللزقة اللي تنحط علي الخشم تلقينها بالصيدليات انا استخدمها مرة بالاسبوع الحين الحمد الله راحت

 

[ام كوثر2007]

حبيبتي خل اعطيج وصفه راح تفيدج وايد ان شاءالله .


تعرفين الجيلاتين .. الجيلاتين اللي علبته لونها اخضر ..


تاخذين منه قفشه اكل وتحطينها بقلاص .. وقفشه ماي .. وتحطينهم بالميكرويف لمده عشر ثواني بس لا اكثر ولا اقل ديري بالج .


عقب تطلعينه ولمن تحسين انه دفااا وتقدرين تتحملينه .. حطيه علي خشمج من فوووق وخليه بو عشر دقايق جذى

طبعا لا تحطينه وهو بارد لانه راح يتجمد .


عقب العشر دقايق راح تتكون طبقه خفيفه شفافه جنها لزقات الصيدليه مالت الرؤس السوده


شيليها بسحبه قويه اشوي وشوفي اشلون خشمج راح يبرق ما شاء الله وشنو الوصخ اللى بيطلع منه ..


جربيها ما راح تندمين اذا ما فادتج ما ضرتج وانا متاكده باذن الله انها بتفيدج...


وطمنينا عليج .

 

[ام عبد العزيز م]

رفع

 

[غربة الشوق]

بجرب طريقتج أم كوثر
أنا مع كل سبوح على الماي الدافي أعصر خشمي بأضافري وتطلع الدهون
بس بجرب طريقة ام كوثر ياارب تضبط

 

[soolynar]

كانت عندي رؤس سوداء حطيت دقيق + نشأ + حليب + ماء ورد + ليمون شوي

اخلطيهم مع بعض لكن لا تخلينهم خفيف خليه ثقيل

وحطيه على خشمك نص ساعه من ينشف افركيه بصابعك وشوفي كيف سويه 3 مرات في الاسبوع وراح تروح

دعواتك

 

[&موناليزا&]

عزيزتي رفع لعيووووووونج

 

[sheraZia_Q8]

مشكورين حبايبي راح اجرب طرقكم والي يفيدني بنزله موضوع بالقسم

 

[ملكة الجاذبيه]

خلطه الجيلاتين والحليب كثير يمدحونها
جربيه حبيبتي وان شاءالله تفيدك لان كثير اللي يمدحونها
ومجربينها وماراح تضرك
واعمل حلاوه كمان تشيل
اتمنى اكون افدتك