مشكلتي مع خدامتي ساعدوني

[عمشه المنتفشه]

السلام عليكم


شلونكم بنات؟؟ عساكم بخير؟؟

تكفون ساعدوني والله ضاق خلقي

شوفوا انا الاسبوع اللي طاف والخميس بالضبط يعني اسبوع بالعد وصلت خدامتي السيلانيه

بهالاسبوع شغلها اوكي يمشي الحال ووقت الدوام الصبح كل يوم تروح مع ولدي بيت اهلي عند امي وتساعد خدامت اهلي

عاد هناك ساكنه بعد يدتي وخدامة اهلي ماتشتغلها عاد قلت ليدتي اذا عندج اي شي قولي لخدامتي لان شغلها بسسيط وشقتي

صغيره وانا معاها نقعد فبيت اهلي للعصر او المغرب لان ريلي يداوم عصر فاذا رجع يمرنا

المهم يعني ماكو شغل وتاكل بيت اهلي يعني حتى طبخ ماكو حتى ولدي عند امي


اليوم قامت تبجي تقول بروح المكتب لان ماما كبيره سوي جنجال قصدها عن يدتي

انا ماسالت يدتي بس قلت لخدامتي خلاص انا اكلم ماما واشوف شالمكله انا قصدي انثبري مابي اوديج المكتب

المهم جان تقولي انا بروح اشتغل عند اختي هني تشتغل وهي ماقالتلي هالشي من قبل

المهم دقت عليها وحاجيتها جان تقول انا ابيها عندي بالبيت لانها صغيره ومن هالخرابيط


انا الي باط جبدي الحين شنو وضع الفلوس؟؟؟ يعني هل اذا رديناها المكتب يدفعولنا فلوسنا؟؟


وانا مستحيل اخليها اخاف على ولدي وبيتي منها

فشراح يصير بالمكتب

تكفون قولوليوالله شغلت بالي الجذابه مادري شسوي

 

[Loyalty]

الله يعينج حبيبتي

بس وديها المكتب والله يعوضج بوحده ثانيه كسرت خاطري الخدامه صغيره

 

[فرنسا]

دقي عالناس اللي بتروح لهم واتفقي معاهم عالمبلغ ولا وديها المكتب يبيعونها لج

 

[عمشه المنتفشه]

يزاكم الله خير

مشكورين

يوم السبت بوديها وانشاله يردولي فلوسي

 

[اطباق ماي ورد]

اختى وديها المكتب احسن لانها تحت كفالتهم واهى اللى رافضه تشتغل عندى فمجبور يرد الج افلوسج

وبعدين الحين اعتقد مايصير تحولين الخدامه حق ناس ثانيه جنه ممنوع لازم تسافر ما تتحول

اذا ودج تاكدى اول من القرار وبعدين تفاهمى وياهم .... الظاهر هذى مضبطه حالها قبل لا تييج او ما عجبها الوضع وبتروح عند اختها سويت لج جذبه ...

الله يعينج .

 

[القرآن ربيع قلبي]

لا حيبتي القرار تكنسل
عادي وديها المكتب واخذي فلوسج لان لج مدة 6 اشهر تقدرين تردينها باي وقت وتاخذين فلوسج مباشرة مو ينطرونج
اذا طاف 6 اشهر تنطرين لما ياخذونها ناس ويدفعون لكم الفلوس
واهم شي وديها المكتب وافتكي مادام اهي ماتبي الشغل بكيفها وشكلها مخططة من قبل لا تجي عشان تبي اختها وترى يسوونها واجد

الله يعينج ويرزقج احسن منها ان شاء الله