مشكلتي مع بنات خالتي

[Om_mtab]

بنات انا زوجي يحبني وإذا رحت لاهلي يشتاقلي حيل أهو ولد عم من بعيد مو من قريب من نفس القبيله .....
وبنات خالتي ثنتين امهم توفت من زمان ومتزوجات اخوان زوجي المهم بدت مشاكلهم معاي من بعد العرس مع ان بنت خالتي لصغيره قالت لي كلمه وصخه ثاني يوم العرس يعني عن اذا دخل علي ولا لا ?وكنت مصدومه من الكلمه اللي قالته انا الحين صارلي8شهور من تزوجت وكل مشاكل بمشاكل وأختي لكبيره ماخذه أخوهم وكل ماصار شي اتصلو عَلى أخوهم وقال بنت خالتنا سوت جذي ومن الكلام الوصخ وكل اللي حولهم يحبونهم حتي انا احبهم بس خلاص كرهتهم من كثر ماسببو لي مشاكل انا اطبخ وأنظف وريلي يمدحني جدام اخوانه وحريم اخوانه أهو مو لصغير في واحد تحته بس والله بنات جد تعبت من المشاكل وحنا اليوم 27رمضان دايم يتمشكلون معاي مع اننا كلنا بيت واحد وانا الدور الأخير كامل لي جناح كامل لي حتي كل اللي متزوجين كل غرفهم مقابله بعض واهم ماشاء الله عائله الله يخليهم لبعض ودايم لاشفوني طلعت مع ريلي زعلو مني ومره وحده فيهم قالت ليش تطلعين كثرت طلعاتج انزين انا مو طالعه مع ريلي مو مع احد غريب ??والله يابنات اني مصدومه منهم مع انهم ماكانو جذي وسببولي مشاكل مع اهلي ومن هالكلام وامي ماترضى علي بنات اخته شسوي يابنات ابي حل لهل مشكله:eh_s(10):

 

[اختكم نونا]

احسن شي تسوينه ترفعين الجام يعني لا تسولفين وتاخذين وياهم خلي سلام بس

ولا تعطينهم ويه يتدخلون بخصوصياتج اذا سالو ضيعي السالفه او سكتي قوليلهم مابي اقول وضحكي

ومبين محترين ليش تطلعين وتروحين لا تقولين لهم عن طلعاتج يحسدونج بعدين

احسن شي خلي علاقتج رسميه وياهم حتى لو كانو بنات خالاتج يحترون منج

 

[Om_mtab]

مشكوره اختي نونا راح امشى على كلامج وان شاء الله تنفع معاهم ��

 

[نـعـومـه]

كل هذي سوالف حريم حما

واللي فيهم غيره

الحل

يا طناش وتحاولين ماتحتكين سلام وبس

أو أمج تكلم امهم إذا حسيتي السالفه زادت