مشكلتي مع امي

[عذووبه]

انا بقول لكم مشكلتي لأن ودي الاقي حل مع امي

بقول لكم سالفتي وياها

طبعا انا اكبر اخواني وخواتي وصار لي سنتين من تخرجت من الثانويه وللحين ماكملت دراستي بحكم ((خوفها علي))!!!
وطبعا بس محكوره بالبيت لا طلعه مع رفيجات ولا وناسه ولا دراسه واذا بطلع هاذا اذا اطلع وياها
امي مدرسه يعني المفروض ماتكون جذي
المهم ان انا دخل قلبي اليأس دااايم احاول اشغل نفسي اونس نفسي بس خلاااص طقت جبدي لدرررجه احيانا افكر انحاش!!!!

لاتلوموووني صج أيست من كللللل شي واحيانا افكر بالانتحااار

ليش انا يصير وياي جذي شنو تقولون انتظري تتزوجين !!بقول لكم مابي اتزوج ليش انا اننطر اتزوج وغيري لا طبعا اذا قلت لها ليش انا يصير وياي جذي قالت اااي تبين تصيرين مثل خالاتج على حل شعرهم!!
طبعا خالاتي لانهم يجون ويطلعون على كيفهم
انا اقولها مابي اطلع واجي على كيفي بس خليني ادرس خليني اشوف مستقبلي لأن جذي عبالها تربي واهي تدمرررررني

شنو تبيني اقعد البس واغسل عيالها واقوم معاهم الصبح واسوي كل هاذا ليش لو ماعندنا خدامه قلت معاها حق

اقسسسسسسسم بالله كل شي سويته الطيب ماجاب نتيجه العصبيه ماجابت نتيجه قلت لها بنحاش ولا حياة لمن تنادي اخر شي قبل شوي قلت لها بطلع قالت لا فصلت عليها وشققت ايديني وانهررررت مو قاادره مافي قدامي الا شغلتيين اما اني انحاش بس (اخاف ) او اني انتحر بس هم (اخاف) لأن مو قارده على هالعيشه انا ماعندي زوج وعيال عشان انجبر على هالوضع انا بعيش حياتي وكل ماقعدت ولا قمت قالت انتي مامنج فايده ولا تنفعين حق شي و تقعدت تحطييييييييم فيني !


سوري بس صج انا واضحه وقلت كل شي عشان اخليكم بالصوره والي تبي تجرح وماتبي تعطي حل او ع الاقل نصيحه انا اقول لها وفريها لج لأن ماني ناقصتج !

 

[Tom ♥ Jerry]

,


وين ابوج ؟! شنو دورة ؟ شنو رده فعله بالموضوع ؟
حياتي مآ يصير جذي .. أوكي آمج على عيني و راسي بس ترا الحين
بهالزمن مآ ينفع الا الشهاده حتى لو تزوجتي باجر تتحسفين والله !
لآزم المره الحين يكون لها شهاده على الاقل يا معودة دبلوم
تتوظفين فيها و تأمنين مستقبلج و مآ تحتاجين حق آحد باجر ليه كبرتي
كلميها آكثر من مره .. قولي حق آبوج يكلمهآ آخوج الكبير
آخوهآ الي اهوة خآلج .. المهم دخلي آطراف بالموضوع

تصرفي بسرعه حياتي عشان مآ تطوفين سنين من عمرج عالفاضي
و الله انا أعرف آكثر من بنت مآ كملو دراسه و متحسفين الحين قد شعر راسهم!

 

[Tom ♥ Jerry]

,



بعدين اهيه خلتج 12 سنه تدرسين و ليه تخرجتي قالتلج ستوب !
ترا في معاهد سنتين أو 3 سنين و في اقل تاخذين شهاده دبلوم على الاقل


سوري انا مو قام اشيشج على آمج .. هاذي آمج لو شنو سوت لآزم تحترمينهآ
بس لازم تقنعينهآ و تتحركين بسرعه ، صارلج سنتين لا شغل و لا مشغله
لا تضيعين سنين آكثر!

 

[عذووبه]

ابوي مطلق امي وشايل ايده يعني ماله شغل فينا واذا عن خوالي محد فاضي لحد

 

[قمر بيت أبوها]

بصراحه وكلمة حقك امك انانيه هي مدرسه وانتي علي ثانوي وقاعده بالبيت ليش تبي تدفنك بالحياه
لا حبيبتي ادرسي بكره لا دارت الدنيا فيك ماينفعك غير شهادتك وكلميها بالعقل قولي انتي تبين تدفنيني يعني بكره اتطلق ولااترمل اقعد اطر من الناس بس عشان انتي ماتبين ادرس منطق هذا
واذا هي خايفه عليك علي قولتها خليها تترك شغلها وتداوم معاك بالجامعه هذا اذا انتي تهمينها اكثر من نفسها




لاتجي وحده مدرعمه وتقول تشيشين البنت علي امها قلنا تدرس تتعلم عشان تشيل نفسها عن الناس ماقلنا تضرب امها اوكي

الله يعينك يالغلا بجد انقهرت ياما مطلقات يقطون وجيهم علي الناس عشان تدرس بنتها باحسن جامعه وامك حابستك لاحول ولاقوة الا بالله

 

[بنت الكويت &]

مالوم امج بهالزمن تخافين مٍْْـٍْْ♡̷̴̬̩̃̊ـٍْْنٍْْ المجتمع واهي مثل ماقلتي خايفه عليج ومدام اهي مدرسه بعد سامعه اكثر واكثر ولاتلومينها مٍْْـٍْْ♡̷̴̬̩̃̊ـٍْْنٍْْ خوفها الزايد علييج ولو انها ماتحبج ماخافت انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي حاجيها بوقت اهي مرتاحه فيه مو توها جايه مٍْْـٍْْ♡̷̴̬̩̃̊ـٍْْنٍْْ دوام او متنرفزه بوسي راسها كلميها فهميها قولي الناس تطورت الحين ويقيمون الوحده علئ شهادتها واا انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي خايفه علي تعالي معاي او قوليلها ادش معهد راضيه المعاهد ماتقدر الوحده تطلع الا مع اهلها اذا رضيتي ربج بيسرلج الامور وبالاخير رضئ امج اهم مٍْْـٍْْ♡̷̴̬̩̃̊ـٍْْنٍْْ الشهاده لاتقولين اترك البيت انحاش لاتكونين انَـَy̷̳̜̩̐̌̋o̷̳̜̩̐̌̋u̷̳̜̩̐̌̋ـَتَي والزمن عليها كافي مطلقه ومتكفله فيكم خلت حياتها عشانكم والله يسرلج الخير يالغاليه

 

[توايلا]

الله يهدي امك وان شاء الله توافق على طلباتك

 

[طعنـــة غـــدر]

الله يعينج اولا
وبعدين دخلي جدج وجدتج هدديها بأبوج كلمي خالاتج صج انها امج لاكن انتي اهم والله الحين الناس تاخذ شهادة ودورات وانتي على مستقبل ووظيفة مانعتج لاحبيبتي حتى المعاهد ام 9 شهور لاترضين فيها اذا تدخلج الجامعه دشي واذا التطبيقيي هم دشي محد دايم لاحد ووظيفتج وشهادتج اهو سلاحتج

سوري يعني اشكي هند احد من اللي يمنون عليها زميلاتها جاراتكم مو حاله وسوري يعني حتى لو بالزواج يبي وحدة متعلمه وفاهمه يعرف يسولف معاها وهم تعرف تربي عياله وبالتوفيق

 

[منيرة خالد]

حبيبتي

حتى لو ابوج مطلق امج هذا ما يمنع انه يتدخل بحياتج ، زوري ابوج وتواصلي معاه لانه القطاعه عن زيارته يعتبر عقوق


وانتي تقولين متخرجه من الثانويه من سنتين يعني عمرج ٢٠ سنه اللحين تقريباً


كبيره وتفهمين ، اتصلي على ابوج واشرحي له وضعج وتقدرين بنفسج تاخذين اوراقج الثبوتيه وتقدين بالمعهد وتدرسين التخصص اللي تبين واذا تبين تطلعين مكان وامج ردتج اتصلي على ابوج واخذي الشور منه

لازم ابوج يتحمل مسؤليتج لو بالراي على الاقل


وحاولي تتعرفين على امج اكثر وتتعرفين على صديقاتها او الناس اللي تثق برايهم وحاولي تدخلينهم بالموضوع وتخلينهم يشورون على امج انج تكملين دراستج على الاقل


فيه اكثر من حل اخذي الحل اللي يريحج ( اذا مو جايبه مجموع تقدرين تعيدين الثانويه وتشدين حيلج وان شاء الله تجيبين المجموع اللي يدخلج الجامعه لازم تثبتين لامج انج انسانه ناجحه وعندج اراده لتحقيق النجاح )


اتمنى لج التوفيق

 

[Florence]

لاحول ولا قوة الا بالله

لازم تتحركين لاتخلين نفسج جذي

الله يهديها والله لاحول ولا قوة الا بالله

 

[اميره1980]

حبيبتي
شوفي منو اكثر شخص امج تسمع كلامه و تقتنع فيه و كلميه
مو شرط يكون ابوج مثلا جدانج او صديقات امج او اي احد امج تسمع كلامه
اذا ما فاد مالج الا الالحاح على حقوقج و ذكريها ان مستقبلج برقبتها و ادعي الله على طول ان يهديها

 

[αησмα]

لا حول ولا قوة الا بالله


حبيبتي الله يكون بعونج

مشكلة الامهات تسوي الشي ولا صار الشي بوقته قالت كله منج


حياتي شووفي اكبر شخص امج تسمع كلامه وما تخالفه بشي لا تضيعين عمممرج


الله يووفقج ويسهل امورج ويرزقج بالزوج الصالح اللي يحبج