مشكلتي مع امي حبيبتي

[مابنكسرصابره]

بعدالتحيه والسلام اخباركم
خواتي اناعندي مشكله مع امي الله يحفظها لي انا انسانه حيل طيبه وحساسه واجتماعيه والكل يشهدعلى اخلاقي ولله الحمدمشكلتي اني عصبيه ماتحمل انا اعرف اللي اسويه حراااام وربي راح يجازيني عليه مشكلتي اني دايم اعصب وارفع صوتي على امي واذا طلبت مني خدمه اتنرفزليه تحط كل شئ فوق راسي وخواتي لا اردعليها ردموحلوواعرف اني غلطانه احيان اجلس ابكي على اللي اسويه واقول في نفسي خلاص لازم اتغيرللاحسن وارجع اكررنفس الشئ على ان امي حيييل طيبه وحنونه والكل يحبها بس مادري وش فيني قبل كم يوم جتني صديقتي البيت وعصبت على امي قدام صديقتي وزعلت على صديقتي ولاكلمتني مشكلتي اعرف انه حرام بس مادري وش فيني سااااااعدوني موعاجبني وضعي

 

[@حلاوة الدنيا@]

مرحبا

انتي لازم تغيرين طبعج وتحاولين تستحملين وان طلبت منج الوالده الله يخليها لج تقولين حاضر وعلى امرج وإذا طلبت منج تبي تشوف شطارتج قبل لا ترووح لغيره


واتمنى تقبلين نصيحتي

 

[ملكه بكلمتي]

رد : مشكلتي مع امي حبيبتي

تحملي هذي امك
وبعدين اذا حسيتي انك معصبه تذكري على طول عطفها وحنانها عليك
وانك لو طلبتي منها شي ماراح تردك لو انك على فراش الموت بسم الله عليك

 

[قطووه حلووه]

رد : مشكلتي مع امي حبيبتي

كلااام حلااااوه ميييييييييييييه ميييييييييه

 

[غمزه وإبتسامه]

ولا تقل لهم اف ولا تنهرهم
انا نفسج كلا اتنرفز على امي
بس قبل قبل فتره قررت اتغير
وجااري التغير على انها تعصب علي داايمن وهي داايمن تتنرفز امي على اشياء ماتستاهل وتخليني اتنررفز بس انا الحين قااعد اعوود نفسي انه اذا امي اعصبت من شغله ماتستاهل اسكت وبس

 

[مابنكسرصابره]

رد : رد: مشكلتي مع امي حبيبتي

ولا تقل لهم اف ولا تنهرهم
انا نفسج كلا اتنرفز على امي
بس قبل قبل فتره قررت اتغير
وجااري التغير على انها تعصب علي داايمن وهي داايمن تتنرفز امي على اشياء ماتستاهل وتخليني اتنررفز بس انا الحين قااعد اعوود نفسي انه اذا امي اعصبت من شغله ماتستاهل اسكت وبس

فعلا انا نفس طبعك وامك نفس طبع امي الله يهدينا يارب

 

[مابنكسرصابره]

رد : مشكلتي مع امي حبيبتي

تحملي هذي امك
وبعدين اذا حسيتي انك معصبه تذكري على طول عطفها وحنانها عليك
وانك لو طلبتي منها شي ماراح تردك لو انك على فراش الموت بسم الله عليك

الله يعطيك العافيه اختي

 

[مابنكسرصابره]

رد : رد: مشكلتي مع امي حبيبتي

مرحبا

انتي لازم تغيرين طبعج وتحاولين تستحملين وان طلبت منج الوالده الله يخليها لج تقولين حاضر وعلى امرج وإذا طلبت منج تبي تشوف شطارتج قبل لا ترووح لغيره


واتمنى تقبلين نصيحتي

اتقبل نصيحتك بصدررحب الله يقويني

 

[جروح خالده]

رد : مشكلتي مع امي حبيبتي

كلنا امهاتنا يعصبون ويهاوشون حتي لو كان شي تافه

بس لازم نتحملهم ونسكت

بصراحه قهرتني انج تزيف امج جدام رفجتج < والله حرررررررام الا الام

حاولي تمسكين نفسج تري هذي الشيطان يوسوس لج يقولج قولي وقولي وقولي< اول ماتحسين بتعصب استغفري بقلبج وامسكي نفس
ولاتنظقين بااي كلمه جذي اذا اهي مهاوشه علي شي تافه بتجي وتكلمج وتراضضيج والله جربي وشوفي

 

[مابنكسرصابره]

رد : مشكلتي مع امي حبيبتي

كلنا امهاتنا يعصبون ويهاوشون حتي لو كان شي تافه

بس لازم نتحملهم ونسكت

بصراحه قهرتني انج تزيف امج جدام رفجتج < والله حرررررررام الا الام

حاولي تمسكين نفسج تري هذي الشيطان يوسوس لج يقولج قولي وقولي وقولي< اول ماتحسين بتعصب استغفري بقلبج وامسكي نفس
ولاتنظقين بااي كلمه جذي اذا اهي مهاوشه علي شي تافه بتجي وتكلمج وتراضضيج والله جربي وشوفي

ان شاء الله راح اطبق اللي قلتيه الله يوفقك

 

[Tom ♥ Jerry]

.


حبيبتي بس تحسين نفسج رآح تعصبين على آمج
على طول تعوذي من ابليس
و على طول آدعي آنه الله يهديج
و حطي في بآلج آنهآ آمج الي ربتج و تعبت على تربيتج
9 شهور دآخل بطنهآ و مآ قآلت أوف !
تحملتج في بطنهآ مو على شآن اتيين و تطولين لسآنج عليها !
( كمآ تدين تدآن ) يعني رآح تشوفينه بعيآلج
فـ خلج حلوه معآهآ و بآره فيها عشان عيالج يبرون فيج (= !

.

 

[kndora]

الله يهديج انشالله وانشالله امج فاهمه انج ما تتتحكمين باعصابج

 

[صحفية]

تذكري حبيبتي انج بتصيرين ام ..وعيالج بيسونلج ممثل ما تسويلها

عدلي من نفسج واطباعج ...حرام علييي

وانا كلش ما يعجبني طريقة بعض البنات الي يرفعون صوتهم على امهاتهم قبال الناس يعني انا الشخصيه والا شالسالفه !!!

انشاءالله ما تكونين منهم وتتغيرين وتصيرين خوش بنت ومطييعه عشان بنتج باجر اتصير نفسج

الله يهدييج انشاءالله ....واتمنى انج ما تزعلين من كلامي حبيبتي

 

[شنكولة]

هذي امج اللي تعبت عليج تجازيها بهالاسلوب خافي ربج

 

[ام زاكي]

الجنه تحت اقدامها تبين الجنه حبيها وعطفي عليها ترا مالج غيرها بشدتج وانتي لين الحين ماتزوجتي
بعد فكري فيها بعدين نفاسج وعيالج كله عندها
واهي جنتج ونارج وانتي بستطاعتج تختارين فكري فيها دينيا راح تغيرين معاملتج
والله يصلح بينكم

 

[بصْمةُ ضِيَاءْ]

انا كنت نفسج بس ازف امي قويه!
بس كانت الله يخليها لي كل شي ع راسي
والشيطان بعد يزيدني بس قررت اتغير لان هذي الام اذا ماسمعت كلامها الله مايكوون راضي عنج ....
الله يغفر لنا ويتووب علينا ياارب ...ويعينا ع ذكره وشكره وحسن عبادته ويعينا ع رضا والدينا ياارب

 

[¨(أميرة مطير)¨]

الله يهديج

حطي في بالج ان غيرج مو حاصله ام تسال عنه والله اعرف وحدة امها مجننتها حتى المخفر دخلتها

 

[بيبي سبايس]

امج اهيا اللي بدخلج الجنة حبيبتي
حاولي تمسكين نفسج واذا حصل وطلعتي عن طورج وصرختي على امج جدام الناس نفس الوقت روحي بوسي راسها وتاسفيلها جدام الناس هذا وايد بخفف عنها

 

[جوـآهر ..~]

رد : مشكلتي مع امي حبيبتي

فاهمه ان هالشي مب قاصدته

بس حاولي انج تضبطين اعصابج .. يوم تحسين انج بتصارخين او بتعصبين ع الوالده
اسكتي او سيري حجرتج ..


عارفه ان التغيير يحتاج وقت ، بس اهم شي ارادتج ف تغيير هالشي ..

حياتي تدربي ع هالشي و نحن معاج

و اذا تغيرتي بشرينا عنج


ان شاء الله تتغيرين .. و الله يهديج و يهدينا اجمعين


سبحان الله و بحمده ، سبحان الله العظيم

 

[ام الدرر]

حبيبتي اسمحي لي وتقبليها مني نصيحه لوجه الله
قلبج ياعمري فيه شوية قساوة ماراح تحسنين لامج وتعاملينها بمايرضي الله الا لما يلين القلب
حاولي تقرين عن جزاء الاحسان للوالدين وبرهم
ترى والله رغم اني كبيرة بالسن وامي وابوي الله يرحمهم
بس توني اعرف اشياء وايد عن بر الوالدين وجزاء العقوق
مرة داعية تقول لنا ان لابواب السماء بابين لرضا الوالدين
وهذا الحديث دليل
عن ابن عباس رضي الله عنهما يرفعه إلى الرسول صلى الله عليه وسلم: "من أصبح مطيعاً لله في والديه أصبح له بابان مفتوحان من الجنة، وإن واحداً فواحد، ومن أصبح عاصياً لله في والديه أصبح له بابان مفتوحان من النار، وإن كان واحداً فواحد؛ قال رجل: وإن ظلماه؟ قال: وإن ظلماه، وإن ظلماه، وإن ظلماه".
وكلنا نعرف الحديث
جاء رجل إلى رسول الله صلى الله عليه وسلم فقال : يا رسول الله ، من أحق الناس بحسن صحبتي ؟ قال : ( أمك ) قال : ثم من ؟ قال : ( ثم أمك ) قال : ثم من ؟ قال : ( ثم أمك ) قال : ثم من ؟ قال : ( ثم أبوك )
ياعمري تراج بنعمة لوالدينج طولة العمر ان شاءالله ما يحس فيها الا اللي فقدها
عسى الله يحنن قلبج على اميمتج ويعينج على برها​