مشكلتي مع الليزر

[][ sarah ][]

السلام عليكم

بنااات انا اعاني مع الليزر خاصه الويه لان مكان بارز للكل ماقدر اهمله
صارلي مده طويله اسوي ليزر وبالفتره الاخيره يشيلونلي ليزر وبعد يومين يطلع الشعر ومايطيح , مادري شسوي تعبت !!!

الحين لو اشيل الشعر بخيط يخترب الليزر مثل مايقولون !! والا عادي
لان تعبت ماقدر اتحمل كل يوم والثاني شايلته موس !!

 

[حروف الغـــــلا]

انتي وين مسويه الليزر لان الغلط من العيادة الي تسوينه فيها
سوي برويال حياه شكثر يمدحونه بس غالي مووووووت​

 

[NeDaWi]

صح كلامج

انا اقول كملي في كورسات الليزر احسن عالاقل كورسين (12)جلسه للويه لان شعر الويه يغث ف يحتاج اكثر

وشيلي بالموس لين موعن جلستج الياي

 

[ميموووورااا]

لا حرام لاتشيلين الا بموس لانج راح تخربين على نفسج

 

[uicчנ ρinκ]

تصدقين نفس قصتج انا :/
ماتغير نوع الشعر وحسافه قبل كان شعري اشقر خفيف مايبين من شلت ليزر طلع اقمج
ويمكن فوق 12 جلسه ولا اكو فايده
واخاف اشيل بموس ولامره شلت ومرات يطلع ومالي خلق اسوي ليزر
اشيله بخيط :/
لاحظت الشعر صار اخف بس ليلحين يطلع مليييت

 

[أميرة 22]

شلون تشيلين شعور وجه بالموس ؟؟؟؟؟؟؟
ما يحبب مووووووووووووووس !

 

[!الجادل الصعب!]

في وحده نصحتني آسوي بالموآسآة لآنهم مآ يشيلون بموس ..
ليزرهم مآيحتآج تشيلينه بموس ..
والله يجزآهآ آلف خير مرتآآآحه عليهم آخر رآحه ..
بنآت دوروآ عيآدات عندهم ليزر مآ يحتآج تشيلين بالموس..
فآد معآج خير وبركه مآ فآد عـ الاقل مآ ثقل الشعر بموس وآزيد الطين بله ..!
جربي الموآسآه ياقلبي ..,

 

[][ sarah ][]

حروف الغلا بياكو ابولو حسبي الله عليهم , اغلب اللي يسوون ماعندهم ضمير , ومو قادره اغيرهم لان ماعرف مكان ثاني ولاني طالبه اسوي من الاعانه وسعرهم مناسب حقي


نداوي حبيبتي لو اقولج يمكن ماتصدقين , انا عديت ال10 جلسات , طقت جبدي والله وماتغير شييييييي


ميمورا ابتلشت بالاسبوع مرتين اشيل موس وبشرتي انعدمت

بينك واااي نفس حالتي انتي بالضبط بس الفرق انج ماشلتي بموس والله زين تسوين انا الحين والله ريال مو بنت تعالي شوفي الشوك اللي يطلع مو شعر , يفشللللل , حتى لو اشيله خيط راح اموت من العوار بس لو اضمن ان مايطلع بسرعه اتحمل العوار ولا هالحاله

اميره شسوي بعد اللي يبي الدح مايقول اح , يعني قلت يالله عادي اشيله موس وافتك من الشعر للابد احسن , بس الظاهر ماكو فايده
وويهي امبله يحبب بس مرات احسه تعود خلاص



الجادل اي والله كلامج صح , الحين انا لاتشوفين حالتي مرات تخنقني العبره على ويهي من هالموس تعالي شوفي الشعر الله لايبلي احد باللي انا فيه

مشكلتي لما بديت ويهي ماكنت اسأل واشوف اللي مجربين للاسف بس الحين تعلمت صرت بكل شي اسأل

 

[rosegold]

انا سويت ويهي في عياده فيصل كلينيك بصراحه يهبلوووووون عنايه ونظافه ونتيجه حلوه يعني 5 جلسات ماكو شعر ان شاء الله

 

[][ sarah ][]

حبيبتي عليج بالعافيه , الفال حقي
تعبت صايره مااطلع من البيت من هالشعر مضايقني وبشرتي انعدمت

 

[كسرت عوود]

حبيبتي معروف الليزر ما يمشي وياه غير المووس

انت بأي عياده تسوينه ؟

 

[Fajory]

كملي عالليزر وانا انصحج تستعملين كريم واااايد حلو تحطينه كل يوم سواء حفيتي والا حلقتي عادي بس اذا حفيتي نتيجته تبين اسرع
اهوا يأخر نمو الشعر ومع الوقت يختفي ان شاء الله
تحصلينه بصيدليه سوق شرق


وفي منه حق الجسم

 

[][ sarah ][]

كسرت عود بياكو ابولو اسوي

فجووووري حبيبتي مشكوره على النصيحه , واهم شي يكون مجرب

حفظت صورته وان شاءالله بشتريه وادعيلج


صاااااااااايره مااشوف ويهي من المنظره من هالشعر

 

[حلوى عمانيه]

كنت ناويه على الليزر يعني ما تنصحيني اسوي شواربي بالليزر لاني تعبت كل يومين طالع اشكثره

 

[][ sarah ][]

لاااااا حبيبتي ويهج ماانصحج تقربين ناحيته
سوي اي مكان الا ويهج

الا اذا واثقه من مكان حيل مضمون توكلي على الله , بس نصيحه من مجربه لااااااااااااااااااتفكرين

 

[أزياء نوره]

يمكن المشكله بالعياده والاجهزه انا اعرف ناس يسوون بالسعوديه بالرياض ارخص وايد والاجهزه اصليه


يسون جلسه وبعدها باسبوعين جلسة رتوش واكثر اللي سووها ماحتاجو اكثر من 3 او 4 جاسات

وسعر الجلسه عندهم تقريبآ ربع سعر الجلسه عندنا ويفرق من عياده لعياده انا جربت عندهم تقشير


الوجه بالكريستال شي خيااااااال وتنظيف الوجه هم رووعه وتقشير هم يحددون عدة جلسات


تلتزمين فيها ​

 

[][ sarah ][]

نوره صح بالسعوديه ارخص تقريبا وعندهم جلسات فري مو نفسنا

اهني خرطي