مشكلتي مع السونار !!

[عاشقة^زوجها]

السلام عليكم
بنات اشلونكم؟؟:hjy5jewf:

بقولكم سالفتي وحدي مستغربه منها .. وكل اهلي مستغربين ...:s141:

انا حملت والحمدلله وماشاء الله بعد 4 سنين من زواجي وكلها جم شهر واكمل 5 سنين ان شاء الله :yaaaaaarb:

المهم بالشهر الثالث رحت عند دكتور بدار الشفا وسوالي سونار وقالي ولد .. حلو ؟؟

وبعدها بالشهر الرابع ببدايته رحت مستشفى السيف وسويت سونار وقالولي ولد .. حلو ؟؟

وانا بخاطري بنت بس تأقلمت ان فيني ولد وخذيت عالوضع وامي شرت شويه ملابس لأنها كانت مسافره .. واهلي اللي سافرو شارين لي ملابس ولد ..

وبنهاية الشهر الرابع .. رحت السيف ... وقالتلي الدكتوره بنت !!:bbbiu:

قلت خل اتأكد ووراها بيوم رحت دار الشفا وقالي الدكتور اي فيج بنت .. واهوه مستغرب يقولي سبحان الله كان ولد حتى كاتب بالفايل عنده ان فيني ولد .. والحين بنت ..

استااانست حدي انها بنت وكل شي من رب العالمين حلو .. وسافرت وشريت خرابيط بس مو وايد .. يعني شباصات وهالسوالف ههههه :eh_s(7):

انا الحين بالشهر الخامس ..رديت من السفر .. بنزلة الطياره حسيت بعوار وقلت حق زوجي اول ما نطلع من المطار بروح اجيك ..

ولا الدكتوره اتقولي ولد !! انصدمت والله :eh_s(12):


رحت بعدها سويت سونار عشان اتأكد شنو فيني ...!!! قالولي بنت !!:080402ask_prv:


ودخت ورب الكعبه مع هالسالفه ... الحين بالشهر الخامس ومادري فيني بنت ولا ولد:080402ask_prv:

لما الناس يسألوني شنو فيج اقولهم مادري والله .. يقولون جذابه خايفه من العين ..!! وانا والله ورب الكعبه مادري شنو فيني لوول

انا مو متضايقه بالحالتين احب البنات واحب الصبيان والحمدلله اللي ربي رزقني بعد 5 سنين الحمدلله واهم شي ان الياهل يكون سليم وبصحه وعافيه ياربي يا كريم .. :yaaaaaarb:

بس انا حدي محتاره؟؟؟ و الناس لما يسألوني ماعرف اجاوب وعبالهم اجذب عليهم :eh_s(11):

بنات منو صار معاها مثلي ؟؟ ومتى اعرف بالضبط شنو فيني .. مفكره اجهز بالشهر السابع وخايفه لا يطلع البيبي بنت والتجهيز حق ولد او العكس .. :eh_s(11):​

 

[Vanish_q8]

حبيبتي ليش ما تسوين الرباعي أضمن شي ويبين عدل سبحان الله
الله يتمم عليج انشالله

 

[Ms.Roon]

لا عادي في ناس ما ايبين معهم بسرعه في بسادس او الثامن
بس جنج انتي شريتي امبجر اشوي جان نطرتي لمه دشيت السابع

سووي سونار رباعي يقولون واضح ايبن
وعسى يتمم عليج بسلامه ويرزقج ببنوته حلوة بصحه وعافيه ويرزقني انا بعد

 

[احلى مريومه]

سالفتج غريبه والله

 

[ملكه الحطب]

ليش ماتروحين تسوين السونار الكبير على قولتهم بهالسونار يشوفون فيه الكلى والرئه للبيبي والجهاز التناسلي اللي فيه بعد

انا توني سويته في طيبه كلينك لاني كنت محتاره وماني عارفه شنو فيني

 

[hneen2]

لوووووووووول صج عاد حيره خخخ

ليش ماتسوين الرباعي وخل يوريج العضو احسن

 

[غلا عيوني]

سوى سونار الرباعي يكوووون احسن وافضل

 

[miss-winter]

اي والله سالفتج غريبه ههههه الله يتمم عليج يارب ويرزقج

 

[عاشقة^زوجها]

سويته وراووني الاعضاء مره يراووني عضو ذكر ومره عضو بنت هههههه الله يعلم

وبنات انا ما شريت في اشياء يتلي صوغه و اللي شريتهم خرابيط يعني شباصات وتراجي انا البسهم عادي )

 

[احب المنتدى]

رد : مشكلتي مع السونار !!

اخذيها على البدايه ولد
يعني ولد
لان الولد يبين بسرعه بس البنت اشوي يحوسون فيها


الله يرزقج بالي تبينه ياااااااااااارب

 

[ZajiL]

واي الله يعييييييييييينج صج دوخة راس هههه

 

[coco honey]

حبيبتي سوي سونار رباعي يعطيج الاكيد وحاولي تسوينه بأسرع وقت لان بعد السادس ماسيونه لان حجم البيبي كبير

 

[ملكه الحطب]

ههههههههه
صج الله يعينج

في بالجريده بعياده الدكتوره هدى انه عندها سونار ثنائي يبين عدل احسن من السونار اللي نسويه وشكلي بروح لها وبسويه لانه عندي ملف عندها

 

[~{GooShTa}~]

بنات السونار الرباعي متى يسوونه ؟ ووين يسوونه ؟
انا للحين مو عارفه شنو فيني .. يقولولي %50 بنيه

 

[G.H.N]

مالش الا التفصيلي يهبببل

انا سويته بالسلام بـ 30 دينار عجيييب

 

[فله]

صج لوية الله يعينج لاتجهزين شي الحين نطري
حاسة فيج من الفرحة ودج تجهزين نفس وضعي

 

[توكلت على الله 22]

الف مبرووووووووووك الحمال والله يثبته
انا اقوووووووول اذا ع التجهيزات البيبي اشتري ملابس للنوعين احسن لج
واللي يجي من الله حياة الله

 

[كويتيه مذهله 87]

لأ سالفتج مو غريبه والله الدكاتره خواره

شوفي انتي مثل اختي بالضبط مرات الولد يكون عضوه داش كله لوووول ومرات البنت يكون مالها شوي متفوخ فهمتي علي



نطري شوي سويه بالسابع مثل ماقالوا البنات الرباعي واذا همن مثل المشكله اشتري الوان محايده وخليها سبرايز وقت الولاده لووول

 

[فاقده حنان ابوه]

انتي عالاقل احسن مني انا مابين كلش وانا الحين بالخامس كله مسكر ريوله

وما قدرت اجهز

بس الحمدالله

 

[من حقي أغير]

الله يعينج احسن شي سوي سونار الرباعي اضمن شي والله يتمت عليج