مشكلتي مع الرضاعه الطبيعيه

[أم عزوز21]

السلام عليكم خواتي
عيدكم مبارك

انا حيل متضايقه من موضوع الرضاعه تكفون اللي عندها حل تساعدني
انا ولدي عمره 44 يوم وبالنفاس كنت ارضعه من صدري وماكان يشبع من صدري
واعطيه صناعي ، بس الاكثر صناعي بصراحه
لاني تعبت من الخياط المهم من 5 ايام ماعطيته من صدري كلش لاني تعبانه
واليوم احطه مايبي يرضع ويبجي حيل وحاولت فيه مو راضي
بصراحة تضايقت حييييل لاني عارفه فوائد الرضاعه الطبيعيه وابي ارضعه


هل فيه امل يرجع يرضع من صدري!!!؟؟ وشلون

وهل الحليب اللي بصدري من 5 ايام ما اخترب ؟

اعذروني ترى بجر ومو عارفه شسوي

 

[ام زكريا]

الله يحفظه الج بجاه النبي بس ياحبيبتي انت غلطتي ماكو شيء اسمه طفل مايشبع من صدر امه الله سبحانة مهياء الصدر للرضاعة بعد الولادة,واصبري ابقي جيبيه يم صدرج ورضعيه واصبري عليه ابد لاتكطعيه من الرضاعة الطبيعية ترى كولش مهمه والله بالرضاعة الطبيعية فوائد لايمكن احصائها,وثانيا ميخرب الحليب قابل هو بقنينة ؟؟؟؟؟ارجعي رضعيه ولاتحرمين ابنج من نعمة ناطيهياه رب العالمين والله حتشوفين اشون ايصير بالرضاعة الطبيعية حتى لو طلع ضعيف بس حيكون كولش ذكي وصحتة باذن الله تمام.

 

[اميرة زوجي]

حبيبتي ضلي جربي معو صح الرضاعة الطبيعية متعبه بس أفيد للطفل و كله ثواب من الله
لا تياسي حاولي كل نص ساعه مرة وحلب وضعه الحليب الصناعي مرة قبل النوم بالليل ولما
تكوني برا البيت والله يوفقك و يريحك

 

[worood82]

حبيبتي مع التكرار كل مره وحاولي تيوعينه بعدين عطي راح ياخذ عليه صج راح تتعبين بالبدايه بس مع الايام راح ياخذه انشاءالله واذا حسيتي ماكو فايده شفطي له وعطي بالممه بس انه ما انصح بالشفط لاني سمعت عنه ينشف الحليب انتي جربي او خلي ايوع وعطي صدرچ حتى لو ما اخذ مره ومرتين انشاءالله ياخذه

 

[worood82]

نسيت اقولكم

عيدكم مبارك

 

[كريستال]

حبيبتي تحتاجين صبر وثقه بالنفس
لاتعطينه صدرج وهو جوعان وايد ويبجي

اختاري وقت يكون فيه هادي ولاتعصبين وتتوترين لانه البيبي يحس فيج ويتوتر خلج ريلاكس قد ماتقدرين وشربي سوايل عصاير وشوربات وسمي بالرحمن ورضعي

لاتخافين الحليب يكفي وكل مارضعتي اكثر يزيد وكل ماقللتي الرضاعه يقل

والله يعينج

 

[أم عزوز21]

فدددديتكم والله

الله يجزاكم خير

وان شاء الله الله يهديه ويرضع 

 

[english muffin]

ولدج نفس ولدي ولارضى يمسك صدري فقمت اشفط له احسن حل اشفط واخليه في المرضعة يشرب منها

 

[.: زقرتية :.]

اشفطيله كل وقت رضعه

عشان لاينشف الحليب بصدرج

وبين الشفط جربي يرضع من صدرج راح يتعود شوي شوي

انا مثلج مايرضع بسرعه

يبجي على صدري ولا يعرف يحطها بحلجه

الموضوع يبيله صبببببررررر

جربي معاه بوقت تكونين فاضية ومافيج نوم عشان لاتملين

اهم شي لايتعود على حليب القواطي

انا اعطيه حليب بودر قلييييل مو دايم

 

[نـعـومـه]

حيااااتي

حااااولي معاه ان شاءالله يقبل انا بنتي كنت ارضعها اول شهرين بس طبيعي واعطيها من صدري وهم شوي توخر ومرات تبي مرات ماتبي

الله يصبرج

 

[Perfume]

قطعتيه ٥ ايام
ما حاشج عوار بصدرج من تجمع الحليب ؟
حبيبتي حتى لو ما بتعطينه اشفطي عشان ماينشف حليبج

 

[PuPa^^SWeeT]

الطفل يشبع من صدر امه



و تو الناس تحكمين على الطفل شبع ولا لا توا طالع من النفاس



شووفي انا كنت ارضع من صدري ثنتينهم لفترة محدودة



شووفي الطفل يشبع اذا ما نام على ريحة صدرج



يعني واهو يشرب خلييه قاعد قعدييه لاتخلينه ينام


اذا نام طلعي صدرج منه و خلييه لاتشربيينه لفترة شوي حتى لو بجى عطيه ماي



الحيين انيي للسالفة شلون يرد على صدرج


حرمييه من الحليب الصناعي


لو بجى

عطييه ماي ولا حبة حلوة



اذا بجى وايد


خل يرضع منج


اذا ما رضع عطيه ماي

وهكذا


لين يرضى ياخذه


اذا تبينه يرضع جربييه ولا يعورج قلبج


الطفل لو يااع وايد بيرضع منج