مشكلتي مع الخدامه

[Faisal Hayaty]

بنات شلونكم​

تكفون ساعدوني​

انا متزوجه من سنه و نص و عندي طفل عمره 5 شهور​

المهم جبت شغاله فلبينيه صارلها عندي شهر و نص​

الأخت من شهر قامت اتطالب بيوم اجازه و تطلع فيه بروحها, عاد انا قلت يوم اجازه مقدور عليه بس طلعه مافي الا ويانا​

و بعدين صارت تحن ان لها اخت هني تبي تحاجيها عالتيلفو قلنا اوكي مع اني متاكده انها مب اختها لأن كل الخدامات يقولون جي عشان يتعرفون على بعض ​

على فكره اهي ترقد 8 ساعات فالليل و يمكن ساعه الضهر غير انها تظل فالبيت كل يوم بروحها و ابني يروح عند جدته لاني اشتغل لين الساعه 4. و اهي ما تطبخ و بس تنظف و تشوف الياهل كم ساعه فاليوم, يعني بختصار مدلللللللله​

وبعد تشتكي انه وايد شغل و اني اخليها تطلع ويانا يوم الجمعه و اخليها تسهر يوم واحد فالاسبوع اذا عندنا ظيوف !!!!! الاخت تبي ترقد و انا اخدم!!​

الحين اهي ذكيه و نظيفه و حيل زينه مع البيبي حتى اهو يحبها​

المهم اللأخت الحين تحن انه تبي جوال! خير؟؟ بكلم اختي و اطرش مسج حق هلي​

احس انها بتركب فوق راسي و بتسندرني و حيل مستغربه طلاباتها الزايده و اهي ماصارلها اهني الا شهر و نص!!! و اخاف اختها ذي ولا ر فيجتها تعرفها على ريايل وتييبهم على بيتي و خاصه انه اربابها يخلونها تطلع بروحها و اهي اكيد تعرف نص الفلبن اللي اهني​

بنات فيدوني والله محتاره. ارجعها المكتب؟ المشكله اني اشتغل و ريلي ما يساعد فالبيبي و فبتوهق الين تيجيني وحده ثانيه بعد شهر!! و بنفس الوقت مابي خدامه تسندرني و انا وااله متقيه الله فيها​

 

[شطانه طفله]

رد : مشكلتي مع الخدامه

الله يعييينج الخدم مشاكلهم ما تخلص
شوفي حبيبتي الا الخدامه لام ما تعطينها ويه هذا دلع زايد

انتي كلميها قوليلها انتي جايه الكويت عشان تشتغلين وتيمعين فلوس وتعيشين والا بتكلمين اختج اختج بتكلمينها اوكي عطيني رقمها ودقي عليها من تلفوني انا تلفون خاص لج ماله داعي وتوج انتي جديده قوليلها قعدي سنه واعطيج تلفون وسكتيها لا تعطينها وجهه ديري بالج

 

[ريري1]

مدامها تبي حق اهلها عطيها مو مشكله
أهم شي تكون زينه مع الياهل

 

[Faisal Hayaty]

انا مب حارمتها تكلم اهلها و اقوللها كلميهم فالشهر مره واذا اذا في ضروره و تبين اكثر من مره بعد ماكو مشكله و بعدين انا ايش دراني انها بتكلم اهلها اهي تبي متنفس بره البيت بس
مشكوره يابنات على مشاركاتكم

 

[شطانه طفله]

رد : مشكلتي مع الخدامه

لا لا تعطينها وجه والله تندمين انتي خليج معاها شدعوه عليها شهر ونص تبي كل هذا !!!

والله ما انصحج

 

[miss mama]

شهر ونص وجذي طلباتها؟ لا وبعد ما يندرا اذا اهي زينه مع البيبي او لا !! جدامج زينه بس من وراج تهقين زينه؟؟؟

هذي من الطقه الي تبي راحة نفسها وتبي تتدلل وتطلع شهالمسئوليه جايه تشتغل ولا سياحه الاخت؟؟

كلس ما انصحج تخلينها عندج دام انتي من داخلج مو مرتاحه لهالشي !! تبعي احساسج ماراح تندمين

ترا ضناج بين ايدها.. شلون تخلينه بايد وحده تدور الطلعه والتلفونات ؟؟؟؟؟ والله تهده لج وتروح تقرق بالتلفون وتخليه بروحه ما يهمها !


اكو غيرها مليون وترليون الف خدامه يدورون الشغل ! اقوول شوفيلج غير جنسيتهااا واحسن لج تكون اول مررررره وفوق الثلاثين بالعمر وعندها اطفال (يعني تعرف تصبر على البيبيات لما يبكون ويصرخون ) .. وهم اذا كانت اول مررره تشتغل تلقينها تخاف وتقدرين تحكمين فيها

 

[للزين هيبه]

قووولي ماما

تلفوون اجيبلج بس يكوون معااي تبينه تجين عندي اعطيج؟؟


مافي يظل عندج؟؟


ولا روحي مكتب؟




وترا بالحالتين بتجيب وتخشه ؟

بس احسن من تطلعه جدامج؟

انا خدامتي اللي ذلفت تخيلي جتني قالت ماما وطلعت من جيبها تلفوون؟
قالت انا شريت هذا وتروح وتخليني جذي @_@

زوجي شخط فيها وخذا منها؟

وكل يووم دموعها ونفسيه ليين قلعتهاا

مو زين الخدامه يكون عندها فوون عند معزبتها؟؟

 

[Faisal Hayaty]

شهر ونص وجذي طلباتها؟ لا وبعد ما يندرا اذا اهي زينه مع البيبي او لا !! جدامج زينه بس من وراج تهقين زينه؟؟؟

هذي من الطقه الي تبي راحة نفسها وتبي تتدلل وتطلع شهالمسئوليه جايه تشتغل ولا سياحه الاخت؟؟

كلس ما انصحج تخلينها عندج دام انتي من داخلج مو مرتاحه لهالشي !! تبعي احساسج ماراح تندمين

ترا ضناج بين ايدها.. شلون تخلينه بايد وحده تدور الطلعه والتلفونات ؟؟؟؟؟ والله تهده لج وتروح تقرق بالتلفون وتخليه بروحه ما يهمها !


اكو غيرها مليون وترليون الف خدامه يدورون الشغل ! اقوول شوفيلج غير جنسيتهااا واحسن لج تكون اول مررررره وفوق الثلاثين بالعمر وعندها اطفال (يعني تعرف تصبر على البيبيات لما يبكون ويصرخون ) .. وهم اذا كانت اول مررره تشتغل تلقينها تخاف وتقدرين تحكمين فيها

لا والله حتى الياهل مايقعد عندها يروح الصبح عند جدته لالساعه 4 الضهر
و ترى اهي عمرها 36 و عندها ياهل بعد انا اصلا كنت ادور على وحده كبيره بس مدري ان الانسان ممكن يكون راعي هالسوالف بهالعمر
والله قاعده افكر اردها المكتب والله يعينني هالشهر
مشكوره اختي

 

[شيخة المعازيم]

رد : مشكلتي مع الخدامه

اخ بس من هالفلبينيات
تصدقين جايبه فلبينيه قبل 3 سنين وكان كلش ممتازة تنظيف وتطبخ
بس كله تقول بروح عند خالتي اخ بس كل اربعاء الا بتروح عند خالتها المهم يبت بعدين سيلانيه
البيت كبير ولازم يكون في خادمتين ونا بعد معاهم واساعد اكتشفت السيلانيه بلاوي وهي حرمه كبيرة
وجتني في يوم بالليل خايفه وتحلفني وتحب ريولي مما بليز هذا فلبيني ما يريد نوم معاها انا خوف
تعرفين انها كل اربعا تروح عند ريايييل من تطلع الين ترد وهي تشتغل وعندها بدل التلفون ثلاثه
وتاخذ من ماكلة البيت تسرق وتعطيهم وفلوسها على الرياييل تعطيهم عشان يسوون معاها وبعدين هم يعطونها
يعني هي توقعهم في حبالها وبعدين لي حبوها هم يعطونها عشان تجيهم
وتسرق من ملابسي الداخليه الخاصه وكل شيء تشوف ما حد استعمله ولا ناسيينه سرقته
في اهى وامر كذي بس اكتفي صراحه لمن اتذكر الموضوع اتعب
لا تصدقينهم حبيبتي لالالالالالالالالالالالالالالالالالالالالالالالالالا تصدقينهم
فلبنبتنا قبل لا تروح كان تنزف تنزف يعني شهر كامل معاها الدورة وبعد تشتغل وهي تنزف شفتي الوساخه
حاشها مرض من الخياس اللي عايشه فيه
وسفرناها على طول وارتحنا من شرها الله يقصف عمرها
لا وكله انا احب ريلي وعيالي مالت عليها بس مالت ما خلت هندي او بنجالي بالديرة ما نامت معاه الله يحرقها يارب

 

[منيرة خالد]

الله يعينج على طلبات الخدامات ما تخلص تمردوا

 

[shak!shoka]

رد : مشكلتي مع الخدامه

رديها المكتب ودام الياهل اساسا يروح عند يدته يعني ريحي راسج
ختولي شهر ونص وقامت تتشرط

المكاتب مليانه خدم وفي منهم خوش خدم

انا اقول وديها المكتب

انا يتني خدامه و هم ولدي عمره 10 شهور من اول يومين بس قالتلي ابي اروح الجمعيه بس انتي تدفعين لي كل شهر انا ما ادفع
وطبعا فونها خذيتها وطنقرت وتمسك ولدي من غير نفس
قلعتها المكتب بعد 3 ايام وارتحت صراحه

 

[noorq8]

حبيبتي دام انها بعدها على كفالة المكتب فرجعيها أحسن لج ,الخادمه تنعرف من البدايه اذا جايه تشتغل أو تلعب ومالتج جايه تلعب فوفري أعصابج وبيزاتج ورجعيها المكتب ,أتوقع خدامه بالساعه تمرج يومين بالاسبوع كافي ووياعمري الخادم لازم تشغلينها مو تهدهدين عليها لان لو ماانشغلت بالبيت بتشوف شي ثاني تنشغل فيه وفهمج كفايه.

 

[كنوشة 2009]

الحين كل الخدم عندهم موبايل وصار شي عادي وانج تكونين عارفة احسن ما يكون ما تدرين ومن وراج
وترى حتى لو يبتي غيرها هم راح تطالب بنفس المطالب واللي عندج احسن من غيرها تعلمتي عليها وتعلمت عليج وزينة مع ولدج
وهذا اهم شي

 

[بنوتة كول]

هذي مال طراق على عينها الظاهر الدلال الزايد خربها شدي شوي عليها واذا ما فاد رديها المكتب
صدقيني اذا شاخت عليج راح تشيخ على زوجج ويمكن بعد تخليه سند لها
ما تدرين هالخدم يسوون اي شي
الله يعينج

 

[^وجد قلبي^]

الله يعينج

 

[ريمي اميري]

رد : مشكلتي مع الخدامه

شوفي اختي الله يحميكم منها اول ويعطيكم خيرها ويكفيكم شرها
اول شيء نصيحه من اخت لاختها بعدي الخدامه عن ولدك لا تخلينا تقرب يمه نصيـــــــــــــــــحه مهما كانت ملاااك خليها للنضافه وبسسسس حتى الطبخ لا تقرب يمه ,,,
يوم اجازه غلطاااانه خيتوووو ماينعطون وجه ,,, احنا شغلتنا فلبينيه اول تحسينهم ملعونات ذكيات ويعرفن حقوووقهن ساعات الشغل لازم ست ساعات بس ,,,, المهم الي بقولك اعطيها جوال عائلي يعين ارقام محدوده واعطيها جدول مكتوب في ورقه متى تنام ومتى تصحى وش تعملك بالضبط ,,, وحاولي ماتخليها تروح تنام الضهر خيـــــــــــــــــــــــــــــــــر صدق ماتنعطي وجه الله يعينك عليهااااا

 

[summer's day]

رد : مشكلتي مع الخدامه

لا تعطينها ويه كللش
قولي ما تبين أنا أوديج مكتب

 

[حبيبتي إختي]

رد : مشكلتي مع الخدامه

ما انصحج تدللينها ... من الأول قولي لها مافي ومافي ومافي...للأسف الخادمة لو عطيتيها وجه تتمرد وتتامر وتتدلع

خدامة الوالدة زعلت وقالت ما ابيكم تدرون ليش ؟؟؟..لانه اختي قالت لها قومي من قدام الفيلم الهندي واكوي ملابسي
اشلووووووووووووووووووون تتجرا وتقولها قولي من قدام التلفزيون ..الخدامة المسكينة انجرحت مشاعرها وتمردت وقالت ما ابي اشتغل

هذا كله لانه الوالدة حيل آدمية معاها وتخليها تطالع التلفزيون وتخليها تنام بكيفها و تقعد من النوم متأخر وهذي النتيجة.

دام منتي مرتاحة لها .. افتكي منها ورديها المكتب والله يعينج كلها شهر وتوصلج الجديدة وإن شاء الله تكون أحسن.

 

[_زينه_]

والله يا حياتي اشتريلها تلفون

ع الاقل يكون جدام عينج ولا من وراج !!

واذا عندها خرابيط او شفتي عليها شي سفريها

لاهي من ثوبج ولا شي

انا مادري ليش انتوا حيل حساسين معاهم

بدال الوحده منهم مليون

وانتي كيفج

 

[حجيه هيونه]

رد : مشكلتي مع الخدامه

الله يعينج


خلي ابو العيال شوي يكون حازم واذا قالت شي قولي بابا ما يرضى خليها تتعود تخاف منه ولاترا ماراح تقدرين عليها