مشكلتي مع الافرازات

[متى تفرج بس]

مرحبا بنات

بدش بموضوعي على طول
انا عندي مشكله الاهييه الافرازات وماعندي ثقه جدام زوجي :eh_s(11)::eh_s(11):
كنت قبل اعاني من افرازات صفرا وبيضا والحين الصفرا اشوفها اختفت والحين نادرا مااشوف اللون الابيض اوالشفاف بس حتى لوشفافه احس بريحه غريبه مدري من الفوط اليوميه والا ايش لاني اذا جربت واستخدمت مناديل كيرفري بالصبار ماحس بريحه بس لما اجرب شي ثاني زي كيرفري بالنوع الثاني احس بريحه فمدري هل هالشي متعلق بالفوطه والا كيف والا عشان ريحه الصباره تغطي عالافرزات ودايما احس اني مبلوله شالسواة ؟ وهل الافرازات البيضا طبيعيه زي الشفافه والا بس الصفرا مرضيه؟
وانا حاليا استخدم غسول كيرفري واحس في فرق عن قبل بس هل فيه طريقه تقضي عالرائحه نهاااااااااائي من اكل اوشرب اواي غسول ثاني
ساعدوني فديتكم لاني رحت مستشفى وقالولي اصلا مافيج ريحه يتهيألج بس مدري مااحس خشمي يكدب :krkrkr: شسوي؟

 

[متى تفرج بس]

للرفع
رفع الله قدركم ان شالله

 

[عبث طفله]

حبيبتي انتي تأكدتي مافيج اي نوع من انواع اللالتهابات ؟؟؟؟؟؟

ادا مافيج .. استخدمي غسول سيتال .. او مره وملح يوميا والله بتحسين بنظافه ما بعدها نظافه .. المره ترى مفعولها عجيب حتى تضييق ..

واستخدمي خامس يوم دوره على طول تحاميل البيتادين ترى تنظف من داخل ..

 

[بنت نااس]

اب

لعيونك​

 

[شووقة]

سوي مسحة من الرحم وشوفي اذا معاج التهابات
علشان يعطونج علاج

 

[متى تفرج بس]

اي حبيباتي انا رحت تعالجت وخدت الدكتوره مسحه وقالتلي عندج بكتيريا خفيييييييييفه وقالتلي انتي مافيج ريحه اصلا يتهيـألج بس انا مومصدقتها لاني احس بريحه غريبه

 

[مواصله]

اذا مامعاج التهابات سوي لج دش داخلي بالغسول يعطر المنطقه ومن برا غسلي بشاور جل وبودي لوشن من نفس النوع

وبقول شيئ بس لاتطنزون ^^جربي غسلي المنطقه بمعجون اسنان_انتعاااش مو طبيعي_

 

[متى تفرج بس]

مشكوره حبيبتي بس معجون الاسنان اخاف يسببلي التهاب شايد هههههههههههه

 

[مواصله]

ههههه لا من برا بس عاادي

 

[_رجائي الجنه_]

غسلي ماء وملح حتي لومافيج التهابات ومره وقت الدوره

 

[ToOoT"Q8]

معجون أسنان مو حار عالمنطقه?
أن كنت نفسج قبل بس كانت فيني ألتهابات مهبل وبول عزج الله
وكنت أتعذب من العوار ورايحه جايه عالحمام
وبعدين قمت أغسل بالمره والملح أنقعهم بماي يومين
وكل ما أدش الحمام وبعد ما أغسل أتشطف بالمره والملح
وربييييي من بعدها ماشفت لا أفرازات ولا ألتهابات ولا ريحه ولا شي
مع اني كنت أهتم بنفسي قبل ودايمن أغسل بغسول طبي

 

[باربي لكويت]

حياتي الريحه اللي تحسين فيها من الرطوبه والكتمه بالمنطقه وعلى فكره ترى الفوط اليوميه تسبب رطوبه ووايد اطباء انصحو بالابتعاد عنها

انا بعلمج طريقه حلو للاعتناء بمنطقتج

خلي حفج للمنطقه اول باول يعني لاتخلين يطلع فيج شعر واستخدمي غسول سيباميد وجففي المنطقه عدل مدل بعد كل حمام واستخدمي حراره الاستشوار للتجفيف واستخدمي ملابس داخليه قطنيه اميه بالميه وبعد الدوره دايم استخدمي مسك الطهاره يخلي ريحت المنطقه تجنن والرسول وصى عليه بعد طريقه استخدامه غسلي ايدج عدل بالصابون الديتول وبعدين حطي شويه منه على صبعج ودخليه داخل والباجي مسحي فيه المنطقه من برى ونطري شويه ليمن يجف او جففيه بالاستشوار وشوفي ريحتج شلون تصير واهم شيء ملابسج الداخليه تكوينهم بعد ماتغسلينهم لان الحراره تقتل البكتيريا

وخصصي لج علبه كرتون اللي مال الهدايا وخليه حق سليباتج وبكينياتج بعد ماتكوينهم لففيهم وصفيهم داخل الكرتون وحطي بينهم معطرات الملابس اللي بضروف ومكعبات المسك الابيض وشوفي ريحتهم شلون بتصير وخلي عندج بالحمام علبه فيها مبشور المسك الابيض قبل العلاقه الحميمه بنص ساعه او ساعه غسلي نفسج بالمسك الابيض وفركي نفسج عدل بعد ماتغسلين بالغسول طبعا يعني المسك خليه اخر شيء وانتي طالعه من الحمام راح تحسين بنضافه وريحتج حلوه وبتحسين بنعومه مثل الاطفال بالمنطقه الحساسه

مكعبات المسك بتحصلينهم عند عبدالصمد القرشي

وانشالله خير
التجربه انا نفسي مجربتها ومستمره عليها بس خليتها من يوم حملت اخاف انها تاثر على البيبي ويعلم الله اني كنت حيييل مرتاحه عليها

 

[متى تفرج بس]

مشكورين يجزاكم الجنه ان شالله
بس المسك الابيض اخاف استخدمه ويزيد علي الالتهابات موناقصه
جد استفدت منكم حيل ربي يوفقكم ويسهل عليكم يارب

 

[مر الايام]

أب أب