مشكلتي مع اخوي

[ليدي أوسكار]

بنات انا والله الحين اكلمكم وانا حدي خايفه مو قادره اناام من التفكير


بنات انا اخوي يتحرش فيني :eh_s(2):

انا ماعرف شلون اتصرف خايفه والله حرااااام اللي يسويه شسوي شوروا علي

 

[ł ŏ ł γ . . ✿]

آول شي حبيبتي آنتي جم عمرج و آخوج جم عمره و ليش تخآفين !
قولي لآمج توقفه عند حده و لمآ بترقدين قفلي عليج آلبآب !
و لآ تقعدين معآه برووحج خليج ف مكآن و آهوه ف مكآن
بس آهم شي آمج تدري عشآن تآدبه

 

[M!Ss Un!VerSe]

قولي حق امج!؟
خل تزفه وتتصرف معاه

واذا تضلين بالبيت بروحج قفلي عليج الباب كحل مؤقت
..

انزين انتي جم عمرج واهو بعد!؟
ومن متى هالتصرفات!؟

 

[M!Ss Un!VerSe]

وبقول شغله

انا سمعت ان اللي يسوون جذي

لان خواتهم ما يلبسون عدل علبنه اخوانهم

لبسي كل شي ساتر وما يبرز مفاتنج ..

 

[ليدي أوسكار]

لولي ..عمري 20 وعمره 23 .... وبالنسبه لامي ابي اقولها بس خايفه من رده فعلها وانا طبعي وايد استحي وخجوله

M!Ss Un!VerSe ... قبل اخوي كان عادي وياي بس الحين هالفتره قام يتحرش
ولبسي احس عادي يعني البس بجامات بنطلون وبودي بس وسيعه

 

[محتارة وبصيح]

انا عندي فكرة انتي قولي له شرايك تزوج

 

[عشقك وطن]

شوفي ساعات الام تحاول تهدي الموضوع يعني بتهاوشه وكذا بس يمكن تصدقه وهو يستمر


انا اقول مبديئا قولي لامك وشوفي هل هو يتعدل بعدها ولا لأ



ولا الافضل قولي لابوك لانه بيجلده جلد يعرف ان الله حق


ولاتحتكين فيه ابد ولاتقعدين وياه بروحك وبالبيت سكري غرفتك بالمفتاح

 

[al-musk]

لا حول ولا قوة الا بالله

كلمي امج ضروووري لاتسكتين له

 

[سارونه الامورة]

لا هذا الموضوع مافيه خجل ولا شي رووووووووحي علمي امكِ اهي الوحيده اللي بتحل

المشكله بعقل اكثر من ابوكِ؟؟؟؟؟؟؟؟؟؟؟ صح ولااانا غلطاانه خبريها بسسسسسسسسرعه

قبل لا يفوت الفوت ماينفع الصووت وانتي فاهمه قصصصدي صح!!!:eh_s(2):​

 

[a7la_7b]

اخوج 23 يعني مو صغير حسبي الله عليه مايعرف انج عرضه واخته
علمي أمج وأبوووج خيوقفووونه عند حده

 

[[[ عيون جابر ]]]

استغفر الله

 

[ł ŏ ł γ . . ✿]

لولي ..عمري 20 وعمره 23 .... وبالنسبه لامي ابي اقولها بس خايفه من رده فعلها وانا طبعي وايد استحي وخجوله

يعني آنتو آلثنين كبآر ! حيآتي آنتي لآزم تدآفعين عن نفسج و تهآوشينه و تعصبين عليه و آمج لآزم تقوووولين لهآ لآ تقوولين آستحي !! و مثل مآقآلت آلآخت لين فآت آلفوت مآينفع آلصوت !

 

[بحرينيه كوول21]

استغفر الله

 

[njoy]

حبيبتي علمي أمج بينج و بينها أحسن
وحاولي انج توخرين عنه ولا حتى تسولفين وياه


آلله يستر عليج و يهديه ​

 

[pink*paradise]

صارخي زفيه وريه العين الحمرا خل يهابج و سيدا ركضي حق امج علميها

 

[M!Ss Un!VerSe]

انا مع البنات

حبيبتي هالأمور مافيها مستحي

كلمي امج بسرعه لاتنطرين

اخاف اخوج يبلع شي يخليه مو بوعيه

الله يهديه

اعوذ بالله هالأشياء تهز عرش الرحمن شلون جذي يفكر

حبيبتي اذا قرب صوبج وانتي ليلحين ماقلتي حق امج صارخي لاتخافين
اهم شي شرفج صارخي نادي امج او ابوج وبيهج وهدديه انج بتعلمين ابوج

بس لاتستكين ديربالج لا يصير فيج شي

*

 

[يآمقسمني عشآير♥]

لاتقعدين معاه بروحج اهم شي
وذكريه بعقاب الله على هالشي وان لو استمريت بهالشي عرضي بيروح وانت ماترضى
الله يهديه

 

[pink*paradise]

يا بنات والله في شي منتشر ما ندري عنه ، ذاك اليوم في تويتر شفت مجموعة من الشباب يحبون زنا المحارم اعوذ بالله منهم ، والله ان راسي عورني من اللي شفته و قريته ، كل واحد يخيّل على اخته و يسولف عن خيالاته، والله اني حسيت ان هذي علامات الساعة ، حطي بالج يا بنيه لا تسكتين قبل لا يطور الامر ، المسأله تبدي بتحرشات بيشوف ردة فعلج ، اذا سكتي راح تطور المسأله الله لا يقول ممكن تنتهي باغتصاب ، وقلبنا وياج الله يفكج من اخوج

 

[سفيره الكويت]

وخري عنه اعوذ بالله اخو يتحرش باخته الدنيا خربت انا اقول صكي عليج الباب دايما وخلج منعزله عنه

 

[خُزام]

أستغفر الله ! شصاير بالدنيا !!؟
حبيبتي انتي عمرج 20 سنة يعني واعية وفاهمه شقاعد يسوي !
مو ياهل ولا مراهقة عشان تخافين وتسكتين وما تعرفين تتصرفين !!؟
خلج قوية صررررخي عليه وقفيه عند حده قوليله حرام اللي قاعد تسويه
هدديه تقولين لأمج وتحاشييييه قد ما تقدرين
وإذا ما فاد ذيك الساعة قولي حق أمج الموضوع
اما اذا سكتتي مرة مرتين ثلاث على بو إنج خايفة منه
ومستحية تقولين شي له أو لأمج
بيقول هاذي عاجبها الوضع وراح يتمادى
الله يستر عليج