- إنضم
- 7 يونيو 2009
- المشاركات
- 139
- مستوى التفاعل
- 0
- النقاط
- 0
شلونكم ياأحلى كويتيات عساكم بخير ان شاء ...
لومو حاسبتكم مثل اخواتي ماكتبت مشكلتي لكم لاني محتاجة رايكم ,, انا عندي اخت للحين محتاره والله يشهد علي ماادري اهي تحبني او لا .. لانه تتعامل معاي كأي قريبه من العايله , او يمكن بنت عمها او بنت الجيران !
مواقفها وتصرفاتها السلبيه اكثر من ايجابيتها , لااحترام لا تقدير لا حب من قلب يعني ماكاني اختها الكبيره
انا بذكر لكم اخر موقف صار وانتوا احكموا هل الشي هذا طبيعي ولا اختي فعلا مريضه ولازم تتعالج ؟
صار لي سنيين ماانجبت والحمد لله الله ماخيب املي وحملت من فرحتي بشرت الوالدة أمي من الفرحه كانت بتطيح علينا
ماصدقت , قلت اختي مادرت مو حلوه تسمع من احد غيري
دقيت عليها جان اقولها بقولج خبر حلوووو عني ردت تعالي تعرفين فلانه بنت فلان رجعت قلت لها اقولج خبر حلوو قالت حامل ؟؟
قلت اييييه حامل جان تقولي عشان جذي انتي طايره من الفرحه ؟؟ يلا مبروك ( من غير نفس ) وش ناويين تسمونه ؟
ردت فعلها غريبه ماكانها اختي , ماكانت حامله همي ,قلت يمكن ماستانست لي غريبه؟ وكان احساسي صادق
اليوم الثاني دقت على الوالده جان تقولها يمااااا مادريتي أنا حامل ههههه امي ماصدقت جان تقولها ليش تبين تقلدين على اختج
قالت ليش مافرحتي لي مثل مافرحتي لها وسكرت ..
اهي اصغر مني وعندها اربعه الله يحفظهم والله يشهد علي اني اموت فيهم واهي تدري ,,
كل صبحية تدق علي مع اني منبهتها اني مااحب ارد على تليفونات وسوالف من الصبح لاني اكون مشغوله بشغلي
مع ذلك يوميا لازم تدق وبنفس الساعه واذا مارديت على الموبايل تزعجني وانا احيانا اكون نايمه ,, لانها من الصبح واهي حش في خلق الله وانا نبهتها كم مره لمتى وانتي تتكلمين خلي الناس في حالهم ,, اذا واجهتها عصبت حيييييل وصارت تصارخ علي وتتفلسف فلسفه والله ماادري من وين ..
بعد شهر بالضبط دقت علي تخبرني انها حااااامل ! انا ماانصدمت لاني كنت متوقعه حتى في هذا تقلدني استغربت لان بنتها عمرها سنه وشهرين واهي من قبل تقول مستحيل ماابي ..
تقولي انها من سمعت خبر حملي واهي مانامت ولاحتى زوجها وصار زوجها يحن عليها بالكلام احنا بعد لازم بيبي
بصراحه استغربت من كلامها فيه تناقض , انا ضحكت لاني قبل فتره كنا نسولف عن وحده حملت واختها مررره غيوره حملت وراها على طول واهي تعرفها , الحين اهي صارت مثلها ,,
اليوم الثاني دقت على تقولي اهلاااااا بالمحتررررين !!! قلت لها على وشو احتر ؟؟ قالت ايييييييه اكيد زعلتي وتضايقتي وانا اقول على وشو ؟ قلت لها انا مبسوطه ومافيني شي مكدرني قالت لا ادري انج زعلانه وتضحك!!
كبرت نفسي عن امورها التافهه , وكل يوم تكلمني تقولي الو اف لايعه جبدي ومتنسيه على الحلو ,, وانا ساكته على جهالتها
تدرون ليش ؟ لانه وقت نساتي كانت فيني لوعه ومتنسيه انا على الحلو وكنت اقولها وربي بحسن نيه ماظنيت انها لهدرجه تنقهر مني!
اليوم اتصلت عليها بما انها اختي الوحيده حبيت اخذ رايها بشغله عندي عزيمه اهل كبيره وجدي فكنت اسالها عن بعض الشغلات كل شي قالت ماادري قلت خلاص بكلم خالتي واشوف ..
بعد ربع ساعه دقت علي تقولي اهي بعد بتسوي عزيمه عشان ولدها يبي !!! ويبي يعزم اصحابه وبتعزم الاهل معاهم !!
وتقول انه اهو يبي .. انا السالفه مادخلت راسي بس سكت ..
وكل اسبوع تتفنن وتخطط لاشياء ماتتوقعونها مع انها مو صغيره .. جربت التطنيش مانفع .. جربت اسكت تاكلني بلسانها وتستقوى علي ..
انتوا وش تشوفونها اهي طبيعيه او مريضه وتستحق المواجهه او العلاج ؟
لومو حاسبتكم مثل اخواتي ماكتبت مشكلتي لكم لاني محتاجة رايكم ,, انا عندي اخت للحين محتاره والله يشهد علي ماادري اهي تحبني او لا .. لانه تتعامل معاي كأي قريبه من العايله , او يمكن بنت عمها او بنت الجيران !
مواقفها وتصرفاتها السلبيه اكثر من ايجابيتها , لااحترام لا تقدير لا حب من قلب يعني ماكاني اختها الكبيره
انا بذكر لكم اخر موقف صار وانتوا احكموا هل الشي هذا طبيعي ولا اختي فعلا مريضه ولازم تتعالج ؟
صار لي سنيين ماانجبت والحمد لله الله ماخيب املي وحملت من فرحتي بشرت الوالدة أمي من الفرحه كانت بتطيح علينا
ماصدقت , قلت اختي مادرت مو حلوه تسمع من احد غيري
دقيت عليها جان اقولها بقولج خبر حلوووو عني ردت تعالي تعرفين فلانه بنت فلان رجعت قلت لها اقولج خبر حلوو قالت حامل ؟؟
قلت اييييه حامل جان تقولي عشان جذي انتي طايره من الفرحه ؟؟ يلا مبروك ( من غير نفس ) وش ناويين تسمونه ؟
ردت فعلها غريبه ماكانها اختي , ماكانت حامله همي ,قلت يمكن ماستانست لي غريبه؟ وكان احساسي صادق
اليوم الثاني دقت على الوالده جان تقولها يمااااا مادريتي أنا حامل ههههه امي ماصدقت جان تقولها ليش تبين تقلدين على اختج
قالت ليش مافرحتي لي مثل مافرحتي لها وسكرت ..
اهي اصغر مني وعندها اربعه الله يحفظهم والله يشهد علي اني اموت فيهم واهي تدري ,,
كل صبحية تدق علي مع اني منبهتها اني مااحب ارد على تليفونات وسوالف من الصبح لاني اكون مشغوله بشغلي
مع ذلك يوميا لازم تدق وبنفس الساعه واذا مارديت على الموبايل تزعجني وانا احيانا اكون نايمه ,, لانها من الصبح واهي حش في خلق الله وانا نبهتها كم مره لمتى وانتي تتكلمين خلي الناس في حالهم ,, اذا واجهتها عصبت حيييييل وصارت تصارخ علي وتتفلسف فلسفه والله ماادري من وين ..
بعد شهر بالضبط دقت علي تخبرني انها حااااامل ! انا ماانصدمت لاني كنت متوقعه حتى في هذا تقلدني استغربت لان بنتها عمرها سنه وشهرين واهي من قبل تقول مستحيل ماابي ..
تقولي انها من سمعت خبر حملي واهي مانامت ولاحتى زوجها وصار زوجها يحن عليها بالكلام احنا بعد لازم بيبي
بصراحه استغربت من كلامها فيه تناقض , انا ضحكت لاني قبل فتره كنا نسولف عن وحده حملت واختها مررره غيوره حملت وراها على طول واهي تعرفها , الحين اهي صارت مثلها ,,
اليوم الثاني دقت على تقولي اهلاااااا بالمحتررررين !!! قلت لها على وشو احتر ؟؟ قالت ايييييييه اكيد زعلتي وتضايقتي وانا اقول على وشو ؟ قلت لها انا مبسوطه ومافيني شي مكدرني قالت لا ادري انج زعلانه وتضحك!!
كبرت نفسي عن امورها التافهه , وكل يوم تكلمني تقولي الو اف لايعه جبدي ومتنسيه على الحلو ,, وانا ساكته على جهالتها
تدرون ليش ؟ لانه وقت نساتي كانت فيني لوعه ومتنسيه انا على الحلو وكنت اقولها وربي بحسن نيه ماظنيت انها لهدرجه تنقهر مني!
اليوم اتصلت عليها بما انها اختي الوحيده حبيت اخذ رايها بشغله عندي عزيمه اهل كبيره وجدي فكنت اسالها عن بعض الشغلات كل شي قالت ماادري قلت خلاص بكلم خالتي واشوف ..
بعد ربع ساعه دقت علي تقولي اهي بعد بتسوي عزيمه عشان ولدها يبي !!! ويبي يعزم اصحابه وبتعزم الاهل معاهم !!
وتقول انه اهو يبي .. انا السالفه مادخلت راسي بس سكت ..
وكل اسبوع تتفنن وتخطط لاشياء ماتتوقعونها مع انها مو صغيره .. جربت التطنيش مانفع .. جربت اسكت تاكلني بلسانها وتستقوى علي ..
انتوا وش تشوفونها اهي طبيعيه او مريضه وتستحق المواجهه او العلاج ؟
