مشكلتي مع أمي

[نكهة التوت]

بنات بقول مشكلتي بأختصار أنا شعري مو طويل يعني يغطي رقبتي بس أنا مليت منه أبي أحلقه موس مابي و لا شعره ودي أحلقه و
و أكيد راح ينبت يعني ماراح يقعد طول العمر موس بس أمي رافضه
و إذا قلت لها تعصب علي ياناس شعري و أنا حرة فيه بس مادري ليش أمي ترفض و أنا بلبس حجاب لحد ما ينبت بس أبي أحلقه تكفون بنات شلون اقنع أمي احلق شعري

 

[وَدَقْ]

من العنوان والقسم خرعتيني !
انا قلت في مصيبة بينج وبين امج !
طلع هذي اخرتها ؟
لهدرجة يعني نعرة التشبة بالرجال معميه على عقلج ؟؟
الناس ميتيين من البررد بسوريا
وناس ميتة من الجوع بافريقيا
وانتي تبين تحلقين شعرج موس وياحرام متضايقه ليش امج مو راضية ؟؟
انا ماا اقول غير ان يا انتي مهلوسة او ياهل او ولد يستعبط
وعسى ربي يعين الوالدة عليك ،

يارب لا تحاسبنا بما فعل السفهاء منا يارب العالمين

 

[نكهة التوت]

من العنوان والقسم خرعتيني !
انا قلت في مصيبة بينج وبين امج !
طلع هذي اخرتها ؟
لهدرجة يعني نعرة التشبة بالرجال معميه على عقلج ؟؟
الناس ميتيين من البررد بسوريا
وناس ميتة من الجوع بافريقيا
وانتي تبين تحلقين شعرج موس وياحرام متضايقه ليش امج مو راضية ؟؟
انا ماا اقول غير ان يا انتي مهلوسة او ياهل او ولد يستعبط
وعسى ربي يعين الوالدة عليك ،

يارب لا تحاسبنا بما فعل السفهاء منا يارب العالمين

جزاج الله خير و الناس إلي بسوريا و افريقيا انا مابيدي شي اسوي الا الدعاء لهم و التبرع و الا تبين طول عمري ابجي ع الي يصير لهم و ما استمتع بحياتي و انا ياما بجيت لهم و ماستفادوا شي و لا انا استفدت شي و الله يفرج همهم بالنسبة لي حلق شعري مو عشان اتشبه بالرجال لو بالتشبه ما قلت البس حجاب لحد ماينبت

 

[وَدَقْ]

شنو السبب انزين بالله عليج عطيني سبب مقنع ؟؟؟
الشعر تاج على راس الانثى وتفتخر فيه وبجماله وبعنايته !!!!
مافي شي بس ابي جذي يعني لاتلومين امج انتي رغبتج مايلة وموسنعة احمدي ربج على العافية
ناس مرض سرطان اعرفهم بنات مثل الورد رحت معاهم لعلاج الكيماوي يبجووون من كل قلب على كل شعرة تطيح من راسهم
بسم الله عليج من هالمرض لا ترفسين النعمة وتعوذي من ابليس

 

[نكهة التوت]

انا حابة هالشي و اعوذ بالله من الامراض يعني اذا صارت عندي رغبة ليش تخرعوني بالامراض- مافي أي سبب انا حابه هالشي وحطيت هالموضوع عشان البنات يعطوني حل اقنع امي انا مابي شعري ابي ينبت شعر جديد

 

[يستفزني غلاك]

اختي حاولي تبعدينه الفكره
موكل شي تبينه اﻻ يصير امج تبي مصلحتج و رضا الوالدين واجب

ابيج الحين تاخذين قرار وتقولين خلاصصص ماله داعي الموس والموضوع ♡♡

 

[الجسوره]

اهلين حبيبتي ... انتي لو تحطينها براسج فكره قص شعرج بالموس بتكون ماهي عدله .لان جنج تتشبهين بالبويات .. انا قبل كان شعري طويل و كنت ابي اقصه بس اخر كتوفي امي ما كانت راضيه ابدا ... سكت و مشيت الموضوع تزوجت قمت اقص و اصبغ ع كيفي و على مزاجي و اعرفي حبيبي قلبي من ترك شيئا لله عوضه الله خيرا منه.. امج ادرى في مصلحتج ... تقبلي مروري

 

[ياهم لدي رب]

حبوبه اذا قصدج لاصلاح شعرج وينبت بشكل اقوى لا بأس بهلفكره احنا انسويها باليهال قبل سن السنه بس انتي اتوقع بتتعب نفسيتج على ماينبت ويطلع
عموما اذا هذا السبب اقنعي امج انج بتصلين صلاة استخاره وتاخذين فايتامينات للشعر وتحافظين على شعرج ونصييييحه اذا سويتي هالطريقه لا تلبسين بواريك حتى الحجاب لا تطلعين من البيت لين ينبت لان الباروكه تموت البصيلات اللي بالجلد وفوق علىهذا حرام
يعني رغبتج اذا بتسوقج للحرام اتركيها

اما اذا الهدف من قص شعرج تغيير وفسق ونزعه نفسيه انصحج بالعدول عن الفكره ماتدرين شنو ممكن يصير براسج بعدها لاقدر الله

بالتوفيق

 

[منيره آل ثاني]

تنبيت الشعر من يديد لها حلول ثانيه

استخدمي زيت الخروع بينبت وبيطول ويثقل الشعر
هم فيه زيت هيماني نفراتنا يطول ويلمع وينبت
وبعد فيه زيت الجرجير ينبت ويطول ويلمع
مب أتحلقين شعرج خير شر لانج بنت والبنت راس مالها شعرها

 

[ليدي بجد]

كم عمرك؟

 

[هدوووشه]

قصي بوي طيب

 

[نكهة التوت]

خلاص بسمع كلام أمي شكرا لكم بنااااااااات

 

[LoLaTi]

في حل ثاني غير الموس

قصيه بوي حشيه بس انج تقرعين لا صعبة

 

[معبوجه]

انتي بتقصينه علشان ترضين احد؟

تركي عنج هالسوالف ترى مايفيدونج ولايفيدج هالخبال

البنت لاصارت بويه هالشي ماراح احد ينساه تضلين طول عمرج نكره ومنبوذه عند الناس حتى لاكبرتي وصرتي كبيره هم راح يتحاشونج لانهم يذكرون شكلج الحمدلله الذي عافانا انا لوبنتي تبي هالشي بدون مقدمات التها كف والعن خيرها الخير تالي

اخلي ابوها يتولاها واشوف منو مرافجه؟؟؟؟؟؟ اكيد هالربع اللي يفرون راسها بس الحمدلله بنتي اكبر من هالتصرفات
حطي عقلج براسج بعدين تعالى شيكون شكلج بين الرياييل؟ يعنى اخوانج الشبا ب وابوج ماتخجلين منهم؟؟؟؟؟؟؟ واذا ماعندكم ريال في البيت فهذي المصيبه

 

[*شغف*]

؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

 

[نكهة التوت]

استغفر الله

 

[Fatafeat mariam]

بنات شفيكم انهديتو عالبنت
ماقالت بقلب بويه

.
.
.
.
وعلى التقرع انا مرات افكر فيها اقول ودي اقرع عشان شعر راسي يصير يعرض وعشان يكثف


ويمممكن يطلع ويمممكن لأ

ويمكن اذا قررعتي تتوهقين مايطلع شعر فيه بعضهم جذي


واذا الموضوع مضايقج والردود ضايقتج مسحي الموضوع


تقبلي مروري :**

 

[Dr.rooz]

والله انا عبالي مشكله قويه طلعت اخرها جذي !

الشعر تاج جمال البنت

 

[Shinexo]

من العنوان والقسم خرعتيني !
انا قلت في مصيبة بينج وبين امج !
طلع هذي اخرتها ؟
لهدرجة يعني نعرة التشبة بالرجال معميه على عقلج ؟؟
الناس ميتيين من البررد بسوريا
وناس ميتة من الجوع بافريقيا
وانتي تبين تحلقين شعرج موس وياحرام متضايقه ليش امج مو راضية ؟؟
انا ماا اقول غير ان يا انتي مهلوسة او ياهل او ولد يستعبط
وعسى ربي يعين الوالدة عليك ،

يارب لا تحاسبنا بما فعل السفهاء منا يارب العالمين

شدخل الناس في سوريا ب شعرها ؟

ترى هي حره الوحده لين حلقت شعرها ب موس ينبت اضعاف اضعافه ؟ شبهتوتها ببويات وفسق وامراض وصارت هي المسؤوله عن الامراض والبرد ؟

طيب انتي عروس , لاتسوين عرس ولاتتجهزين دخلي على ريلج جذي وتبرعي بكل مهرج حق مجاعات افريقيا وبرد سوريا !!

 

[منيره آل ثاني]

بنات هدوأعصابكم البنت عدلت عن رأيها ما بتحلق خلاص أشفيكم وايد مكبرين السالفه