مشكلتي مع أمي أبي حـــل

[تۋۋڷعت بكك s]

السلام عليكم

مادري من وين أبدي بس بدش بالموضوع سيده

أول شي بنات أنا عمري 17 سنة

ومن يوم ماوعيت عالدنيا أمي ماتحبني ((بس ماتكرهني ))

وكله تفرق بيني وبين خواتي وتقارني بينهم ..

وتقول أني أنا معقده وأطق أخواني وتقول كل الاسباب اللي تصير

بالبيت من تحت راسي ..بس ماتمد أيدها علي بس بالكلاام

وربي أنا أحب أمي وماسويلها شي وأي شي تطلبه أسويلها أياه

وولا عمري عليت صوتي عليها ولا قصرت بشي

وكله اراجع نفسي أنا شنو قلت بس ماعمري قلت لها شي غلط أو اذا عليت صوتي عليها

بعرف ليــش أمي تعاملني جذي ؟؟

للعلم أمي مو عربيه

أبي حل بليز :eh_s(16):​

 

[طموحه بزياده]

صارحي امج وقولي الي بقلبج ترا الساكت محدن دارن عنه .. واذا ماتجرئين اكتبي بها رساله طويلة ع ورقه او مسج بالتلفون قولي اللي مضايقج بس ابدي بكلام طيب وانج تحبينها وهيك ...
وانتي شوفي عدل ليش تعصب عليج اكيد تسوين شغلات تغيب عن بالج وتضايق امج .. وادعي بصلاتج وبسجودج ان الله يحنن قلب امج لج ترا الدعاء يصنع المعجزات ..

 

[sarona_s90]

ماكو ام ماتحب عيالها صدقيني مهما الام تقسى تظل تحبهم ومافي شي من دون سبب اكيد امج تعاني من مشكلة او متضايقه من شي او انتي مسوية شي مضايقها بس اكيد اهيا تحبج تقربي منها و شاركيها اهتماماتها وماكو الا كل خير حياتي وباجر اذا صار عندج عيال بتذكرين معاناتها بتربيتها لج و تتذكرين فضلها :****

 

[رتبه دبلوماسيه]

نفس ردود اللي فوقي

والله يوفقج حبيبتي

 

[هناء - Hana]

امبيه كسسرتي خاطري..شؤفي خليج جريئه وفضفضي لها قوليلها انا اسوي لج كل شيء ليييش تسوين جذذي..؟؟؟
وانا احبج..ومافي ام حملت ببنتها 9 شهور..تكرره بنتها جذي وانتي ماشاءالله عمرج 17 سنه بنت فاهمه ..كلميها..لاتسكتين صدقيني..اهي ماتكرهج..

 

[صدع القلب]

حبيبتي ما عليه كلنا لما كنا بعمرج مرينا بهالمشاكل الصغيرة مع امهاتنا
بس تأكدي مليون بالميه انه امج تحبج وايد وايد وماراح تلقين أحد يخاف عليج مثلها ولما تكلمج وتشد عليج تكون تبي مصلحتج ..
أو احتمال تكون متضايقة من شي معين أو مضغوطة ، وتكون محتاجة انج تساعدينها مع اخوانج الصغارلأنج الكبيرة والفاهمة وتتضايق لما اتهاوشين معاهم .. كلنا لما انتضايق نقول كلام ما نقصده

ممكن تقعدين معاها بيوم تلقينها هادية ولا تطلعون مع بعض انتي وياها وتقولين لها اللي مضايقج ، حتى لو تسإلينها على غشمرة " منو تحبين أكثر واحد فينا أنا واخواني ؟" راح تشوفين انها بتقولج احبكم كلكم نفس الشي ...

بالتوفيق :eh_s(17):

 

[تۋۋڷعت بكك s]

صارحي امج وقولي الي بقلبج ترا الساكت محدن دارن عنه .. واذا ماتجرئين اكتبي بها رساله طويلة ع ورقه او مسج بالتلفون قولي اللي مضايقج بس ابدي بكلام طيب وانج تحبينها وهيك ...
وانتي شوفي عدل ليش تعصب عليج اكيد تسوين شغلات تغيب عن بالج وتضايق امج .. وادعي بصلاتج وبسجودج ان الله يحنن قلب امج لج ترا الدعاء يصنع المعجزات ..

وربي ماسوي شي يغلطها وأحبهاا حيل بس ليش تسوي فيني جذي



حتى تقارني مع بنات خالتي وتقول أحسن منج وشاطرين <<وكل وحده ساقطه عليها دويحه :eh_s(1):

بس يقولون لامي شوفي بنتج ماتدرس وكله عاللاب وأمي صارت تصدق كلامهم وتوقف معاهم

وبنات خالاتي مايحبووني ومايحبون خواتي بس خصوصا أنا كله يكرهووني يقولون أنتي غير عنا انتي عربيه وهاذا مو بلدج وجذي

((أمي مو عربيه بس أبوي كويتي ))

مادري ليش شهالعدوااه
تعبت والله

 

[تۋۋڷعت بكك s]

ماكو ام ماتحب عيالها صدقيني مهما الام تقسى تظل تحبهم ومافي شي من دون سبب اكيد امج تعاني من مشكلة او متضايقه من شي او انتي مسوية شي مضايقها بس اكيد اهيا تحبج تقربي منها و شاركيها اهتماماتها وماكو الا كل خير حياتي وباجر اذا صار عندج عيال بتذكرين معاناتها بتربيتها لج و تتذكرين فضلها :****

أدري أن أمي واحبها وحطها بعيووني

بس وربي ماسويت شي لها

باجر بصارحها واقولها شنو السبب

 

[تۋۋڷعت بكك s]

امبيه كسسرتي خاطري..شؤفي خليج جريئه وفضفضي لها قوليلها انا اسوي لج كل شيء ليييش تسوين جذذي..؟؟؟
وانا احبج..ومافي ام حملت ببنتها 9 شهور..تكرره بنتها جذي وانتي ماشاءالله عمرج 17 سنه بنت فاهمه ..كلميها..لاتسكتين صدقيني..اهي ماتكرهج..

مشكورة عالرد

 

[sarona_s90]

الله يوفقج حبيبتي :****

 

[ذبحني غلااگ T]

الله يوفقجج حبيبتي

 

[عسل حدي]

رب لا تذرني فردا وانت خير الوارثين

 

[MaKe-Up]

حياتي أشوفه شيء طبيعي
لا تكونين حساسه ؤأذا غضبت
حاولي تضحكينها بمواقف قديمه
غيري الموضوع
أو قوليلي لها لبسج حلو أو العشاء كان حلوو
يمكن أهي نوعيتها إذا بتطلع حرتها تطلعها فيج
تحمليها أمج جنتج