السلام عليكم
شلونكم بنات عساكم بخير
واخيرا قبلوني المنتدى انا مسجله من زمان بس مادري المنتدى ما قبلني بسرعه .. وايد استانست لما قبلوني ويشرفني اني اكون صديقه يديده لكم ..
بنات أنا بقولكم مشكلتي بفضفضلكم الي بقلبي لاني حيل تعبت احس اني حيل مقهوره وما اقدر اشكي لحد وقول الي بخاطري غيركم .. وانتو ان شاءالله ما تقصرون معاي بالنصايح
انا عمري 22 ادرس بالكليه هذي اول سنه لي صارلي 3 سنين حارمه نفسي من كل شي من كشخه وعزايم ووناسه عشان شنو !! عشان اجمع فلوس حق سياره بنات احنا حالتنا الماديه زينه بس هم بعد محد ميت علي من اهلي عشان يعطيني ابوي متوفي ومعاشه التقاعد لحد الحين يمشي حقي انا وخواتي .. طبعا هالمعاش هذا الي حرمت نفسي منه وقعدت اخشه هم بعد ما تهنيت فيه اخواني من ابوي حاطين عينهم على فلوسي وفلوس خواتي ومنقهرين ميتين من الحره ان احنا ناخذ معاش ابونا واهما لا ليش انهم متزوجين وموظفين ومالهم حق فيه .. المهم انقبلت بالكليه واخوي سافر شهر كامل مع مرته وعياله سياحه حق اوربا ثالث ايام العيد .. عاد امي قالتلي هذي فرصتج بهالشهر هذا تعلمي سواقة سياره قبل لا يجي اخوج من السفر ورحت تعلمت سواقه سياره كل يوم تجيني مدربه من الساعه 6 الصبح تعلمت سواقه عندها 25 يوم وعشمت نفسي حيل رحت انا والمدربه اختبار ليسن ونجحت حيل استانست بوقتها ميته من فرحتي واستلمت الليسن وطبعا اخوي الي من ابوي رجع من السفر وعرف اني تعلمت سواقه قعد يضحك علي بأستهزاء قالي من وين لج سياره اكيد بتسوقين قاري قلتله وانا مستانسه مجمعه فلوسي وعندي المبلغ الفلاني انصدم حيل لا تشوفون اشلون تغير لونه قالي كل هذا عندج .. وحلف علي ما اسوق سياره حيل كسر بخاطري قعدت احن عليه اترجاه اشوي وابوس ريله ماكو فايده حتى امي وخواتي كلموه وحاولو يقنعونه دوخو راسه قالهم لا تحاولون ماكو امل مت بجي مع ان مرته مخليها على كيفها تسوق .. المهم قعدت اسبوع مقهوره قلت حق امي بأجرلي سياره اروح فيها الدوام وصج دقيت على مكتب تأجير السيارات ويابولي سياره وداومت فيها يوم واحد وعرف اخوي اني مأجره سياره و طقني واخذها مني والله ظهري وأيدي صارت زرقه بنفسجيه من الطق بنات والله انا ماعندي خرابيط وسوالف وهو بعد يدري اني محترمه ومو نفس بنات هاليومين وعارف اخلاقي ليش جذي يسوي المشكله مو اهني المشكله واهو يطقني يقولي دلعتج وما خليت عليج قاصر ؟؟؟ دلعتني ؟؟ صدمني بهالكلمه متى دلعني عمره ما دلعني الظاهر تخربط بيني وبين مرته .. دلع مرته كل سنه يسفرها ولا مو اهو الي يختار الدوله اهي الي تختار واهو يركض وراها واحنا خواته لا سفرنا ولا ودانا عمره ولا حتى عزمنا على مطعم او بيته اخ ميته حره والله قاعده ابجي وانا اكتبلكم الي بقلبي متروس ومرته عمرها ما عزمتنا انا وخواتي ابيتها على قهوه ولا عشا وامي المسكينه دايم تقوم ادش المطبخ عشانها ما اطلعها من بيتنا الا واهي معشيتها وطابختلها الاكل الي تحبه عشان تونسها وتفرحها .. مرته شاطره تقهرنا بالكلام وتحرنا دايم اتسولفلنا اتقولنا عزمت رفيجاتي على عشا فبيتي ولا عزمتهم بالمكان الفلاني الله يهنيها انا مو حقوده ولا حسوده بس حطو نفسكم مكاني انا واخواتي حيل شرهانه عليها شلت بقلبي واحس كرهتها لانه حيل قدرناها وحشمناها وحطيناها فوق راسنا وبالاخير اتنفس علينا الله ايسامحها ويسامح اخوي .. على فكره نفسي عزيزه انا وخواتي ما نطلب منه شي بس حرني لما قالي دلعتج وما خليت عليج قاصر
بنات شرايكم انا غلطانه قولولي نبهوني يمكن صج انا غلطانه ومو حاسه بذنبي
واسفه اذا طولت عليكم
شلونكم بنات عساكم بخير
واخيرا قبلوني المنتدى انا مسجله من زمان بس مادري المنتدى ما قبلني بسرعه .. وايد استانست لما قبلوني ويشرفني اني اكون صديقه يديده لكم ..
بنات أنا بقولكم مشكلتي بفضفضلكم الي بقلبي لاني حيل تعبت احس اني حيل مقهوره وما اقدر اشكي لحد وقول الي بخاطري غيركم .. وانتو ان شاءالله ما تقصرون معاي بالنصايح
انا عمري 22 ادرس بالكليه هذي اول سنه لي صارلي 3 سنين حارمه نفسي من كل شي من كشخه وعزايم ووناسه عشان شنو !! عشان اجمع فلوس حق سياره بنات احنا حالتنا الماديه زينه بس هم بعد محد ميت علي من اهلي عشان يعطيني ابوي متوفي ومعاشه التقاعد لحد الحين يمشي حقي انا وخواتي .. طبعا هالمعاش هذا الي حرمت نفسي منه وقعدت اخشه هم بعد ما تهنيت فيه اخواني من ابوي حاطين عينهم على فلوسي وفلوس خواتي ومنقهرين ميتين من الحره ان احنا ناخذ معاش ابونا واهما لا ليش انهم متزوجين وموظفين ومالهم حق فيه .. المهم انقبلت بالكليه واخوي سافر شهر كامل مع مرته وعياله سياحه حق اوربا ثالث ايام العيد .. عاد امي قالتلي هذي فرصتج بهالشهر هذا تعلمي سواقة سياره قبل لا يجي اخوج من السفر ورحت تعلمت سواقه سياره كل يوم تجيني مدربه من الساعه 6 الصبح تعلمت سواقه عندها 25 يوم وعشمت نفسي حيل رحت انا والمدربه اختبار ليسن ونجحت حيل استانست بوقتها ميته من فرحتي واستلمت الليسن وطبعا اخوي الي من ابوي رجع من السفر وعرف اني تعلمت سواقه قعد يضحك علي بأستهزاء قالي من وين لج سياره اكيد بتسوقين قاري قلتله وانا مستانسه مجمعه فلوسي وعندي المبلغ الفلاني انصدم حيل لا تشوفون اشلون تغير لونه قالي كل هذا عندج .. وحلف علي ما اسوق سياره حيل كسر بخاطري قعدت احن عليه اترجاه اشوي وابوس ريله ماكو فايده حتى امي وخواتي كلموه وحاولو يقنعونه دوخو راسه قالهم لا تحاولون ماكو امل مت بجي مع ان مرته مخليها على كيفها تسوق .. المهم قعدت اسبوع مقهوره قلت حق امي بأجرلي سياره اروح فيها الدوام وصج دقيت على مكتب تأجير السيارات ويابولي سياره وداومت فيها يوم واحد وعرف اخوي اني مأجره سياره و طقني واخذها مني والله ظهري وأيدي صارت زرقه بنفسجيه من الطق بنات والله انا ماعندي خرابيط وسوالف وهو بعد يدري اني محترمه ومو نفس بنات هاليومين وعارف اخلاقي ليش جذي يسوي المشكله مو اهني المشكله واهو يطقني يقولي دلعتج وما خليت عليج قاصر ؟؟؟ دلعتني ؟؟ صدمني بهالكلمه متى دلعني عمره ما دلعني الظاهر تخربط بيني وبين مرته .. دلع مرته كل سنه يسفرها ولا مو اهو الي يختار الدوله اهي الي تختار واهو يركض وراها واحنا خواته لا سفرنا ولا ودانا عمره ولا حتى عزمنا على مطعم او بيته اخ ميته حره والله قاعده ابجي وانا اكتبلكم الي بقلبي متروس ومرته عمرها ما عزمتنا انا وخواتي ابيتها على قهوه ولا عشا وامي المسكينه دايم تقوم ادش المطبخ عشانها ما اطلعها من بيتنا الا واهي معشيتها وطابختلها الاكل الي تحبه عشان تونسها وتفرحها .. مرته شاطره تقهرنا بالكلام وتحرنا دايم اتسولفلنا اتقولنا عزمت رفيجاتي على عشا فبيتي ولا عزمتهم بالمكان الفلاني الله يهنيها انا مو حقوده ولا حسوده بس حطو نفسكم مكاني انا واخواتي حيل شرهانه عليها شلت بقلبي واحس كرهتها لانه حيل قدرناها وحشمناها وحطيناها فوق راسنا وبالاخير اتنفس علينا الله ايسامحها ويسامح اخوي .. على فكره نفسي عزيزه انا وخواتي ما نطلب منه شي بس حرني لما قالي دلعتج وما خليت عليج قاصر
بنات شرايكم انا غلطانه قولولي نبهوني يمكن صج انا غلطانه ومو حاسه بذنبي
واسفه اذا طولت عليكم
