مشكلتي ماعرف اتحجى

[اسمي غير]

السلام عليكم بنات



اكتب لكم وانا زعلانه وايد على ريلي ومو قادره اقوله اهو نايم وانا ابجي الحين ووالله مو قادره اتحجى
غصه بقلبي مو مخليتني انام او آكل .

بنات آنا طبعي لما ازعل او اتضايق ماقدر اعبر و تلاقوني اوصل مرحله ان نطقت خلاص دمعت


شوفوا انا ريلي مايحترمني عند اهله مو يغلط علي او يسبني لا

اهو وايد زين معاي بس شخصيته عند اهله تنقلب فوق حدر

يعني بمصخرني عند اهله بالطلبات والاوامر ، قومي يبي لي ماي ويقولها بطريقه مهينه والله العظيم ، واول مارد اقعد يبي مادري شنو ، يشتغل علي طلبات يكرهني بالقعده

لاييت بشرب قهوه يقولي نزلي اللي بيدج وقومي سويلي عشا جذيه هالسوالف

احسه صج يبي يوصل رساله انه شوفوا انا قاعد امصخرها لان بشقتي اينن ومافيه شي !

وياريت ع الطلبات وبس

لما اكون قاعده بمكان يقولي قومي بقعد وباسلوب خاااااايس

لما خالتي تعطيني شي مثلا يقولها انتي تعطينها خليها تقوم تفز تاخذ

ولما يسولف سالفه يطالع فيهم كلهم مايطالعني ،، لما اسولف يقطع سالفتي

بنات كرهت اقعد عند خالتي والسبه اهوا لاعت جبدي

بعدين مايشيل لي ولاااااا شي وفيني خير اقوله شيل شي

مره اول ما حملت شال عني جنطتي واول ماشاف اخته جان يحذف جنطتي جدامها ويقولي شيليها

واشياء وايده

مره قتله انا وايد الاشياء اللي بشيلهم ماقدر اشيل اكثر جان يقول عادي روحي وردي !!!!

بنات لاعت جبدي احسه منافق يحبني بس بداري وبشقتني وجدام الناس يكرهني

حتى لو مايكرهني بس يتصرف تصرفات تكرهني مو فيه وبس تكرهني بعمري

والله والله بنات خلى اهله ينظرون لي على اني وحده مسكينه وريلها يمصخرها ولاعن خيرها واهوا هذا اللي بيوصلهم انه اهوا ريال

بنات والله آنا متضايقه ومحتره حتى جدام مرت حماي يفشلني

ودي اكلمه بس قتلكم انا ماعرف اتحجى تلاقوني اقول كلمتين واهوا يلفني بجم كلمه ويصك الموضوع

ودي ما اروح لاهله واهوا موجود

آنا ابجي ومحتره واهو نايم

والله اكتب لكم وانا ابجي قولوا لي شسوي


تخيلوا بالسياره بعد ماسوى الموقف معاي انا كنت ابجي بدون ما ابين له واهو يقولي شفيج جنه اهو مو مسوي شي وانا ساكته مو قادره اتحجى

رديت البيت واهو طلع قلت لمن يرد بقوله يا وما كلمني ولا انا كلمته بس يدري اني متضايقه

ماقدرت احاجيه بنات وانا الحين حدي حدي متضايقه ومنقهره

والله اسوي له كل اللي يبيه ،، اعطيه عيوني وانا ادري انه يحبني بس مايعزني ويرزني جدام اهله

بنات ساعدوني ولي يسلمكم قولي شسوي معاه شلون ابدي اتحجى

مليون غصه بصدري


ناطرتكم

 

[}{نرجسيهـ}{]

زوجج معقد

قدامج واحد وعند الناس واحد ثاني


تعرفين يمكن اللي بقوله صح ويمكن يكون غلط

لكن اظن انه لما كان بمرحلة الطفوله والمراهقه كانوا الناس ممصخرينه او انه كان مضطهد سواء من اهله من ربعه اللي هو وعشان جذي تكونت عقده عنده وحب يوريهم لما تزوج ترى شوفوني شخصيتي قويه وهذا يفسر انه ضعيف قدامج بالشقه بروحكم ..


والله يسخره لج يارب ياكريم ..~

 

[mahray]

رد : مشكلتي ماعرف اتحجى

امبييييييييه مووو صج ريلج شدعوووه فاهم الرجوله غلط انه يهينج جدام اهله حبيبتي انتي لاتتحجين ولاتقولين اللي بقلبج بس عطيه كورس في معنى الرجوله وصلي له مسج ان الرجوله مب تستقوي جدام هلك الرجوله انك تبين لهم انك محترمني وعازني اي ريل هذا اللي يخلي مرته تحمل شناط شايفها رجال على غفله وبعدين كييييييييييييييييف يسوي هالحركه يوم يشوف اخته يقط الشناط !!!! الصراحه مادري شقولج الله يعينج وحبيبتي لاتسكتين كل ماتكلم ردي عليه عشان يعرفون انه مب لاعن شكلج ومثل مايحرجج احرجيه عشان يسكت عنج ويخاف يحرجج مره ثانيه

 

[اسمي غير]

رد : مشكلتي ماعرف اتحجى

يعني قولوا لي شسوي والله انا من اليوم ابجي وايد حمواتي وحريم حمواني كانوا موجودين وفشلني جدامهم وايد آنا محتره واهو مو حاس ان اللي يسويه غلط


شلون اتعامل معاه بليز قولوا ترى انا ماعرف شي كلش ووايد استحي

 

[اسمي غير]

رد : مشكلتي ماعرف اتحجى

اوله توني منزله الموضوع والمشاهدات بالخمسينات وثنتين اللي ردوا !

شدعوه بنات ساعدوني انا حسبت اختكم

 

[smo al_ro7]

حبيبتي كلميه عن ال مضايقج بينج وبينه حتى ان بجيتي كملي سالفتج معاااه مايصير تسكتين لايصير فيج شي من القهر .....

قوليله وفشليه لما يكون اسلوبه زين معاج قولي اشوفك شزينك عندي ..ليش عند اهلك تنقلب فوق تحت لازم تصارحينه عن الي مضايقج .. خلي السوالف تغلب ع البجي عندج ...والله يهدي سركم ويوفقكم .....ارجو اني فدتج ولو بشي بسيط

 

[اسمي غير]

رد : رد: مشكلتي ماعرف اتحجى

ياحياتي هددي بالج
ترى عاااااادي هذا يحصل يمكن اهله يحرشونه عليج واهو يبي يسكتهم ويمكن اهو من النوع اللي مايبين حبه عااادي انا رفيجتي تقوول زوجي يقولي انا وياج بالشقه انسوي اللي نبي بس بره باب الشقه تعاملنا رسمي ..
واذا هالشي حيييل مضايقج اذا هو موجود انتي صعدي الشقه او دزيله مسج عبريله عن اللي بداخلج بس باسلوب حلوو والله يوفقج.

اهله وايد زينين معاي وانا اشوفهم يحبوني مادري حتى لو يحرشونه ماتوصل جذيه

والله مرات نكون نضحك داخل انا وياه وتونا الحين رحنا لخالتي اشوفه شخص ثاني

زين شلون شسوي معاه

مرات غصب اكون توني يايه او مثلا اكون قاعده واهو توه داخل علينا واحصل لي كلمه منه

 

[MISS-_-FLOWER]

رد : مشكلتي ماعرف اتحجى

انا ريلي مرات كان يسوي فيني جذي اول زواجنا وبلعكس مرت حماي الكبيره معنهم قدم ريلها كان يدلعها وريلي كان يتنرفز من تصرف اخوه
عاد جم مره قط علي قطه وانا طوفتله
مره كنا قاعدين مجموعه ونضحك ونسولف مره وحده ولد اخوه قال انا عل عيد برووح اسبانيا وابيك اتيي معاي
قتله على غشمره شكووو بريلي عندك ربعك ريلي ريال متزوج واذا يبي يسافر يسافر مع مرته
عاد مني ريلي طلع قال اشعليك منها خل اتوووووولي انا مني انصدمت
طبعا ضليت طول القعده ساكته
واول ما ركبت السياره قالي خير شفيج جاااان ابجي
قتله شفتهااا حلووه الكلمه تقووولها جدام اليهال والاكبار لو بينا عندي اهوون عاد سكت شوي قالي كنت اتشغمرر قتله والله لووو شفتك عدتها او اي كلمه ثانيه تفشلني او تجرحني ماراح اطب بيت اهلك ومن بعدها ما قام يفشلني
يمكن كلمته بلنسبه لج بتشوووفينها عاديه و وماتصف يم الي ريلج يسوويه فيج
بس انا تعمدت اكبرها وابينله عشان ما يعيده

 

[قلب الأم]

رد : مشكلتي ماعرف اتحجى

انتييييييي حطي له حدد ددد........كلميه حتى لو بجيتي احسن يمكن تكسرين خاطره .. قولي له شوووف اذا ما احترمتني جدامهم اهم بعد ما راح يحترموووني .. واساسا احترامي من احترامك.... قولي له اذا عدت وسويت هالحركات جدامهم انا بعد راح افشلك جدامهم .. بحقرك وبكلمك بقلة احترام... حتى لو مو صج بتسوينها بس هدديه... عيب عليه هالحركات شلون تفرضين احترامج عالاخرين اذا هو يمسخرج حتى لو اللي حواليج طيبين ويحبونج بس بتصيرين الطوفة الهبيطة بعدين لان يحسون مالج مدافع وماحد واقف معاج... لاااااااااااازم تكلمينه ما قلنا يدلعج جدامهم ويشيل ويحط فيج بس خل يصير عاااادي على طبيعته وباحترامه .......


اشتطيييتتتتتت ... قهرني برودج وقهرني اسلوبه........:eh_s(20):

 

[الفدنه]

زوجج عنده نقص في شي فيج مخليه يحس انه اقل منج
فيبي يبين لاهله تلرى انا اللي مسيطر وان اللي اتحكم
شوفي يمكن شهادتج او شخصيتج او جمالج او مركزج او اهلج مسواهم المعيشي احسن من اهله
انصحج جربي شغله واذا مانفعت جربي الثانيه
اول شي مدحيه وطيريه عند اهله
مثلا قولي هذاك اليوم اهلي قالو عنك جذي وجذي
او ابو فلان دايما يسوي جذي وجذي
واذا مانفع طقيها بجييييييييييييييييييييييييييه تعور قلبه وقوليله الرسول
صلى الله عليه وسلم
قال رفقا بالقوارير وخيركم خيركم لاهله
وما اقول الا الله يهديه يارب

 

[tbola]

رد : مشكلتي ماعرف اتحجى

مادري يمكن يبين يبن لهم انه حمش وجامد

الله يهدييه

 

[ورده الكرستال]

رد : مشكلتي ماعرف اتحجى

حبيبتي يمكنه يبيج تقوين شخصيتج

الله يعينج ويهديه

 

[تحبني ولا ...]

اذا ماتقدرين تلمينه اكتبي له مسج

قلي انا طلعت من بيت كرامه لاتقعد تذلني قدام اهلك


اذا راح تعاملني جذي اروح لاهلي احسن

 

[اسمي غير]

رد : رد: مشكلتي ماعرف اتحجى

حبيبتي كلميه عن ال مضايقج بينج وبينه حتى ان بجيتي كملي سالفتج معاااه مايصير تسكتين لايصير فيج شي من القهر .....

قوليله وفشليه لما يكون اسلوبه زين معاج قولي اشوفك شزينك عندي ..ليش عند اهلك تنقلب فوق تحت لازم تصارحينه عن الي مضايقج .. خلي السوالف تغلب ع البجي عندج ...والله يهدي سركم ويوفقكم .....ارجو اني فدتج ولو بشي بسيط

احاول اكلمه اهو يسكتني دايم باي نقاش يسكتني يقولي مافيها شي وعادي

قبل هالمره حاجيته وكان الموقف هم جذيه بس ماقدرت اطلع كل شي وزعلت 3 ايام

الحين انا ماراح احاجيه لين يحاجيني واقوله بحاول اطلع له كل اللي بقلبي

وبسوي هذي حزة الجاي مشكوره بعد عمري انتي

 

[اسمي غير]

رد : مشكلتي ماعرف اتحجى

انا ريلي مرات كان يسوي فيني جذي اول زواجنا وبلعكس مرت حماي الكبيره معنهم قدم ريلها كان يدلعها وريلي كان يتنرفز من تصرف اخوه
عاد جم مره قط علي قطه وانا طوفتله
مره كنا قاعدين مجموعه ونضحك ونسولف مره وحده ولد اخوه قال انا عل عيد برووح اسبانيا وابيك اتيي معاي
قتله على غشمره شكووو بريلي عندك ربعك ريلي ريال متزوج واذا يبي يسافر يسافر مع مرته
عاد مني ريلي طلع قال اشعليك منها خل اتوووووولي انا مني انصدمت
طبعا ضليت طول القعده ساكته
واول ما ركبت السياره قالي خير شفيج جاااان ابجي
قتله شفتهااا حلووه الكلمه تقووولها جدام اليهال والاكبار لو بينا عندي اهوون عاد سكت شوي قالي كنت اتشغمرر قتله والله لووو شفتك عدتها او اي كلمه ثانيه تفشلني او تجرحني ماراح اطب بيت اهلك ومن بعدها ما قام يفشلني
يمكن كلمته بلنسبه لج بتشوووفينها عاديه و وماتصف يم الي ريلج يسوويه فيج
بس انا تعمدت اكبرها وابينله عشان ما يعيده

انا مشكله معاهم بنفس البيت

وبعدين ريلي اول يقطها بويهي بس حاجيته مره وما قلت له كل شي قلت شويه بس احس خلص الموقف كان ودي اقوله كل شي بس ما يعطيني مجال اناقشه او احاجيه

وانا حزة الضيق ماعرف اتحجى او اعبر هذي البلوى اللي آنا اعاني منها

 

[اسمي غير]

رد : رد: مشكلتي ماعرف اتحجى

ياقلبي عااادي شوفي وقت انت وياه قاعدين ومشقه ومزاجه راااايق كلميه بس باسلوب سنع
يعني قوليله ياحياتي انا فيه موضوع مضايقني وودي اقوله لك عادي تسمعني او مالك مزاج اذا اوكيه كلميه قوليله انت تسوي هالاشياء وهي تضايقني نفس الوقت انا مابي الناس تاخذ عنك فكره انك مو زين وانت بالعكس حيييل زين ومن هالكلام عرفتي

ريلي حنون وطيب ويحبني ادري بس حزة النقاش تعرفين اللي يجعمني يدقرني او يقول صكي الموضوع خلاص لا تخربين القعده

وانا ارد اسكت بس

بس انا بحاجيه ان شالله بس تدرين شنو المشكله

ان لما اقول حق اختي السالفه او امي اقولها باسترسال اما معاه اهو ماقدر استرسل مادري ليش !

مادري والله ليش ان شالله اتغلب على هالسالفه

ترى انا توني متزوجه

 

[بسكوت السعادة]

رد : مشكلتي ماعرف اتحجى

اقسم باللة اني نفس معاناتج لا وزيادة بعد يحش فيني وباهلي عند اهلة وكل شي بيناتنا مكشوف عنداهلة ولو تشوفينة كشخةو تكانة عمرة ماقعدنا وسولفنا مع بعض اما نايم او طالع وربي اني مرات اقول ليش تزوجت بس عشان انهان واتمصخر وانحبس لا والحقارة لو شافني اكل كال كلة من خيري او اذا لبست قال احمدي ربج كل ملابسج من خيري كانة ذالني انة تزوجني ترى هذي الكلمات اللي اسمعها بس منة جاااااااااااااااااااااااااااااااااااااااااااااااف بكل ماتحملة الكلمة من معنى مع اننا حبينا بعض من الطفولة وتحدى اهلة وتزوجني وكان طااااااير من الفرحة لما بس لو كلمتة قلت ليش تعاملني جذي اذا ماتحبني طلقني يقعد بس يحلف انة يحبني وانا مااشوف شي من هالحب ولا حتى تصرف يدل لا انة يحبني واللة رااااااااااااااااااااااااااااااااااااااااح انفجر

 

[اسمي غير]

رد : مشكلتي ماعرف اتحجى

انتييييييي حطي له حدد ددد........كلميه حتى لو بجيتي احسن يمكن تكسرين خاطره .. قولي له شوووف اذا ما احترمتني جدامهم اهم بعد ما راح يحترموووني .. واساسا احترامي من احترامك.... قولي له اذا عدت وسويت هالحركات جدامهم انا بعد راح افشلك جدامهم .. بحقرك وبكلمك بقلة احترام... حتى لو مو صج بتسوينها بس هدديه... عيب عليه هالحركات شلون تفرضين احترامج عالاخرين اذا هو يمسخرج حتى لو اللي حواليج طيبين ويحبونج بس بتصيرين الطوفة الهبيطة بعدين لان يحسون مالج مدافع وماحد واقف معاج... لاااااااااااازم تكلمينه ما قلنا يدلعج جدامهم ويشيل ويحط فيج بس خل يصير عاااادي على طبيعته وباحترامه .......


اشتطيييتتتتتت ... قهرني برودج وقهرني اسلوبه........:eh_s(20):

تدرين اهوا دايم يقولي انتي حساسه ماكو شي وعادي وشقلت

ببجي لاني اصلا منقهره منه والله ماراح احاجيه لين اكلمه واقوله كل اللي عندي

لو اسجله بورقه تعبت منه والله ماقمت اشتهي الروحه لاهله

بس ريلي اذا قلت له ماراح احترمك وبعاند اعرفه يعاند ويمصخرني زياده ويقعد سنه مايكلمني

 

[love love]

شوفي ريلج تماده لانه ماشاف الرفض منج وانتي ساكته

الحين انتي من بعد السالفه ماكلمتييه صح؟ خلاص مشييها زعله ولما يكلمج ولا بيتودد لج قوليله الحين تكلمني بنفس حلوو وجدام اهلك لا بس لا تصارخيين لا اشوي اشوي نقااش ولاتعطينه ويهه خل يحس لين يتعدل


ترى اغلب الرياييل يسوون جذيه بس لي شافو حريمهم ياخذون موقف مايكررونها

 

[~ الــــزيــــن ~]

انتي كلميه وقوليله باللي يضايقج حتى لو ماتقدرين تتكلمين حاولي لازم تحطين حد مايصير يفشلج جذي قوليله باسلوب حلو ان هالتصرفات غلط وتضايقني
والله يعينج ويصبرج ويصلحه لج يار ب