مشكلتي كرامتي

[moone GRL]

السلام عليكم


انا بنت حبوبة واجتماعية وماغلط على احد بس مشكلتي اذا احد غلط علي مستحيل اسامج او انسى كرامتي مصييييبة .. لو اخوي ولد امي وابوي يغلط علي اتحول الى وحش اكرهه ومستعده اقطع عنه شهووور ماكلمه

احنا اهلنا فيهم وصل مشالله وعلاقاتنا حيل زينة مافينا قطع بس ياربي هالموضوع مأزمني ماقدر اسامح أحد اذا زعلت نسيت امي وابوي


خلوني اعبر لانه صاير لي موقف تو ومتزاعله مع وحده قريبه مني ودي انسى بس ياربي كرامتي معذبتني .. من يومين وانا اصلي وادعي ابي ترجع علاقتنا مثل قبل لانه هي من اهلي وماودي بالقطع قلبي مايطاوعني بس باخر وقت اقول مابي اذل نفسي وترجع نفس الافكار تمنعني

يعني الحين بنت عمي صار لي 4 شهور ماكلمها عشان موقف سوته فيني .. اقول بنفسي لي متى يعني بظل اتجنبها وهي من اهلي وقريبة مني بكل زوارة اشوفها بس مابي انكسر جدامها وابين اني ضعيفه وقاعد اصلي وادعي الله يصلح بيني وبينها بس مابي انا ابادر واذل نفسي

مادري شنو الحل قاعده ادعي يتغير طبعي بس مو بكيفي

 

[د.شريفة]

اختي الغاليه
الله كريم وغافر الذنب
الله يسامح العبد اذا اذنب ذنب كبير
وانتي لا تسامحين اختج وصلة رحمج

والاسلام حث على هذا .. بل انه امر بالصفح الجميل وهو ...الصفح بلا عتاب...
قال الله تعالى : ( وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَإِنَّ السَّاعَةَ لَآتِيَةٌ فَاصْفَحِ الصَّفْحَ الْجَمِيلَ)
(الحجر: ٨٥)​

عن أبو مسعود ان رسول الله صلى الله عليه وسلم قال :
(حوسب رجل ممن كان قبلكم . فلم يوجد له من الخير شيء . إلا أنه كان يخالط الناس . وكان موسرا .
فكان يأمر غلمانه أن يتجاوزوا عن المعسر . قال : قال الله عز وجل : نحن أحق بذلك منه . تجاوزوا عنه )
أي تسامحوا .​

عن أنس رضي الله عنه قال :

بينما رسول الله صلى الله عليه وسلم جالس إذ رأيناه ضحك حتى بدت ثناياه ، فقال له عمر : ما أضحكك يا رسول الله ؟

قال صلى الله عليه وسلم :

رجلان من أمتي جثيا بين يدي رب العزة فقال أحدهما : يا رب خذ لي مظلمتي من أخي ، فقال الله : كيف تصنع بأخيك ولم يبق من حسناته شيء ! قال : إن ذلك ليوم عظيم يحتاج الناس أن يحمل من أوزارهم فقال الله عز وجل للطالب : ارفع بصرك فانظر . فرفع فقال : يا رب أرى حدائق من ذهب مكللة باللؤلؤ ! لأي نبي هذا ؟! أو لأي صديق هـــذا ؟! أو لأي شهيد هـــذا ؟!

قال : لمن أعــــطــــى الـــثــــمــــن .

قال : يارب ومن يملك ذلك ؟!! قال : أنت تملكه ، قال : بــــمــــاذا ؟!!!

قال : بعفوك عن أخيك ، قال : يـــارب إني قد عفوت عنه . قال الله عز وجل فخذ بيد أخــيـــك وادخله الجـــنـــه ، فقال رسول الله صلى الله عليه وسلم عند ذلك " اتقوا الله وأصلــحـــوا ذات بينكم فإن الله يصلح بين المسلمين " .

رواه الحاكم والبيهقي في البعث وقال صحيح الإسناد


وابدأي انتي بالمبادرة ولك الاجر ان شاءالله

 

[المرتاحة]

لازم تمرنين نفسج انج تسامحين ولا راح تخسرين وايد ناس تعزينهم و يعزونج

و حطي في بالج ان مافي انسان معصوم عن الغلط كلنا بشر نخطي

واذا اعتذروا لج حاولي انج تسامحين و خاسه انهم اهلج من لحمج و دمج

والله كريم و يهدي النفوس

 

[كادى الحب]

نفس الحال

 

[نفهمها صح]

نفسج طبع موو زين بسس يفيد مع بعض ناس
خلي احد يبتدي بينكم بصلح

 

[رحــــيــــل]

حبيبتي الي يسامح اهو المستفيد لأنه يخلص جسمه من السموم والأحقاد

وترى المسامحة والإعتذار ما تحط من قدر ومكانة الشخص

وانتي مو غلطانة يعني ماقلنا لج اعتذري

اتصلي عليها وكلميها قوليلها احنا بنات عم وقرايب لي متى بنتم زعلانين ومانكلم بعضنا

الي صار صار وخلاص راح واحنا عيال اليوم خلي قلوبنا صافية

 

[عسل سل]

الحل سهل حيييييييييل
ماتبين تذلين نفسج ...محد قاالج رووحي وقووليلها وعااتبييهاااا وليش ولييش <هذي المذله صج

صح كلاامج مو حلو تخربين علااقتج مع وحده من العاايله
الي المفرووض تسويينه
سوولفي سواالف غشمره ولا كأن شي صااار اول شي سواالف ضحك خفييفه موو عتاااب لاااا سواالف عاديه جدا
والله والله بعدها بتشووفينها تنجذب وشووي شووي بتسوولف ويااج ويطييييييح الحطب اول شي يمكن تستغرب وتصد وماتتقبل بعدها تشووفينها تفاعلت وياج وقوولي ماااقاالت

 

[يارب احفظ عيالي]

نفس حاله اختي بالضبط جنج اتكلمين عنها والله محاربه اثنين من اخواني صار لها 3شهور والله عذبتنا ننصح فيها مااااااااااااااااااااااااااااافي فايده الله يهديكم يااااااااااااارب

 

[•°أنـــفْــِـاسِ اَلِــــوُرَدِ°•]

حبيبتي الكرامه مهمة بس لاتنسين حديث الرسول صلى الله عليه وسلم

عنْ أبي أَيُّوبَ رَضِيَ اللَّهُ عَنْهُ، أنَّ رسولَ اللَّهِ صَلَّى اللَّهُ عَلَيْهِ وَسَلَّمَ قالَ: ((لَا يَحِلُّ لمُسْلِمٍ أَنْ يَهْجُرَ أَخَاهُ الْمُسْلِمَ فَوْقَ ثَلَاثِ لَيَالٍ، يَلْتَقِيَانِ فَيُعْرِضُ هَذَا وَيُعْرِضُ هَذَا، وَخَيْرُهُمَا الَّذِي يَبْدَأُ بِالسَّلَامِ)). مُتَّفَقٌ عليهِ.​

دوم خلي الحديث ببالك وخليك متسامحه وأبدي انتي بالسلام عشان تكسبين الأجر من الله وإذا لك حق عند الله مايضيع والدنيا فانية ياقلبي وإن شاءالله يتغير طبعك للأفضل لك ,’

 

[laco$te]

لازم تمرنين نفسج انج تسامحين ولا راح تخسرين وايد ناس تعزينهم و يعزونج

و حطي في بالج ان مافي انسان معصوم عن الغلط كلنا بشر نخطي

واذا اعتذروا لج حاولي انج تسامحين و خاصه انهم اهلج من لحمج و دمج

والله كريم و يهدي النفوس

​

 

[ام زهقانه]

الصراحه يمكن تعز عليج نفسك علي حسب الموقف اذا قوي و عادي احسبيها عدل وترا الدنيا ماتسوي كل هذا يمكن كبر نفس

 

[شوشو الشقيه]

يسلمو اختي تره عادي
بعض البشر من كثر ما نعزهم على كثر ما يكون الجرح قوي
عادي تره كلنا جذي
يمكن هي جرحتج واايد

يمكن لو تسامحت منج يخف الجرح
لا انتي واول وحده قطعتي علاقتك مع احد ولا اخرهم

وصدقيني انا حاسه فيج لاني اذا اعز انسان ويجرحني
افارقه صعب ارجع له لان احسه كسر كرامتي
ولا اكلم هذا الشخص
اما اشياء عاديه اسامح بسهوله

اختي تره عاد كلنا وقت الكرامه تنكسر هنا صعب تسامحين

 

[أتراب]

حبوبه العفو والتسامح من
افضل الصفات
والتسامح قوة مو ضعف مادري ليش
تعتبره الناس ضعف
سامحيها وشوفي شلون ترتاحين
والله بينزاح عنج الهم
​

 

[مارياq8]

المسامح كريم

 

[! هُوْ وِينِه !]

نفس حآلتج آهم شئ عندي آلكرآمة
وهذي صفة مو زينة بآلعكس صفة شينة