مشكلتي عووويصه والا انا ابالغ

[دمعه امل]

السلام عليكم
بابدي لكم ع طول
مشكلتي ان زوجي كان متزوج قبل لا ياخذني ومنفصل بس ما عنده اعيال منها ولا حاجة

المشكله انا حماتي وام زوجي يستقبلون طليقته وتزورهم من وقت لي وقت في بيت حماتي كانت جارتهم قبل واهي الحين متزوجه واحد مو بالديرة بس لي يات الديرة اتزورهم بس بدون ما ادري بس اتعرفون الناس يوصلون لي الاخبار
اهم ما يدرون اني ادري بس انا ادري واحترق من داخلي
اتوقعون انا حساسه ولا اهم غلطانين والله مو عارفه احس ان راااسي يعورني ومقهووووورة
ابي مشووورتكم ...... بليييييز :0bee2e8d89:​

 

[NoNoFeTa]

مادري جنه عادي دامها مو ضارتج ولا يت صوبج

 

[ELFAD3Ah]

رد : مشكلتي عووويصه والا انا ابالغ

انتي حساسه لان بيتهم ومن حقهم يعزمون الي يبونه ومافلولج يمكن خايفين على مشاعرج ويمكن البنيه كانت زينه وياهم ولا ليش يستقبولنها ليلحين
بالنسبه حق ولدهم وطليقته يمكن ماحصل نصيب

 

[زوجي وبس]

اذا كانت متزوجه احس عادي

 

[ام زاكي]

يمكن غصبن عنهم تجي واهم مايعرفون يطردونها صعبه يتروالي انتي اهم شي زوجج مايلتقي فيها هذا اهم شي

 

[tmtmt]

انتي حساسه

اول شي لنها متزوجه

ثاني شي يستقبلونها فبيت حماتج معناته يراعون شعورج

ثالث شي ماقالوا ابتعادا عن المشاكل وطيبة خاطر لج وهذا دليل انهم يحبونج

ورابع شي مسافره ما اتييهم الا من متى لي متى

 

[3emya_Berry]

واللهي مادري قول بس لو انا مكانج بنقهر اي بس عادي بنفس الوقت

 

[دمعه امل]

ما ادري انا من جي حطيت مشكلتي
انا حاسه اني مقفله
او انهم مو حاطين لي اعتبااار
ما ادري
:lkmnkl:​

 

[دمعه امل]

انتي حساسه

اول شي لنها متزوجه

ثاني شي يستقبلونها فبيت حماتج معناته يراعون شعورج

ثالث شي ماقالوا ابتعادا عن المشاكل وطيبة خاطر لج وهذا دليل انهم يحبونج

ورابع شي مسافره ما اتييهم الا من متى لي متى

ما ادري احس بقهر واحس ان تصرفهم غلط:bbbiu:

 

[دمعه امل]

يعني ما فكرووو لو يتهم واهي عندهم شبيكون الموقف

 

[_j'aime mon mari_]

رد : مشكلتي عووويصه والا انا ابالغ

حبيبيتي عادي
لانه في واااااااااااايد عيالهم مطلقين وللحين علاقتهم مع طليقة ولدهم زينه لانه ماشافو منها شر
بس اكيد لو انا مكانج راح انقهر

 

[سارة ة]

شدعووا عاادي جداا
مااالا دااعي هالحساسيه
يمكن اهم ما قااالوا لج لانهم يرااعون ششعورج وبس حبوبه

 

[دمعه امل]

ما ادري بس السالفه تقهر مصرة ليحين

 

[دمعه امل]

اب
ابي ردووود اكثر يمكن ارتاح

 

[الدلوعه2008]

مثل ما قالو البنات

ما عليج منها اهم شيء انج مع ريالج وحمولتج يعملونج زين وانتي تعملينهم زين

وبس دعاء لربج وربج يسمع مشكلتج

 

[مطيرية والعزليه]

رد : مشكلتي عووويصه والا انا ابالغ

ماشا الله عليهم اللي موجبين وحدة كانت جنتهم وعاملين حساب
للعشرة اللي كانت بينهم انتي يابنتهم اللي عندهم شمسوين معاج
الله يتمم عليج ويهديهم لج.
وأظن مافيها شي لاعزموها بس انت مكبرة الموضوع

 

[منوووووله]

عادي ماكو مشكله قبل لاتكون زوجة ولدهم جارتهم وماضرتهم بشي ولاضروج

لاتكبرين الموضوع وخلج واثقه من نقسج والحياه ماشيه ..

 

[دعـاء]

رد : مشكلتي عووويصه والا انا ابالغ

عادي دام انها متزوجة ومو بالديرة أصلاً

أنتي ماعليج الا من زوجج

ودام ما قالوا لج يعني احتراماً لمشاعرج
خلييج عادي
والحرمة متزوجة يعني تطمني

 

[دهن العــود]

رد : مشكلتي عووويصه والا انا ابالغ

لا حبيبتي عادي عالاقل مانسو العيش والملح الي بينهم وبعدين تزوجت واهم بعد مبين عليهم زينيين لان ماقلولج خايفين على مشاعرج لاعادي لاتصيرين حساااسه واخذي الامر عادي لان هالشي كااان مو الحين

 

[دمعه امل]

ردودكم ريحتني بس ليحين احس بالقهر ومب قادرة ابلع الموضوع
الله كريم