مشكلتي طول فترة الحمل وانا الحين بالشهر الثامن

[mama sarah]

السلام عليكم​

بدش بالموضوع على طول ماراح اطول عليكم حبيباتي


انا حامل بالشهر الثامن الحيننن والمشكله .................................اني مو مستانسه مادري ليش

احس ما بي البيبي وانا اساسا ما كنت ابي احمل بس ريلي يبي ..

والله للحين مو قادره اتاقلم ولا مستوعبه شلون بيلي بيبي بعد شهر

ادري انها نعمه من الله ومن هالحجي كله بس حدي منقمته والله مو مستانسه كلش والمصيبه الثانيه انه بيسميها على اسم امه @@ ​

يعني مو مترقعه فيها............ فير احد حاشه جذي نفسي وشنو موضوعي مو فاهمه شفيني انطر رددودكم وانتو بحسبت خواتي

 

[عيبي طيبتي]

استغفري ربج
و احمدي الف مرة
و الله ان قلبي يتقطع ابي ضنى و عيزت من العلاج و انتي تتحلطمين و مو مستانسة
ياريت احمل و الله و اكون اسعد انسانة في هالدنيا
سبحان الله اذا ماتبينه انا ابيه
ان شاء الله ازمة وتعدي و باجر من تشوفين ضناج وتحضنينه راح تحبينه
ادعيله ان الله اييبه لهالدنيا سليم مشافى معافى و لا ترفسين نعمة ربج
دشي شوفي قسم تاخر الانجاب و حسرتهم على ريحة الضنى

 

[tmtmt]

مادري والله شقولج
الكلام الي لازم ينقال تعرفينه !

ان شاءالله من تشوفينها طالعه منج بتحبينه ولا ترضين احد يجيسها
واذا ما حسيتي بهالاحساس اكيد فيج شي لن الحب فطره من الله

وشنو يعني بسميها على ليش لا !

اسمها مو حلو ؟
متهاوشه معاها ؟
مو زيينه معاج ؟

 

[آهات الليل]

مادري شقولج غير انه دشي شوفي بقسم تاخر الحمل وبتعرفين شنو ردي شوفي المحرومين من الضنى وانتي تقولين مابي اللياهل ماحس مستانسه حمدي ربج لاربج يقلب ضناج معوق ولامشوه الله يثبت لج حمالج وتجيبين طفل صحيح معافى بدون زياده او نقصان تعوذي من ابليس حرام والله حرام

 

[eman84]

استغفر الله ناس مايحصلهم يشمون بس ريحة البيبي (عسى الله يرزقهم يارب عاجلا غير اجلا )
وانتي تقولين مو مستانسه و مو مترقعه فيها

استغفري ربج وحمديه صبح و ليل ان رزقج ترى النعمه زواله بالذات للي مايشكر ويحمد ربه وانا اختج

 

[% HoooR %]

بنات شفيكم مو جذي تكلمون البنت

هي أكيد عارفه انه ما يجوز تقول هالكلام
لا تخرعونها بكلامكم


حبيبتي اللي فيج شي طبيعي\
يمكن انتي صغيره او مو متعوده تشيلين مسؤوليه
عشان جذي مستصعبه الموضوع

بعد الولاده ان شاء الله راح تبدين تتعودين شوي شوي
وااي ما أقدر أوصف لج حالتي بعد الولاده
كنت كله شايله الدنيا على راسي خاصه بعد ما رحت بيتي
وقفت كل مشاغلي وصرت ما افكر الا بالبيبي متى ارضعه ومتى أغير له
حتى طلعه صرت ما اطلع
وشكلي صار مبهذل ما جني طالعه من الأربعين ولازم أكشخ
وااااي كانت عندي أزمه


بس الحمدلله شوي شوي بديت أتعود على الوضع

والله يسهل ولادتي هالمره وعسى ما تجيني هالحاله مره ثانيه
هههههههههه

 

[وردة الكاميليا]

الله يهون عليج ويقومج بالسلامة هذا أهم شي وحنا ما ندري شنو ظروفج بس الله يرزقج بالذرية الصالحة أزمة وتعدي ان شالله وأول ما تشوفين البيبي صدقيني راح يروح الاحساس الي تحسين فبه الحين وأنا حاسة انج انسانة طيبة وحساسة زيادة على اللزوم ولا هالكلام مو من قلبج بس من الضغوطات الي انت عايشة فيها ومو قادرة تتأقلمين معاها والله يسهل عليج يا الغالية باجر تكبر وغلاتها تزيد معاها

 

[مناوووي]

كثري استغفااااااااااااااار

وقوولي الحمدلله على النعمه


عسى الله يسهل عليج ويرزقنا

 

[كويتيه مذهله 87]

اذا طلعت بتحبينها بعد اذا ماحبيتيها كل شكلش مو مال امومه لوووول

 

[*ريما*]

ماقول الا الحمدللة ع النعمة بس
ناس تتتمنى ظفر طفل وناس ماتبيه
وبعدين انتي لية متزوجة
معروفة مابعد الزواج الا الحمل والولادة
الله يهديك

 

[ماريا 2006]

حبيبتي الحين تقولين هالحجي بكره لما تشوفينها شوي قلبج يرق
انتي ماراح اتحبينها من اول الايام
لما تتحرك وسولفها حلوه تذكري هالموضوع وضحكي عليه الحين تقولين هالكلام عشان تعبانه لايعه جبدج
وفوق التعب بيسميها على امه هذا الشيطان يقوله لج الحين
بعدين لا ارتحتي بتشوفين ظناج وبتقولين الحمدالله
انا لما بنتي سماها زوجي على امه كنت اشكي لرفيجتي وكانت ماتييب عيال
قالتلي كلمه والله مانساها حسيت ان الله عطاني نعمه كبيره وانا ماستاهلها
قالت
اتمنى لو الله يعطيني نص ياهل لويسميها زوجي على خدامتهم لو يسميها زنوبه
بنتي عمرها 5 سنين الحين وللحين مو ناسيه جملتها بالحرف

 

[احلى ـآ وحده]

هاذي نعمه من ربي .. وغيرج يتمناها وغيرج تنهدم حياتهم بسبب عدوم وجودهم

تحمدي ربج .. وكثري استغفار وخير ياطير بيسميها على امه .. لا تنسين هاذي امه اللي تعبت فيه وربته وكبرته .. واهي بحسبة امج حتى لو كانت قشرا


الله يسهل ولادتج يارب .. ويرزقج الذريهه الصالحه

 

[eman84]

بنات شفيكم مو جذي تكلمون البنت

هي أكيد عارفه انه ما يجوز تقول هالكلام
لا تخرعونها بكلامكم


حبيبتي اللي فيج شي طبيعي\
يمكن انتي صغيره او مو متعوده تشيلين مسؤوليه
عشان جذي مستصعبه الموضوع

بعد الولاده ان شاء الله راح تبدين تتعودين شوي شوي
وااي ما أقدر أوصف لج حالتي بعد الولاده
كنت كله شايله الدنيا على راسي خاصه بعد ما رحت بيتي
وقفت كل مشاغلي وصرت ما افكر الا بالبيبي متى ارضعه ومتى أغير له
حتى طلعه صرت ما اطلع
وشكلي صار مبهذل ما جني طالعه من الأربعين ولازم أكشخ
وااااي كانت عندي أزمه


بس الحمدلله شوي شوي بديت أتعود على الوضع

والله يسهل ولادتي هالمره وعسى ما تجيني هالحاله مره ثانيه
هههههههههه

الله يسهل عليج ولادتج حبوووبه

احنا ما قسينا بكلامنا الا لان نبي نصحيها على الكلام اللي كاتبته انتي اقريه عدل وشوفي الكلمات (المصيبه الثانية بيسميها على امه يعني البيبي مصيبه اولى !! ) اسمالله عليه
غير باجي الحجي اللي والله البيبي كسر خاطري هذا تدرين شنو يعني ضنى ! يعني قطعه من الام وانتي اكيد حاسه بالامومه فمايجوز مو طريقة كلامنا لأ ! مايجوز كلامها اهي مايصير نضحك ومجاملها لان اهيا ان شاء الله بتصير ام يعني مو ياهل علشان نساحلها صح والا انا غلطانه ؟

 

[0oR0R0 honeyo0]

اقول استغفري ربج ..
في ناس يتمنون النعمه هذي وانتي بطريقتك هذي بتزيدين عليهم حسرتهم ..
الله يهديج ويصلحج ..

 

[خليفة العظماء]

قولي الحمدلله الله رازقج شوفي شكثر المحرومين ميتين على ريحت البيبي بس

أنتي لما تشوفين ضناج بيطير قلبج وبتنسين كل هالحجي

 

[NauGhty nuRse]

انا اقول حمدي ربج واستغفري ربج
الله يهديج بس

 

[NauGhty nuRse]

انا اقول حمدي ربج واستغفري ربج
الله يهديج بس :bbbiu:

 

[بحر الذكريات]

تحمدي العافيه

تحمدي العافيه

والله يسهل عليج

واستغفري ربج

انا ابحمالي ببنتي كنت شايله هم الاسم بس ولدت ولاده مبكره وتوفت وعقبها حملت وجبت ولد وسميته وتوفى قبل شهر يعني احمدي ربج والله مو مهم الاسم اهم شي بكون سليم متعافى وصالح وبار فيج ان شاء الله

 

[المـنـى]

انا كنت مثل احساسج بالضبط وبنفاسي صار عندي ازمه

لاني مو متعوده اتحمل مسئوليه وماعندي خوات كبار تدري كل يوم ابجي ومتضايقه حدي

وابشرج بعد ماطلعت من الاربعين زوجي ماجابلي خدامه ومجابله بنتي 24 ساعه

حتى باب الخارجي نسيت شكله لاني ماقدر اخليه

بس الحين لما كبرت وانا تعودت على الوضع وصار عادي

صرت امووووت فيها وماقدر اصبر عنها لو ساعه

بس استغفري وارقي نفسج ترا هم الناس ماتعطي خير

وقولي من قلب الله يسهل ولادتي وعلى الوضع بصير سهالات وبتضحكين على هالايام وراح تنسينها

 

[Mramy]

حبيبتي استغفري ربج مو زين هالحجي في ناس تتمنى تحمل وانتي تقولين هالحجي؟ حرام والله الضنى نعمه من ربج وصدقيني من يطلع البيبي من بطنج بتحبييينه حيييل لانه منج وفيج وكان عايش ابطنج تسع اشهر قلبين وروحين وجسدين بجسد واحد شلون ما تحبينه كل لحظه عشتيها اهو عاشها معاج حتى الاكل اللي تاكلينه ياكله معاج هذا روحج صدقيني احساسج بيتغير عقب ما تولدين انشالله بالسلامه وتره حتى وانتي متضيقه يحس فيج ويتضايق معاج ويبجي معاج بعد هذا ضناج شلون مو مستانسه ... استغفري ربج وتعوذي من ابليس