* مشكلتي طريقة التعامل مع الخدم * علموني شلون اتعامل ويـــاهم ؟

[كآريزمآ]

السلام عليكم ورحمة الله

شلونكم بنات عساكم طيبين ؟

بدش بموضوعي على طوول :aha:

هو بالنسبة لي مشكلة لأني عانيت من خدم بيتنا

انا بجيب لي خدامة ومو عااارفة شلون اتعامل وياها ( طبعا توها ما وصلت وانا ابيها لبنتي للتنظيف )

مااااااابيها تصير نفس خدامات بيت اهلي لأن امي كبيرة بالعمر وتعبانة عشان جذي متسيبات شوي وكل وحدة تحرش على الثانية وحتى الخدامات اللي عند خواتي نفس الطقة

مدري حسيت المشكلة فينا اننا مانعرف نتعامل مع الخدم :gr4uu:

و اشوف خدم الناس ماشاء الله عليهم لا حس ولا كلام

ومابي اصير نفس اهلي بالتعامل فيهم تسيب أحس ..


اللي ابيه منكم ( خاصة ربات البيوت ) شلون تتعاملون مع الخدم ؟

انا مابي اصير جااسية لأن الرسول قال عنهم ( اخوانكم خولكم ........... ) ... ولا ابي اصير متسااااهلة واتسيب بمعاملتهم ؟

و اول ما اجيبها شنو اقول لها ؟ شنو التعليمات اللي اعلمها ؟

وشلون اعرف انها حابة الشغل والا مو وجه شغل ؟

و هل جنسية الخادمة تحدد شخصيتها من حيث حبها للشغل ؟

امااااااانه لا تطنشوني لأني للاسف مجبوووووووووووووورة اجيبها حاليا بداوم ومو فاضية لبنتي للبيت :eh_s(2):

 

[الحسن كله]

والله يا أختي من باب تجربتي مع الخدم 11 سنه أقولج لاتتساهلين ولا تشدين يعني أهم شي لاتطقينها سوالف معاها ولا تتكلمين معاها بأي موضوع يخصها لأنه لا عطيتيها وجه بتصير هذره معاج ومع غيرج فهميها الشغل وسويلها جدول بنقاط وخليها تكتبه بلغتها وعلقيه على الثلاجه بمغناطيس عشان لانست تسوي شي قوليلها ليش مو مكتوب مني ..لاتصرخين عليها أبد بس عاتبيها وفهميها إن أهم شي عندج إنها ماتسولف مع أي أحد عنج وعن بيتج لاخدامات ولا للحريم .. ولاعصبتي وطلعتي من طورج تذكري إنها بعيده عن أهلها حرام ولولا الحاجه ماجت هني بتحنين عليها وماتصرخين
لا تخلينها تسولف مع السواق ولاتطرشينها لهم أبد ولاتطرشينها للجمعيه لأنها أساس الخراب وهمن لاتحبسينها لاطلعتي طلعيها معاج
إشتريلها ملابس للصيف وولشتا لاتقصرين معاها حرام وكل شهر أو شهرين إشتريلها كرت من فلوسج عشان تكلم أهلها حرام وهمن عشان تحب بنتج
شجعيها لاسوت شي إضافي على الجدول وهم لا شفتيها ملبسه بنتج ومنظفتها .. بس قبل كل شي لازم تورينها ملابس بنتج وتقوليلها شنو تلبسها ومتى وتورينها كريمات البنت وحفاظاتها وطريقة تسوية الحليب وشلون تعقم الرضاعات وشلون تمشطها وكل شي بالتفصيل .. وقوليها نبي هدوء ومابي صوتج يطلع بابا مايحب صوت الخدامات العالي .. وراقبيها من بعيد ..خليلها فترة راحه ولاتشدين عليها حيل
والله أنا قبل كنت أتساهل معاهم حيل ليمن خربو عندي واجد يامعا السايق يامعا الخمه اللي تصادفهم وهي رايحه جمعية الفرع ..
اللي مو وجه شغل يبين عليها بارده وبطيئه ولمن تنبهينها على غلط تكرره أكثر من مره ولا تتقبل أي نقد تعصب هذي ماتقعد عندي

وأهم شي تقرين دعاء الخادم الجديد
أتمنى أكون فدتج

 

[ام متلق]

رد : * مشكلتي طريقة التعامل مع الخدم * علموني شلون اتعامل ويـــاهم ؟

اهم اهم اهم نقطه مثل ماقالت الاخت الي قلبي لاتسولفين معاها لاطيح الميانه معااااج نهائيا تاكل وتشرب وتروح الطبيب وتنام وتاخذ معاشها وبس لاطيحين الميانه وياها تجي تسولفلج عن اهلها ومشاكلها ومع الايام تخلي الشغل وتجي تبسط عندج تهذر بتلاحظين مع مرور الوقت ان هيبتج طاحت وصارت هي المعزبه ترى ماينعطون وجه انتبهي من هالنقطه حيل وركزي على نقطة النوم اذا بتعطينها فترة قيلوله بعد الظهر تنام شوي يعني بالليل ماتنام بسرعه تقعد للساعه 11 ونص او 12 اذا نظامج ماتنام الظهر خلاص تنام على الساعه 10 يعني شوفي انتي شنو الي يريحج مو تديها نوم الظهر لين اخر ساعه بالعصر وهم تنام مبجر وانتي تبتلشين مثل طريقتي قبل لاطرشينها فرع او بقاله او جمعيه نهائيا لانها بتخترب 180 درجه راقبيها بدون ماتحس تأكدي انها تشتغل بضمير يعني احذفي قطعة كنيلكسه صغيره ورى طاوله معينه ولارديتي من الدوام شوفي مشيوله ولا بعدها مكانها وبتعرفين من جذي كفائتها بالشغل لاتسمحين لها ترفع صوتها لما تناقشينها او تنتقدينها بشغله معينه عوديها على النظافه يعني الصبح تسبح قبل تبلش بالشغل وبالليل قبل تنام تسبح وهالشي بشكل يومي واشتريلها ديودرن وبودر وشامبو وكل ادوات النظافه بحمامها وتبدل يوميا لاتهاونين بمسأله نظافتها لان الريحه عندهم بسرعه تفوح استغفر الله غرفة النوم حاولي انها مادشها نهائيا ومو صعبه لو نظفتيها انتي او تنظفها تحت اشرافج يعني خليها تحس وتفهم ان هالمكان ممنوع تتواجد فيه بروحها لاتعودينها اتابع مسلسلات وافلام ومدبلجات وخرابيط وتهد الشغل وتجابلهم مافي مانع ترفه عن نفسها مرتين بالاسبوع واطالع بوجودكم ومده قصيره بس لاتصير المسلسلات اهم شي بحياتها وتسوي الشغل بسرعه واي كلام بس عشان تلحق عليهم ترى انتي بتبتلشين والشي من واقع تجربه مريت فيها وتعلمت بالمقابل لاتقصرين فيها بالاكل والشرب والطبيب والملابس وتكلم اهلها مره بالاسبوع وتطلع معاكم بمشاويركم لاتخلينها بروحها وسلامتج

 

[mrs.perfect]

اسفدت وااايد من هالموضوع
يعطيكم العرفيه بنات
بس ما أأيد بشغله احط كلينكس ورا الغنفه واشوف اذا انشال ولا لأ
مرة بالاسبوع اجابلها بالشغل واوكز عالاماكن اللي موا تبين وبس

 

[حمام شاقني فنه]

لازم تشدين عليهم بامور الشغل بس وبالملابس ونظافتها وبخصصوص الجنسيه ئيه نعم الهند عمالتهم حيــــــــــل حيـــــــــل وصخين عندج النيبال والسيلانيات يهتمون وشغلهم حلو اما بخصوص المعاش حاولي تمسكين عنها المعاش شهرين ثلاثه وتعطينها لها دفعه وححده عقب بتستانس ومابتنحاش وووووووووووووووووو لاتسولفين معاها كلش بس اوامر الشغل وبس ترى الجدد صارو حيل خبيثات

 

[العنووووود]

صح كلامهم ونصيحه اذا كسرت شي او حرقت الاوتي لاتصرخيين عليها لانها بتحقد لا عاتبيها رفهميها نره ثانيه الطريقه الصحيحه بس اذا اهملت مثلا تقط القفاش مع الزباله صارت لي فهددتها اني اخصم من معاشها مو نذاله لها بس عشان تحسب الق حساب للاغراض وبعد بالنسبه للجنسيه انا ارتاح للسيلانيه احسها رحومه عالاطفال الفلبينيه احسها حالها من حالي وتحب الرياجيل والنيباليه وصخه باخلاقهاتعاملت مع وحده حطت راسها براسي وتخز رجلي وتخزز الرياجيل وتتدلع وتشرط واشكره حف حواجبها كل اسبوع والاتدوسيه اخاف منهم احسهم سحر والاثيوبيه احسها مجرمه ماامن اخااف الهنديه حلوه بعد من عمرنا واحنا نعرفهم

 

[فجر 1]

الله يعيج الاخوات ماقصروا ....

 

[dalo0oa121]

نفس ماقالوا البنات لاتقسين عليهم حرام هم ناس مثلنا وبعد
حطي روحج مكانهم ولاتقعدين تصارخين كلميهم بالهداوة

 

[❞ Cleoραtrα ❝]

انا اعاملهم بطيبه بس اذا في غلط اكلمهم بهدوء وبدون صرآخ , ,

وحتى خدامتنا سمت بنتها علي من كثر ماتحبني اتخيلوو ههههههه يوم عرفت انصدمتت لول ..

بس بالاخير هم ناسس مثلنا ولازم في تقدير واحترآم ,, كفايه انهم يتركون بلدهم وعيالهم وازواجهم ويتغربون

صدق الله يعينهم .. =)

 

[am faisal]

على كثر ما تعاملت مع خدم
لااااااااااااااااااااااااااااا
تقولون مايفيد الطيب معاهم
سايقنا مطوع ودين واخر شى طلع بايق لابتوب ولدى

 

[مياسه الحساسه]

التعامل الطيب
يعني تكلميها بلين .. وفنفس الوقت لا تطيحي الميانه مرره
خلك وسط
واعرفي ان بنتك بتكون في يدها ..فاتقي الله فيهاا عشان بنتك

 

[sunshine22]

شدي بالشغل
رخي بالتعامل و اللبس والاكل


يعني

اول شهرين اتعبي معاها تعب
انا كنت اسوي مساج لرجولي من كثر مااتعب مع الخدم

لاني وحده فيني مرض الدقه دقيقه حييييييييل انا مو شوي نظام امسح بصبعي ع الطاوله واشوف اذا في لو 1% غبار انهبل

ليما عرفت طبعي الخدامه

اذا الخدامه عرفت طبع معزبتها بتصير مثلها
=========================

الصوت العالي ممنوع لاني شقه

النزول لتحت ممنوع لاني عن عند حموله


النوم الظهر ممنوع لانه عندي اطفال ويحتاجون غسيل وسناك ومواعين الغدا ماتخلص وغسل المطبخ واوتي المدارس عندي 2 بالابتدائي

مافي مجال تنام الظهر


بس شغل البيت عندي يخلص ع الساعه 8 ونص
لانه عيالي يتعشون ع ال7 او 6 ونص

فتدخل الحمام تتسبح ع الساعه 9 الليل
تناام لين الساعه 6 الصبح تقعد تزهب حليب للمدارس ومن يروحون تستلم تنظيف الغرف والصاله والبيت كله





وبث سلامتج

عندي يوم بس بالاسبوع للتنظيف العميق

وهاليوم اطلع مع عيالي واخليها اليوم كله تنظف على راحتها اروح لاهلي من الصبح لليل

 

[هند الرشدان]

حبيبتي الخدم في وقتنا الحالي لاتدلعينهم ولاترخين معاهم وعالعموم ترى حظ حتي لوتعذبينهم

 

[M!SS.LOBY]

أختى خير الأمور أوسطها

 

[Patcholli]

موضوع مفيد وانا فعلا محتاجه خصوصا ان اغلب الخدم الي ايبهم كبار بالعمر وانا توني وشكلي صغير احس مالي هيبه عندهم

بنات ممكن اتفيدوني :

اتقولون اذا يت تسولف لاتخلينها اشلون ؟ احقرها ولا اجعمها ولا شنو يالليت توضيح هالنقطه ؟؟

وثاني شغله لما تغلط ..
خصوصا الفلبن ماينفع معاهم اي عقاب اي عقاب تسوينه تقولج ابي اروح المكتب ..!!

كان عندي خدامه حقيره كله نايمه عالتلفون وتمر جدامي والتلفون على اذنها وحت ماتطالعني
ويوم خذيته منها قالتلي بروح المكتب
رديته لها
مره طالعه من فير الله واطيح عليها توها داشه البيت زفيتها بسسسسسسسسسسسسس لا مديت ايدي ولا خصمت ولا هددت
جان تقول بروح المكتب
يعني شنو لا اصرخ ولا اخصم ولا اعاقب ؟؟

شلون اتعامل معاهم والله الفلبن خياس وايد يتفلسفون جنهم معزبات .!!!!!!!!!!!!!!!

اشلون اخليها تحبني وبنفس الوقت تحسبلي حساب وتخاف مني ؟؟

 

[في غيبتك راحه]

هالخدم مصيبه وشر لابد منه
كل نصائح البنات مطبقتها مع خدماتنا بس ماكو فايده فيها
بعض الخدم طبيعتها جذي كسوله والنظافة خرطي ولازم تصيرين ورآها
هذه نصيحه أن ماتسنعت رديها المكتب لاتبتلشين وياها
وبعضهم نظيفه وحريصه خلقه بس مطلوب منج تكونين حازمه وياها ماتهاونين

 

[منـــاي]

اذا شي ما ترضينه على نفسج لا ترضينه على الناس حتا لو خدامه هذا ابسط مبدأ ممكن تحطينه لنفسج*

 

[lebanon night]

دليل التعامل مع العمالة المنزلية

مرحبا
أرجو أن تتقبلي هديتيي وهي كتيب عن الطريقة الصحيحة للتعامل مع العمالة المنزلية مبني على قصة قريبتي

 

[zozo.7ob]

استقبليها استقبال حلو يعني لما تيجي اسالي عن حالها و جم عندها من اطفال و عمرها و جنسيتها كذا يعني ثاني شيء فهميها شغلها و لا تسولفين معاها باي شيء ما تضمنيها يمكن بلحظة تقلب عليج يعني خلي كلامج معاها خفيف مثل شلونج كيف حالج جذي و بنات انتي شخبارهم مع ابتسامة يعني خلي تعاملج وياها زين بس مو لدرجة تتساهلين وياها لان في بعض الخدامات يستغلون هذي الفرصة و انا احلى جنسية خدامة الهندية تكون طيبة و تشتغل جد و عامليها مثل خلق الرسول الي انت تطلبونه طلبي لها و اكليها من اكلمكم و حسسوها انها بشر شجعيها تسوي عملها زيين يعني قوليلها كل ما انت يسوي هذا زين انت ياخذ اجر كبير ولو كانت مو مسلمة قوليلها كل ما انت يسوي جذي انا يعطي انت مفاجاه بس تعطينها اخر الاسبوع يعني تقوليلها انت اشتغل زين هذا اسبوع و لو شفت شغل زين يجيب حق انت هدية و هيا اكيد بتشتغل بس مو تعودينها حيل على جذي طلا في بعض الخدامات يدرون انتي شقلتي بس يستعبطون فاذا استعبطت عليج قوليلها لو ما اشتغلتي انا ما يبي انت و اهيا راح تشنتغل و ناديها باسمها لما تبينها مع ابتسامة عشان تخلص العمل
و انصحج انتج تختبرينها يعني حطي كاميرا و خلي دينار عالمكتب و قوليلها نظفي مع ابتسامة و هذا اكثر شيء راح يوضح طريقة تعاملج مع الخدامة بس لا تتركيلها مفاتيح ولا شيء


و ياريت لما تيجي تقوليلننا بلدها و اسمها و عمرها و انا بعطيج نصايح اكثر

 

[PuPa^^SWeeT]

للاسف مطبقة كل هالامور



و مو نافع وياهم



الله يعينا بس