مشكلتي زوجي والسوق !!!

[Ranoon]

السلام عليكم ..

انا متزوجة من 9 شهـور تقريبا ..

مشكلتي مع زوجي السوق بـــــــــــــــس :bbbiu:

يعني لما اطلب منه ابي اروح السوق .. بشتري اغراض
ملابس شتوية ... وشوية ملابس داخليه ..
اغراض حق دوامي من مكتبة مثلا ..
بفصل عبايتين .. للدوام عباياتي تتوسخ بسرعه ..

في عرس بشتري نفنوف جاهز .... مع اكسسواراته
عاد زوجي يقول زين وليش .. نفنوف عرس ماعندج ملابس من قبل !!!!!!!!!
معقولة بلبس ملابس قديمة ...

اقوله ابي شوية اغراض للشتاء
يقولي ماعندج ببيتكم حق العام ...... !!!!!!!!

بفصل عبايتين للدوام
يقول كم عباية تشترين .. ماصارت !!!!!!!!

يعني كلللللللللش لقلت له السوق يحقق معاي
ونفسه كلش مايداني السوق !! ( كل رياجيل جذي بس نفس زوجي الله يعين ) !

ميخالف قلت له شسوي معقولة مراة ماتروح للسوق !!!!
وهذي حاجات ضرورية مو اغراض مالها معنى !

حتى بالعيد الفطر والأضحى .. لما قلت له بفصل حق العيد
وداني مكان كللللللللش ملابسهم
اكسسسسسسسسسسسسس ... بس عشان شوية قريب من البيت !
وماكنت ابي هالسوق اصلا بس عشانه
وفصلت دراعه عادية ورديت زعلانه ومتضايقه منه
وطبعا دراعه لبستها يوم انزل لحمولتي الايام العادية
مو بالعيد !

واذا قلت له متى نروح سوق
ومغير اهو يتذمر انا تعبان مريض مالي خلق .. :eh_s(4):

وقلت احسن ألبس من دراعاتي الي جهزتهم للعيد
بس شافوهم حمولتي ... وعادي ..

والمصيبة الكبرى ..

لما اروح للسوق ادخل محل وشريت شغله بسيطة
ولما اطلع .. عاد يبي يروح للسيارة
يقول ها خلصتي !!!!!!!!!!!!!
وتطوف ساعه يقول ماصارت ... !!!!!!!
لازم نرجع قبل آذان مغرب !

ياعمي مايصير جذي ..!!!
صل بالمسجد وانا اصلي بالبيت ونكمل سوق ونشتري
مرة وحده ....... يقول اوديج مرة ثانيه !!!!

يعني كللللللللللللش معاناة معاه بالسوق ... :rgewrg:

عكس ابوي واخواني صح انهم يذمرون
بس احسن منه بملييييييييييييييييييييييييييييييييييييون
ومو نفسه ...

ولما بشتري من مطعم هندي او بقالة يقول توج متغديه !!!
حرام عليك صراحه .. يعني ما اكل واحنا رادين !!!

اهو مشكلته .. ماعنده فلوس مرات
( انا ادفع من حسابي .. والحمدلله موظفة وعندي معاشي
اصرف لنفسي وامي واختي وابوي واساعد زوجي اذا طلب مني ) ..

بس عمره ما طلب مني ..

انا اشتري من حسابي وادفع والحمدلله
ومرات اهو يدفع اذا كان اغراض للبيت

باختصار روحتي معاه للسوق ...

لا اقدر اشتري عدل ولا اخلص بسببته
ومغير يتذمر على مشترياتي .. ومايعجبه العجب ..!

مو عارفه شسوي معاه .. صراحه ..

وانا ما ابي اروح مع اهلي حق شغلات ضرورية ابي اهو يوديني ..
وانا حاولت اتعلم اسوق بس للحين اخاف ..!

-----------------------------------

ما ادري جذي رياجيل
وألا في احسن وألعن من زوجي

علمووووووووووووووني .. !! :eh_s(2):

 

[خالتي قموش]

شي طبيعي
انا اافضل اتسوق مع خواتي او بروحي
احسن
ادور على راحتي
روحي بروحج
شلج بلحنة

 

[عمرها السعودية]

انا كذا اللي عندي يعجلني ومايعجبة العجب افضل اتسوق مع اهلي وخواتي افضضضضضل بكثيييير

 

[نونه المنكوشه]

لاتروحين معاه روحي مع خواتج وله امج او رفيجتج وريحي راسج

 

[جـوود الحب]

ياااعمري حسيت فيج يققهر يرررفع الظغظ يابنت الحلال ريحي راسج وروحي بروحج احسن واحسن

 

[البنت المحترمه]

انا فبداية زواجي وتمت هالمشكله سنه معاناة وخناقاتنا كلها على السوق بس اصبري ترا الولد مومتفهم شنو يعني ضروريات ولازم وسوالف الحريم على شوي شوي ليني راسه انتي روحي مع خواتك للفراره وتنقي على كيفك وخلي زوجك لاغراض البيت والاسواق احيانا لكن لاتقطعين رجله بالمره عن السوق غلط بكره بيجيكم عيال ولازم يروح معاك السوق ويدفع هو ويشوف الاسعار بعينه راح يقدر احتاجك لسوق بس اصبري شوي شوي انا حاليا افضل اروح لحالي واخذ راحتي بس اذا بتسوق البنتي ينزل معاي واذا اغراض بيت هو يوديني والموضوع لايخلو من التذمر ويالله خلصي وماصارت بس اطنش وكني مااسمع خخخخ

 

[البخت ضايع]

خليه يقطج ويروح .. ولا مع اهلج ...هذا احسن حليين

دام انج سقتي عزي نفسج وعودي عمرج تروحين تخلصين شغلج ومع التعود بيطير الخوف من السياقه وبترتاحيين

 

[الأميرة جوري]

روحي مع امج او خواتج ....

 

[oshi_q88]

روحي مع امج او خواتج او لحالش

 

[Um Tuki]

اذاكنتيمن النوع اللي تبي ريلهالاصقفيها على طول تحملي

دام تدرين مو مال سوق شماله تاخذينه معاج السوق

بوحي بروحج
خليه ينزلج و اذا خلصتي اتصلي او روحي مع ربعج او خواتج

الا الريل يعني

 

[PuPa^^SWeeT]

روحي مع اهلج


ولا خواتج


ولا بروحج


ولا صديقتج


حسب المسموح

 

[رقـة الاحسـآس]

جوفي يا قلبي
المشتريات اللي هي حق البيت من سوبرماركت و غيره روحي معاه
بس السوالف الثانيه ملابس و مكياج و غيره روحي مع صديقاتج او خواتج واايد اريح لج
الرياييل مالهم بارض عالتشري كثرنا نحن لو نروح كل يوم عادي هههههههههه

 

[ام دليار]

الله يعينك
خلي امك تشتريلك

 

[om . alzeen]

عادي خلج ريلاكس كل الرجال بهالفتره من الزواج عسرييين وصعبين انا مثلج ماكملت للحين سنه من زواجي وزوجي متعبني بسالفة السوق يعني مايقول لا يوديني بس لما اشتري يحااسبني بالسعر

مثال : دشيت محل معين وطلع لحساب 50 يقولي ترا بقالج 150 ومافييييييييي شي لين الشهر الجاي
والعيد وداني بس شريت بدله وتوني عروس اول عيد لي عندهم قلتله ابي جنطه واكسسوار وملفع وجوتي اهلي معوديني كسوت العيد جذي تكون كامله مو بدله والله ماخلاني قالي بدله وبس الباجي لبسي الي عندج دبري روحج

بس طوفتها لانه هذي الحياه لازم بالمسايسه ولازم احد يطووف

 

[امـ خــزامـى]

ياقلبي هونيها وتهوووووووووون كلهم نفس الحال مايحبون الاسواق ويحسون ان اشياء مالها داعي

انت اذا تبين تدورين بالسوق وتشوفين وش الحلو وتختارين بهالحاله روحي مع خواتك
اما اذا تبين محل معين وشغله معينه عارفتها بالضبط وين مكانها روحي معاه

 

[Miss Eteket]

روحي مع اهلج احسن ..~

 

[om MaRyooM]

عادي وايد رياييل جذي

ولازم تعرفين تتصرفين معاه


اول شي

طلعه للسوق لاتروحين معاه ! روحي مع احد ثاني


والشغله الثانية مو مهم تقوليله شنو تبين من السوق ومبررات ومليون شغله

بس قوليله ابي مبلغ فلاني محتاجة اروح للسوق



وعلىة قولة اخواتنا المصريات
ابنك على ماتربيه وجوزك على ماتعوديه !


عرفتي

 

[قطوووة]

ألله يعينج

 

[bobo lover]

اف حتى انا اكره اروح معاه للسوق
ما اعرف اختار واحس اني قاعده على اعصابي
بس لا تعطينه مجال ما يوديج
اضغطي عليه وبلغيه قبلها بفترة
وبالمقابل اطلعي مع امج وخواتج

 

[Vous jamais]

عادي كل الرياييل جذي ما يحبون الفرارة

روحي بروحج او مع خواتج و صديقاتج