مشكلتي زميلتي بالمكتب نقذوني من حسدها

[ilovemyself]

بسم الله ابدي
بنات تكفون اللي عندها حل حق هالمينونه تنقذني وجزاها على رب العالمين
المشكله ومافيها زميلتي بالعمل انا كنت اب اجازة امومه وتوني راده من الاجازه وسلمت عليها عادي وقعدت معاها واسولف مابقلبي شي حتى ماعتبتها عشان ماقدرتني ولا يتني بولادتي ولا حتى تحمدت لي بالسلامة بالتلفون المهم قبل جم يوم كنت بالمكتب واهيا كالعاده تلف من قسم لي قسم ولي قعدت معاي دايما تسوي صوت خروف حمدالله والشكر تطنز علي عشان انا بدويه ومشكلتها اني مخلصه اب شغلي وكله على المكتب ومساولتي اذا يت تلاقيني دايما عالمكتب واذا دقت دايما ارد عاد ذاك اليوم قامت تبجي وتصايح تقول حق مسؤلتنا ليش تناديني من العيد ميلاد عندج هذي عني انا بدال ماتتكلم بالموبايل كلميهامع اني الحمدالله قايمه اب شغلي اللي مسؤلتي تعطيني اياه وخلصت شغل مو ملزومه اسوي شغلها وعقبها انفجرت قلت لها انتي هي عن منو التكلمين وجذيه وعقبها داومت وصكيت عنها الجام ولا احاجيها والمصيبه قاعده تسوي حركات تبي تستفزني وتقط نقزات شسوي شالحل معاها

 

[جوك احلى جو]

خل مره تكونو قاعدين كلكم وعطيها ذيج النقزه قولي الكل عند لسان بس تربيتي ماتسمح لي ارد علي ناس هيلق عشان مانزل لمستواهم


صدقيني بتموت قهر

 

[NooR ElDenya]

خلي الجام دايما مصكوك وختولي عنج ولاتبط جبدج ولاشي
ودايما اقري على نفسج وحصني نفسج بالاذكار

 

[ilovemyself]

رد : مشكلتي زميلتي بالمكتب نقذوني من حسدها

جزاكم الله خير الجزاء على الرد والله العظيم لدرجت اني فكرت انقل او اقدم استقاله بس انا وزوجي محتاجين المعاش

 

[حياتي تكنولوجيا]

رد : مشكلتي زميلتي بالمكتب نقذوني من حسدها

حياااااااااااتي انتي ولا يهمج وخلي راسج مرفووووووع فوق يا بنت الاصل والفصل بس اهم شي 1- لا تردين عليها كلللللللش
2-اشتغلي على نفسج بالاستغفار
3-تصدقي على الخدم بدوامج
4-لا تقطين نغزات ترى شكلها راعية قيل وقال وبعدين تقلب السالفه عليج
5-خلي علاقتج بمسؤولتج قووووووووويه والتزمي بشغلج
6-لا تصدقينها بكل شي يعني ديري بالج منها لا تسوي فيج مقلب

الله يكفيج شرها يارب
الله يجعل كيدها في نحرها
الله يسخرلج اطيب خلقه
آآآآآآآآآآآآآآآمين يارب​

 

[بـرونزيـه]

لا لا شنو من صجج انتي تخلين شغلج عشان نعجه حشاكم وشفيهم البدو تاج راسها الزباله حبيبتي ماعليج منها لايضر السسسحاب ( _________ ) اكملي الفراغ لان خلص حبري ( هع )

 

[ilovemyself]

رد : مشكلتي زميلتي بالمكتب نقذوني من حسدها

جزاكم الله خير كلامكم اثلج صدري والله ومثل ما قلتولي راح احقرها وعسى الله لا يوريكم اللي انا فيه يا رب

 

[رمشْ الحَيآ]

اهم شي علاقتج بربج قبل كل شي بعدين علاقتج بنفسج ثم علاقتج بمسؤولج شغلج تسوينه منظم مرتب تعاوني مع الكل بحدود امكانياتج و مو على حساب اولوياتج و يقولج اذا بتقهرين حاسدج ابتسميله *

 

[نفهمها صح]

رد : مشكلتي زميلتي بالمكتب نقذوني من حسدها

خليها تحرق بعمرها وطنشيها طلعي بزينه وخليها بشينه
وعن حركاتها صووت الخرووف هذا دل علي عقلها صغيير

 

[Stay alive]

الحمدلله والشكر مو صاحيه

هذي عقلها صغير خليها تولي وماعليج منها ماكو احسن من التطنيش وخل تموت حررره

 

[Gipsy Queen]

لاحول ولا قوة الا بالله العلي العظيم
سوي اللي عليج
وعطيها طاف


قوي نفسج و لاتسوين شغلها ,,,,
حقريها خل تولي

 

[سمو ذاااتي]

رد : مشكلتي زميلتي بالمكتب نقذوني من حسدها

الله يعينج علي هلعاهه ،،،

طنشيهااا ثم طنشيهااا وهم طنشيها جنه مو جوده وعيشي يومج وطااااف تولي هالمربضه طلعج من شغلج

 

[وردة-الكويت]

هي لمن تقلد صوت الخروف لان هي نعجه الحمدالله وشكر والمفروض انتي ماتسوين عنها شغلها خلي شغلها مكود وخل تلهى في شغلها وخليها تبع بع مني لي باجر والبدو تاج راسها هذي من حرتها من البدو

 

[قطوه دايخه]

رد : مشكلتي زميلتي بالمكتب نقذوني من حسدها

نفس العاهه اللي عندي حاطه دوبها دوووبي واهي مره ام عيال وفيها حسد وحقد وغيره الحمدلله والشكر يارب ..

 

[what's up]

ههههههههههههههههههههههه هذي شكبر عقلها اهم شي انها تبنبع هههههههههههههههه
الحقرااان يقطع المصران حقريها و اهيا ما سوت هالسوالف الا لانها محتررررررررره منج
و اذا قعدت تنقز بتسمي عشان تنقهر و تنبط جبدها
و لا تستقيلين ولا شي

 

[*** كويتيه ***]

ماعليج منها وطنشيها ولا كأنها موجوده وخلي علاقتج مع المسئوله جيده وسوي شغلج اللي مكلفه فيه بس لاتسوين شغل احد
وذكرتيني بوحده كانت معاي بالدوام جذيه اسلوبها مع البعض وكانوا يردون عليها وكانت تضحك وتستانس عليهم وانا مطنشتها ولا كأنها موجوده واهي مااااااااااتت من الحره وصارت بس تبي قربي وصداقتي وتحسفت علي اللي تسويه تأدبت حبيبتي هالاشكال ماينفع معاهم الا الحقران ولاتنسين انج ماجوره بأذن الله صبري وطنشي وربج راح يأدبها ولاتنسين انها عطتج من حسناتها انتي اللي كسبانه واهي الخسرانه واذا مو قادره اتحملينها حاولي تنقلين من هالمكان والله يكافيج شر اللي عقولهم صغيره
​

 

[جوجي المحبوبه]

شوفي قلبي
شكل مسؤلتج تمدح فيج عندها وثارت الغيره فيها
انصحج
حصني نفسج وطنشيها وقومي بواجباتج
ودي اعرف بس اهي متزوجه وولالا ن اذا مو متزوجه هذا سبب اخر للغيره
وهالعالم جذي ماتحب الناس المخلصين عبالها كل الناس مثلها
اصبري هذا حال الدنيا محد مرتاح لا بشغله ولا ببيته
احتسبي الاجر
واهم شي مستقبلج وحياتج
ولو تطلبين نقل يكون افضل
مدامها معاج راح تختلفون اكثر
هذي شكلها حسود الله يكفيك شرها

 

[اخت خالتهم]

مـا احب هالنوعيـه
واسلوبي معاها الحقـران و جني مو فاهمتهـا عشان تحتر أكثـر

 

[نادره في وجودها]

اخذيها على قد عقلها مو صاحيه ومسكينه

اهي لو فيها خير ما قلدت صوت حيوان وهي بالاصل تعرف نفسها شنو

لا تردين عليها

 

[منار البربرية]

رد : مشكلتي زميلتي بالمكتب نقذوني من حسدها

هذي قليلة أدب حقيرة ليش تسوي جذي
وين قاعدين تقلد صوت خروف الأخت حمص وحلاوة ؟؟؟
كسري عينها بأخلاقج ولا تنزلين من نفسج لها هذي وحده فاضية معقده

اسمه مقر عمل ؟؟يعني تشتغل وتاخذ راتبها وتنقلع بيتهم
والله صج ما تعرفين قدر الناس ولا اخلاق الناس الا اذا اشتغلتي معاهم بالذات الحريم
غيرة وحسد الله المستعان
كلن يحفر للثاني

حسبي الله ونعم الوكيل فيها

قوليلها بوجهها والله يخسف فيها
انشالله ​