~ مسا الخير ~
انا صارلي مالجة شهر و نص تقريبا
مشكلتي يمكن تقولون تافهه بالنسبة حق باقي المشاكل
بس والله إني حايره و مضايقه حيل
مادري اللي أحس فيه طبيعي ولا لا ؟
بنات مرات أحس اني مابي ريلي ومرات أقول جان زين قبلت بفلان او علان " اللي كانو خاطبيني قبل "
بعدين اتعوذ من ابليس اقول هذا كله من الشيطان يوم شافني بديت أتعود عليه قام إييب لي هالافكار
مشكلتي الثانيه معاه ..
أهو كريم و يده سخيه بس مرات أحسه يحاسب على الفلس و عادي يشتري شي تقليد
وانا مو متعوده جذي .. هلي ما يخلون بخاطري شي
مشكلتي الثالثه و الأهم .. إنه مدين
وانا بعد ملتزمه بس مو متشدده
النقطة الثالثة .. ما يبيني اشوف اخوانه اللي اصغر منه على ابو انه يغار و آمنا بالله
النقطة الرابعة .. مرات يدزلي كتيبات صغيره إنه كل انواع النقاب حرام و انه البنطرون حرام و انه العبايه اللي فيه تطريز حرام
شنو هذا !! و يلمح لي انه حتى لو اخذني العمره او الحج يبيني أغطي ويهي !!
شكوو ..
و الشي الخامس انه طول الوقت مجابلني .. يا نطلع نتمشى بالسياره و لا كلش كلش بالبيت هلي ما صرت اقعد وياهم و اختي قامت تتضايق بعد قلبي تقولي مااشووفج ولا اسولف وياج
ودي أقعد اتناقش وياه عن هالنقاط بس مو عارفه شلون أبدي .. و اخاف يزعل او يحط بخاطره
شورو علي شسوي : (
اولا ان تشترين تقليد ولا ماركة ما اعتبرها مشكلة في الوقت الي تبين تشترين تنقشي معاه
وانتي موظفة عندج معاشج شتري الي تبين
ثانيا : النقاب فرض ما عليج من البنات الي يقولون ما في نص يثبت النقاب في وايد نصوص بالعكس ما في نصوص تثبت ان النقاب مو واجب
http://www.youtube.com/watch?v=UFKfwMkID3I
والنقاب السير ما تلبسينة في الحج بس لازم تغطين ويهج مثل البوشية الخفيفة علي ويهج
الرجل ما يلبس المخيط في الحج يعني يمشي مفصخ !!!
السؤال :
هل يجوز للمرأة أن تغطي وجهها وكفيها بقفازين عندما تذهب للحج أو للعمرة وهي بذلك ليست مكرهة بل إن وليها أعطاها حرية الخيار بين أن تكشف أو تغطي وجهها؟ أفيدونا جزاكم الله خيراً.
الجواب :
المرأة في الإحرام ليس لها أن تغطي وجهها بالنقاب أو بالبرقع وليس لها أن تلبس القفازين في اليدين؛ لأن النبي صلى الله عليه وسلم نهى عن ذلك فقال عليه الصلاة والسلام في الحديث الصحيح فيما يلبس المحرم: ((
ولا تنتقب المرأة ولا تلبس القفازين))[1]، يعني في الإحرام
ولكنها تغطي وجهها وكفيها بغير ذلك من خمار ونحوه بجلبابها أو عباءتها أو نحو ذلك، أما النقاب وهو ما يصنع للوجه فإنها لا تلبسه المحرمة لا في العمرة ولا في الحج، قالت عائشة رضي الله عنها: (
كنا مع النبي صلى الله عليه وسلم في حجة الوداع، وكنا إذا دنا منا الركبان سدلت إحدانا خمارها من على رأسها على وجهها فإذا بعدوا كشفنا)، فالمرأة تفعل هكذا إذا قرب منها رجال تغطي وجهها بخمار ونحوه، لا بنقاب مصنوع للوجه ولا تغطي يديها بقفازين ولكن بغيرهما، وهكذا الرجل المحرم لا يغطي وجهه ولا يغطي رأسه بالعمامة ونحوها، ولكن يغطي يديه بغير قفازين عند الحاجة، فلو غطى يديه بالرداء أو بالإزار أو بشيء آخر فلا بأس بذلك، والمرأة كذلك.
الشيخ عبدالعزيز بن باز رحمه الله
http://www.binbaz.org.sa/index.php?pg=mat&type=fatawa&id=3728
العباية المزينة في الشارع جدام الرياجيل ما يجوز لانه الحجاب ليس زينة في نفسه بس اذا عباية مطرزه جدام الحريم ما أشوف فيها شي مثل الثوب
حكم العباية المطرزة - بن عثيمين
http://www.islamway.com/?iw_s=Fatawa&iw_a=view&fatwa_id=16741
حكم بنطلون
http://www.youtube.com/watch?v=T4SBUnwgjHg&feature=related
اللة يوفقج
بالعكس الرجل الملتزم أحسن يعينج علي الطاعة وتري الدنيا رايحة جم بنعيش 30 سنة 40 او 50 بعدها بنموت
وكافي قصص الخيانة هني
حمدي ربج اختي وحافظي علي ريلج
