مشكلتي بعيوووني ( ابي رايكم )

[عاشقة سامي يوسف]

السلام عليكم


بنات بقوولكم شي خاص فيني و بااط جبدي بعد
انا بطبعي اذا احد تكلم اطالع عيونه و ما وخرها يعني اكون مركزه معاه و مايهمني ريال و لا مراا
و هاذي مسببه لي احراج خصوصا بالجامعة مع الدكاتره فشلة و اذا وخرت عيني عرفي اني مو مركزه و سرحانه بس ما قدرت هاذي جزء من شخصيتي ،، و مسويتلي ازمه ،، المشكله ان حتى سكرتير الدكتور قعد يخزني و مستانس علي و انا حدي كنت معصبه و ظليت اكلمه و انا عيني بعينه ماقدر اوخرهم '،، انا مابي الناس تاخذ عني فكره غلط لان بعظهم يعتبرونها وقاحه بس انا مو جذي ...؟؟؟!!! ابي رايكم

 

[جوانا2010]

حبيبتي حاولي تغيرين هالطبع حرام تركزين بعيون رجل غريب وانتي تكلمينه
وتطولي النظر فيه ........
((الحياء شعبه من شعب الايمان))

 

[Şhώasha . . ~]

صراحه هذي تنفع اذا تبين تزفيين احد
بس والله مامر علي كلش هالنوع
وحلو بعد اذا تيتي بتقدمين شي ولا بتعرضين وجهة نظر
تخلين الواحد يقتنع مرت علي ناس من هالنوع اذكر وحده سات
تقدم لنا بوربوينت و عينها بعيون البنات ماتوخرها بس هذي الوحيده
اللي مرت علي ... والله لو اقدر جان عطيتج حل بس مادري !!
حاولي تعودين نفسج ...

 

[برستيجي مآركة]

ذكرتيني بأبلة الادب يوم كنت بثالث ثانوي كانت تركز ع الوحدة ولاتوخر عينها وهي تشرح وكنت انا دايم الضحية كله تخزني واستحي منها وانزل راسي من الاحراج>>قصة حياتها هع هع
حبيبتي احب اقولك حاولي تعودين نفسك انك ماتركزين بالنظر خاصة الرجال اولا حرام وثانيا الفكرة الغلط اللي راح تنطبع عنك من قبلهم حطي هالشي ببالك وتذكريه دايم عشان تنزلين عيونك صحيح جزء من شخصيتك بس في اموار في شخصيتنا لابد نتخلى عنها اذا شفنا من وراها غلط انا عكسك مااحب اركز احس عيوني تحول وانا اطالع بالشخص
ثرثرت واجد عذرا ع اطالتي..

 

[احبك ليش؟]

عيب احس تطالعين ريال جذي عودي نفسج توخرين عن هالطبع و اول مره اسمع جذي الصراحه

 

[đeɱɛɼɑ™]

:
.
بِ العكس ما اشوف هَ الشغلة مُشكلة بِ قدر ما اهي شي حِلو ويدل على قوة شخصيتِج
اللي متخوِف من اللي جِدامَه اهو اللي ينزل عُيونه ويخاف يواجهه اللي جباله
بَسسسسسسس هم لِ كل شي حُدود يعني هذا السكرتير تفكيرَه خايِسسس فَ انتي نزلي راسِج بِ كل اريحية كل ما تكلمتي وياه ما يبيلهَا شي ترى مرة مرتين ثَلاث خلاص تعودين نفسسِج على هَ العادَة خاصة مع الناس اللي تفكيرهُم مووش ولا بُد ​

 

[ber00]

الحل وانتى فى البيت ويا اهلك اجلسي سولفي وحاولي وانتى تتكلمين ماتركزين فى عيونهم وخلي تركيزك يجي من عقلك مو انك تناظرين فى الشخص الى امامك واستعيني بالله اولا واخيرا

ترى كلش مو حلوة تناظرين فى الشخص الى امامك طول الوقت حتى لو كانت بنيه مثلك

 

[~.ąvȍƈaȚ.~]

انا احس هالشي طبيعي


و انا نفس حالتج

اما البنات اللي يقولون قلة ادب امبيه نو كومنت !! هذا مجرد طبع و تعود لا اكثر و لا اقل

انا اعتبره نوع من احترام اللي جدامي لأن لما ابي اكلم احد احب يطالعني و لي ما طالعني احسه قلة احترام و مو من آداب الحديث

و النظرة الموزينه تبين من النظرة العادية

عمره محد ظن فيني ذاك الظن !!


و اذا حسيت ان نظرتي وايد حادة او شي اسوي روحي اكتب أو اطالع اظافري و ارد مره ثانية تلقين الطرف الثاني نفس الشي يكسر نظرته شوي


و بس ما عندي حل لأني نفس حالتج

 

[بدورة القمورة]

حولي تغيرين طبعج

 

[{الرمش الخجول.!]

اولا حبيبتي النبي عليه الصلاة والسلام كان يطالع الي يتكلم وجها لوجه ومايصد احتراما للي يكلمه
انتي اذا شفتي الموقف تكرر مع السكرتير ولاغيره انهم يستانسون رفعي حاجبج يعني خير !!!
بجذي بيوقفون
وبالنسبه للي قالوا قله ادب اقولهم يامحاسن اللفظ والله والله يعينكم على نفسكم

 

[دنيا الصدمات]

امبييييي مثلي بالضبط
اذا اشيل عيووني انتبهاي يتشتت وعادي يعيدون الحجي الف مره ويالله يالله افهم

نفووض امرنا ل الله شنو انسووي
وعلى فكره الحركه عندنا عيب مادري ليش
مع انها تدل على قوة الشخصيه​