مشكلتي بالدوره .. ريحوني

[الطانيه]

بنات انا دورتي شبه منتظه

بس عندي مشكله .. اثناء الدوره ينزل دم (( تكرمون )) لمدة يومين بس (( اليوم الثاني والثالث )) وسمعت بنات

يقولون مو زين معناته علامات ضعف التبويض ..وماتقدرين تحملين بالمستقبل >> الحين انا بنت مو متزوجه بسس ع وشك

زواج

بنات طمنوني .. علمآآ بان كمية الدم بهــ اليومين زينه مو شويه .. وانا قبل ماكنت جذي كنت عال العال بس مدري شصار

بليز بنات طمنوني

 

[برنسيسة الشمال]

عادي حبوبه ماله شغل انا امي دورتها يومين من الله خلقها

وبعدين بكتب الفقه مكتوب اقل طهر للمرأة يوم وليله

يعني لو مافي حريم جذي ماحطو الاحتمال؟

 

[! ماركة مسجلة !]

التبويض ماله علاقة بالمدة الزمنية للدوره

بس اهم شي ان الوحده تحافظ على نفسها بهالفترة
يعني المشروبات البارده والغازية ممنوووووعه
و تشربين مطبوخة (مجموعة اعشاب معروفه عند الحريم الكبار)
بما ان دورتج منتظمة تطمني ولا تحاتين
هذا اهم عامل لسلامة التبويض...

 

[Johnson]

ويييييييي خرعتيني انا نفسج بس 3 ايام مو يومين :| ...؟

 

[يوآش يوآش]

ماعندي فكره : )

 

[الطانيه]

اشوه ردودكم تريح الواحد

تسسسلمووووون

 

[law love]

شوفي عشان تتطمنين سوي تحليل هرمونات وسئلي دكتور بس عااادي ناس 5 ايام وناس8 اكيد فيه3

 

[توفـــا]

علي ما اعتقد كل وحده وطبيعه جسمها يعني تفرق من وحده لي وحده لا تحاتين ماكو الا كل خير انا رفيجتي 4 ايام بس وكاهي ماشاءلله تزوجت والحين حامل الحمدلله واذا كنتي خايفه استشيري دكتورة عشان تتطمنين احسن لج

 

[شندوخه]

لااااااااا حبيبتي جذب
ذاك اليوم شفت في برنامج ذا داكترز اللي ينعرض عالام بي سي
وحده دورتها نفس دورتج
قالولها بالعكس هذي الدوره الصحيه والصح لان تدل انه المبايض سليمه

 

[ترف 111]

حبيبتي انا دورتي 3 ايام وعادي