مشكلتي بالحياة .. ماعندي عزيمة و دايم اتردد

[t0o0fa]

صباح / مسـا الخيـرر

شلونكم يا كويتيات

انا عندي مشكلتين متعبيني نفسيااا ..

الاولى / ماعندي عزيمة كلش

عندي اهداف و طموح و احطط خطط و جداول للتنفيذ لكن ولا شي من هذا يتحقق

شلون ارفع همتي و اعزم على تحقيق اهدافي ؟؟

و الثانية / التردد بكل شي .. ابسطها اللبس و اختيار الملابس لييي اتخاذ القرارات

و هالشي مأثر علي وايد بحياتي الزوجية و في بيتي

خصوصا ان الريال بدا يلاحظ هالشي علي و ينقد .. يحب مرته تشاركه الراي و تجدم و تأخر و تسنع البيت على اصول و هالمجال ما يسمح بتكرار الاخطاء .. و للأسف انها تتكرر بسبب التردد

ارجوكم ساعدوني عطوني حلول ..​

 

[Tom ♥ Jerry]

,



ينقل للحياه الزوجيه
عشان المتزوجآت يفيدونج آكثر :*

 

[فوفو22]

اول الحلول

انك عرفتي مشكلتك وتم تحديدها بالتردد باتخاذ القرارات

2- الاخطاء المتكرره بنفس الاسلوب ونفس الخطوات مع انتظار نتايج مختلفه اسمحي لي هذا اسمه غباااء مع احترامي لج

3- يجب ان تسترجعي ثقتك بنفسك حتى تتمكني من اتخاذ القرار وذلك بتكرار جمله انا اثق بنفسي - انا على قدر المسئوليه -انا استطبع تغيير تعديل ذلك

4- اذا في موضوع ..... له 3 حلول او اكثر......فكري باللي يكون قريب من قلبك وعقلك مع استشاره رب الاسره واعطاءه اسباب اختيارك

مثال اخترتي اثاث معين من محل معين

الاجابه تكون للزوج

اخترت هالاثاث لجودته او سعره مناسب لامكانياتنا او الالوان حلوه مو جربناها او ماشيه على الستاير

واذا عندج امثله على التردد ممكن اساعدج فيها

فوفو

 

[نماين]

ما قصرت فوفو
وتاييدا لها اذكر احد المختصين قال انه المتردد خاصة فليختار اقرب الحلول لقلبه لانه بكل الاحوال سوف يقلق ان اختار او لم يختار

 

[iLLuMinaTion]

الله يعين

 

[popa]

انا كنت نفسج بس الحين غير اي شي تبين تختارينه اختاريه وعشان ماتتحسفين عليه قولي هذه ذوقي وهذه اختياري وانا ابي جذي وبصر على هالراي كيفي عاجبني

 

[t0o0fa]

يعني مثلا اكون طالعه و حاجتي بالمكان الفلاني تلاقيني اروح هالمحل و الي بعده و اشتري اشياء اكتشف بالنهاية اني مو بحاجتها

عشان جذي قمت اتخوف قبل لا اطلع اقول اروح هالمكان ولا لاء .. و اقعد فتره افكررر

​

 

[قنــــــــــوت]

امر بهالحاله .. كثيرررررر ....

وكلام فوفو عجبني .... اذا عرفتي مشكلتج عدل ... هذا نص المشكله انحل ..

الباقي عليج ..

تنظيم الافكار ... استخدمي ورقة وقلم ... قولي ابي هذا .. وماابي هذا

وحاولي تلتزمين فيها حرفيا ...

..

انا ..لأني امر بهالحاله احيانا ... صرت اقرا في هالمجال كثير ... ولقيت افكار ممتازه خصوصا في المواقع الاجنبية ..

عن تنظيم الأفكار والتخطيط ....

 

[فوفو22]

يعني مثلا اكون طالعه و حاجتي بالمكان الفلاني تلاقيني اروح هالمحل و الي بعده و اشتري اشياء اكتشف بالنهاية اني مو بحاجتها ​

عشان جذي قمت اتخوف قبل لا اطلع اقول اروح هالمكان ولا لاء .. و اقعد فتره افكررر ​

هذا ماله علاقه بالتردد
وتصير وايد معاااااي ....انوي شراء شي واشوف اشياء احلى واشتريها


فوفو

 

[بولندية]

البنات كفوو وفوو

 

[كارلوفي فاري]

مرينا بكثيير مواقف خلتنا نتردد. بس لازم اقرر لانه بكل الحلات القلق موجود سواء اخترت اولا. بس ادرسي الحلول واختاري الاقل فشل بنظرج

 

[كلآم نواعم]

انا عندي هالمشكله و احاول اعالجها بس كل مره افشل بس بدايه حلوه انج تبدين بالسوق

تكتبين كل طلبتج بورقه وتنفذين الي بالورقه بس ولآ تشترين شي زياده بهشي بيخلي عزيمتج تصير قويه كل مره

لآنج متمسكه برايج وثابته على انج بتسوين شي معين هشي بيخليج قويه وتقدرين اتكملين مشوارج وتنفذين كل خططج بنجاح

 

[t0o0fa]

كلااامكم ذهب .. مشكووورين يا بنات

اول شغلة راح اسويها اخصص لي نوته حق الاشياء اللي بخطط لها سواء يومية او اسبوعية

و ثاني شي راح احط تك على اللي انجزته

و ثالث شي اقيم نفسي نهاية كل اسبوع

يـارب تقوي عزيمتي و ارادتي .. و ان شاء الله اذا نجحت هالاسبوع راح اكتبلكم شسويت

​

 

[Gifts&Occaions]

مع فوفو