مشكلتي اني مو عارفه شبي بالضبط ؟؟؟؟؟؟؟؟ احس عندي عقده من شنو ؟ مو عارفه؟

[najla86]

مرحبا كويتيات

انا تعمدت اكتب بهالقسم مشكلتي لانكم اكثر ناس عارفين قيمة العيال ومتشوقين لهم

بنات انا الحين متزوجه للمره الثانيه وقبل جم شهر حملت وماثبت حملي على طول نزفت ورااااااااااااح ولله الحمد

المشكله بنات انه بزواجي الاول سقطت ولا راجعت وكان بنفس التوقيت انزف عقب موعد الدوره بعشر ايام

بس الفرق انه بعرسي الاول ما حللت وتاكدت اني حامل بس تاخرت علي الدوره10 ايام ونزفت وااااااااااااااااااااااااااااااجد وكتل دم تخرع

فما قلت لاحد ولا رحت المستشفى وعقبها تطلقت والحمدلله

اما قبل جم شهر حللت وطلعت حامل وعقبها بعشر ايام نزفت كان هالكلام برمضان










بنات المشكله بشنو ؟؟؟؟؟

المشكله فيني

انه لما حللت وعرفت اني حامل جتني حاله تخوف متوتره وخايفه وكله اشتغل وانظف وصرت وسواسيه بدال لا اريح عمري لااااااااااااااااااااااااااااااااااااااااااا

قعدت اكرف كراااااااااااااااااف مو طبيعي

مدري شفيني الللي يشوفني يقول متعمده تطيح

عشان اكون صريحه اكثر انا مريت بمشكله مع زوجي وكنا جدا متهورين كنت بكبر السالفه وبروح لبيت اهلي بس الحمدلله عدت على خير



عقب ماطيحت اخذت حبوب مانع لمدة 3 شهور عشان اعرفه عدل والحين هديتها امي حلفت علي وكانت عيونها مغورقه قلتلها شفيج تقول قلبي معورني عليج

طلبتني ولما شفتها متاثره قلتلها اصلا انا كنت ناويه اهدها وخلاص صج هديتها

بس بنات ردت الحاله مره ثانيه اخاااااااااااااااااااااااااااااااف احمل

اخاف خلاص ارتبط فيه للابد احس توني ماعرفته ابي اقعد سنه جذي من دون حمل

بس اهو ؤفففففففففففففففففففففففففففففففففففف متنح يبي الحمل باقصى سرعه ممكنه


حتى بنات بدى يلاحظ يقولي اول مره اشوف وحده مو مشتهيه تحمل وتجيب عيال مع اني بعمري ماتكلمت بس مبييييييييييين علي


الله يهديني

بنات ابيكم تفهموني

1- شنو هالحاله الغير مريحه اللي امر فيها ولا عادي طبيعي ؟ عشان وقت الدوره ولا تكون بداية نساة ولا شنوووووووووووووووووووووووو؟؟؟؟؟؟؟؟؟؟؟؟؟

2- هل لازم تراجع الوحده عقب ما تطيح مادري تسقط؟ مع انه ما سقطت الا بالشهر الاول ؟

3- خطر علي اني مسقطه مرتين بالشهر الاول ولا عادي ؟؟


انطركم خواتي


اللي ماعندها حل خل ترفع الموضوع الله يرفع مقداركم

 

[عذآب إلـ أنآ]

حبيبتي اول شي وعسى ان تكرهو شيئآ وهو خير لكم ،
والشي الثاني لازم تقولين اللهم آجرني في مصيبتي وارزقني خيرا منها .
بالنسبه لازم تراجعين دكتوره اي لازم تفحصج وتشوف ،
وتسوين تحاليل حقج شامله عشان تعرفين سبب الاجهاض ،
بس حطي ببآلج شغله في حريم يناقزون وفي حريم يطيحون من اعلا طابق وفي حريم يسافرون ويروحون ويردون وغير الكعب والرقص والبلاوي وفوق هذا سبحانه الله مايطيح اللي في بطنهم ،
آنا نفسج حصلي اجهاضين في الشهر الاول وحيل متضايقه ناطره نتايج تحاليلي وان شاءالله ماكو الا الخير ،

وبالنسبه لحد الحين ماعرفتي زوجج وودج تنطرين خلاص نطرتي واجد معقوله ماعرفتيه ؟
ترا 3 اشهر تكفي إنج عرفتيه وبس ارضي بقسمة ربج ..
ترا اهو متوتر الحين لان حاط بباله افكار انج ماتبين منه عيال بس مع الحمال راح يتغير ويزيد حبه لج ,
آنتي توكلي على الله واستغفري بنية الحمل بس أول ريحي رحمج عالاقل شهرين ..

وعسى الله يرزقج ويرزقنا أجمعين يآرب

 

[najla86]

ويييييييييييييييييييييييييييييييييي الله يستر انا كلش ما راجعت

ولا فكرت نهائيا

يعطيج العافيه حبوبه عالرد


اهو والله واجد طيوب معاي بس فاجاني حيل بردة فعله على مشكله فخفت ولما شقطت ماصدقت على الله واخذت حبوب


الله يستر

 

[مناوووي]

لاااااااااااازم ترااجعين مو زين تسكتين على عمرج

ياااااااااااااااااااااااارب خير

والله يسخر لج زووجج ياااااااااااااااااااارب

 

[najla86]

يعطيج العافيه قلبو عالرد وبشوف قاعده انطر زوجي يرد ونراجع والله خفت

 

[احلى سماء]

حرام عليج نفسج

الرجال مع العيال يتغير
والوحده مو كل يوم لها زوج

 

[بطة رشيقة]

حبيبتى تعوووووذى من بليس وابدى حيااتج وعيشيهااا الوحده مو كل يوم لها ريل والانسااان اللى ارتبطتى فيه اكيد مو ملاك ولا خالى من العيوب وحاولى تتقبلين الحياااه اللى انتى فيها وادعى ربج ان الله يوفقكم ويسعدكم ويبعد عنكم الشر ولازم ترااااجعين الطبيب لازم يا حبيبتى حيكى على عمرج وشوووفى شنو فيجى وان شالله ماكو الا العافيه ,,

 

[najla86]

مشكورين عالرد ومن ناحية المراجعه انا ناويه اجيك احسن لي

 

[احلى سماء]

يعني امانه نجلا
وين تلقين رجال مافيه ولا عيب ولا غلطه ملاك
حبيبتي انتي عايشه بالكويت
وشباب هالوقت حتى مو قد مسؤوليه
ولا ينحاجوون اصلا
فخلج واقعيه وسايري زوجج
ودام زوجج يبي ضنا دامج بذمته لازم ترضينه هو ماخذج عشان يستقر ويكون له مراه وعيال
كلنا رجاجيلنا تغلط علينا وتصرف تصرفات غلط
يوم حلو ويوم مر
من شوي زوجي قعد من النوم واقوله يا هلا ياهلا بحياتي تبي شي اسويلك
اخذ شي وحذفه علي وقام يزفني ويسبني
يعني لا تحاجيني
هذا وانا مو مسويه شي
وهمي اسوي له لقمه ياكلها
خليها على الله يابنت الحلال

 

[ترووفه]

انا اتووقع من الخووف

والا انتي ان شاءالله طبيعيه مافيج شي يااااااقلبي


وفكري فيهاا حتى لو ريلج ماعرفتيه

هذا زواجج الثاني واكيد تتمنين ياهل يونسج وتشتريله ملابس وتلعبين معااه وماتدرين يغير حياتج للافضل وللاحسن

وبتزيد غلاتج عند ريلج لانج خلتيه يصير ابوو حملتي وتعبتي ويبتي له ياهل يشيل اسمه

 

[يا عيون سمي]

انا نفسج اجهاض لما رحت قالولي يامنج او منه وعطوني تحاليل اسويهم والله كريم

 

[رحيل المرافيء]

رد : مشكلتي اني مو عارفه شبي بالضبط ؟؟؟؟؟؟؟؟ احس عندي عقده من شنو ؟ مو عارفه؟

لا لازم تراجعين يسون لج تنظيفات
ويعرفون سبب الاجهاض
يمكن معاج غدة تكيس لازم تراجعين طبيب