مشكلتي اني حساسه حيل

[فدوتك عمري]

بسم الله الرحمن الرحيم---- اخباركم ان شاء الله بخير-- سالفتي -- اني انسانه حساسه بقوه وماحب اضايق احد --- نبد بسالفه- انا متزوجه من 4 سنين والحمد لله مارزقني الله بذريه والخيره فيما اختاره الله -- زوجي يحبني حيل وطيب ورومنسي-- عليه بعض الملاحظات بس الحمد لله ---انا متاكده انه يحبني حيل وانا احبه بعد بس هو يموت بشي اسمه اطفال لدرجه ماتتوقعونه--- هذا الشي يحطمني بقوه وحيانا افكر اقوله تزوج --- مثل اذا رحنا لاهله بس يبوس الاطفال ويلمهم - عيال خواته وخوانه --- شي المي == والله ادخل الغرفه ابكي من الهفه اللي فيه وخوانه اللي اصغر من تزوجو وجاهم عيال --- بس اشكو الله وش اسوي -- مره قلتله اذا كنت تبي العيال تزوج ترا ما احب اقف بوجه احد يبي شي-- قال -- انا مرتاح كذا وحساس انك تبي تحملني ---ومن هالكلام --- والله اني مره فكرت- بيني وبين نفسي بطلاق واخليه يروح يترزق الله=:eh_s(2)::eh_s(2):== تعبت نفسيتي يحب الاطفال بشكل مو طبيعي امس جالسه على التلفزون وهو يكلم اخنه وتس اب وترسله اصوره ولده توه جايبته -- وانا مسويه نفسي مومنتبه ههههههه يعني مندمجه بتلفزيون -- وهو يقول يحلوه شوف ولده ===:eh_s(14)::eh_s(14):

 

[Dancing^Queen]

حبيتي
الله يرزقج بالذريه الصالحه الباره بوالدينها ويفرح قلبج
امييييييييين عاجلا غير اجل ويرزق كل محرومه


اختي
راجعتي دكاتره؟ حاولتي؟

 

[نسمات 26]

الله يرزقج ويرزق كل محروم

لا تفتحين معاه سالفة الزوجه الثانية ماله داعي مدام انتي مرتاحه معاه ومستناسة

تجيبن لنفسج الكدر والهم

خلج من التفكير وروحي راجعي عند دكتور انتي وزوجج

والله يعطيج

 

[al-musk]

السلام عليكم
اختي هالموضوع جدا حساس انا معاج
بس ليش ماتحاولون تتعالجون او تسوون تلقيح صناعي او اي شي
واذا لا سمح الله فيج شي اعتقد انتي كفيتي ووفيتي وقلتيله تزوج بس اهو اختارج انتي وبداج على العيال
وصدقيني الرجل خاصتاً مايسوي شي الا مقتنع فيه ودامه قالج انا مرتاح يعني هو يبيج انتي وانتي عداج العيب وماقصرتي

الله يوفقكم ويرزقكم بالذريه الصالحه

 

[english muffin]

حبيبتي كلشي هالايام له علاج
الله يرزقكم يارب

 

[latkt7as]

الله يرزقج بالذريه الصالحه

بس انتي جربتي تقرين سورة البقره

وتكثرين استغفار

وتتصدقين

الله وحده سسبحانه بايده كل شي

تقبلي مروري

 

[بنك بااستا]

حبيتي ليش ماتبنين طفل تكسبون اجر وانتي ترتاحين نفسيا واهوا يستانس

 

[لمى الهاجري]

كل شي بيد الله والطب تطور في احين طفل انابيب فيه وايد حلول

 

[الأميرة جوري]

في الحين تلقيح صناعي واطفال انانبيب راجعي وتعالجي وشوفي بمنو المشكله والله يرزقج يارب

 

[نبض قلبي M]

اختي بقولج شغله اتمنى انج تسويها

لان اللي صار لج انا مريت فيه والحمدلله حملت

اقري صوره البقره لمده سبوعين بنيه الحمل وصدقيني راح تحملين

انا فيني تكيسات على المبايض بس كنت حط السماعه الايفون باذني ونام
وخلي صوره البقره شغاله لين تخلص الايه

والله اسبوعين وحملت

اتمنى انج تبشريتي ولاعاد تقولين لزوجج تزوج اذا تبي عيال ولا طلقني عشان مايطفش ههههه

اتمنى انج تبشريني

 

[عجميه ذوق]

الله يرزقش بالذريه الصالحة وكثري من الاستغفار ��

 

[am faisal]

حبيبتى لا تحاتين
راجعى الدكاترة يمكن شوية ضعف فية اوسبب بسيط فيج مع العلاج تحملين
وعسى ربى يرزقج ويفرح نظرة عينج بالولد الصالح
لما كنت بالعلاج الطبيعى سمعت وحدة تسولف عن اخوها تقول 10سنين وتوة راجع من بلجيكا مرتة حامل وبلجيكا معروفة بعلاج تاخر الانجاب

 

[فدوتك عمري]

شكر على كل اللي ردو على موضوعي -- المشكله مني انا تكيسات وضعف تبويض --وسويت اطفال انابيب ومانجحت --وبالنسبه للعلاج بلجيكا ودي والهواء ضدي --وزوجي مافيه الا العافيه --- وبالنسبه للتبني طفل استحاله يوافق زوجي ومجتمعن قبيلي وبدو مستحيل يتقبل الشي--عندي على الشهر الجاي محاوله 2 مدري اسويه والا اسحب -ومن الناحية الاستغفار استغفر باليوم تقريبا2000 مره -- والصدقه اذا كان معاي مقصر --والحمده لله ملاتزمه بالصلاه والنوافل والله كريم

 

[مولاي الفرج]

الله يرزقكم يارب

نذري تسمينه محمد على اسم النبي صلى الله عليه واله اذا الله كتب لج

وان شاءالله يصير

 

[am faisal]

حبيبتى جربتى دوا الكلوفاج لتكيس المبايض
هو يضبط السكر وينزل الوزن وعجيب لتكيسات المبايض
اسالى الدكتورة اذا يناسبج او لا
وبعدين كثير حملو ومعهم تكيسات يعنى مو عقم لا سمح اللة
خلى املج باللة قوى مسالة وقت فقط

 

[اندرويديه]

والله اخذيها نصيحه مني والوعد عند ربج ...
معلومه قالتها لي ابلتي الاسلاميه كانت ميته تبي ولد ولا يابت وعقب تقول من سويت هالشغله حملت
تقول حطي ايدج اليمين على رحمج وقولي ربي ارزقني ذكرا صالحا طيبا مباركا ربي لا تذرني فردا وانت خير الوارثين وتقول نذرت اسميه عمر ووالله الحين عمر بين يدينها وهي عوده بالاربعينات بس ما يبعد عن ربج شي عليج بالرجااااء

 

[ديانا سبنسر]

الله يرزقج عااااجل غير اجل

 

[قَلبڪْ صًخرْ]

شنو فيج ليش ماتحملين
الطب تدور حاولي تعالجين
ياحي ياقيوم يرزقج بطفل البار كامل الخلق والخلق
حدي حاسه فيج

 

[وسن العنزي]

حبيبتي الزمي الإستغفار كل يووم وكثري منه 1000 مرا باليووم وشششوفي نتايجه الفعاله واهم ششب الثقه بالله والله يرزقج يارب الذريه الصالحه ويسخرلج زوجج ويسخرج له يااارب

 

[زوجة عزيز]

الله يرزقج حبيبتي اذا الريال راضي بنصيبه ليش تقولين له تزوج ترا الريايل حتى لو يحبون اليهال ترا اكثرهم يتغيرون على زوجاتهم بعد ماايبون اليهال استانسي بحياتج وتعوذي من ابليس