مشكلتي الوحدة

[بطة السودة]

مشكلتي الوحدة ،انا عمري 40 يتيمه الاب من عمري 10 سنين والدتي توفت من سنه ونص ،مطلقه ،عندي أولاد ،عائلتها مفككة محد يدري عن الثاني ،عندي أخت وحده متزوجة لاهيا بعمرها كله مسافره ،،من عقب وفاة امي الله يرحمها كل واحد بصوب ،أعاني من الوحدة ،انا ما اشتغل ،اتمني اليمعه ،عندي صديقات بس مو فاضين ،انا فاضيه ،تصدقون اني اجذب وأقول اني ازور عشان ما احد يتشمت فيني ، أمرض واروح بروحي طبيب وارجع محد درا عني ،،أحس ب فراغ كبير ،حياتي بارده ،أحس بوحشه 'أصلي وأدعي ربي ان يصلح الأحوال 'أروح نادي العب رياضه 'لكني وحيده بالدنيا 'اللي عندها أم ختجابلها واللي عندها عائله يحبونها خل تحمد ربها

 

[Tom ♥ Jerry]

,


الحل بالدوام لازم تتوظفين احسن لج

 

[بطة السودة]

مشكورة أختي توم اند جيري علي الرد ،كلامج صح

 

[فوفو22]

الله يرحم والدينك

ويخلي لج عيالج

اي نادي داخله

فوفو

 

[جهراويه مزيونه~]

عسى الله يرحمهم ويغفرلهم يارب
سبحان الله هذي الدنيا محد بيتم لأحد
انتي لهي عمرج مثل ماقالوا الداوم بيلهيج ويغيرج
على كثر مانشوف من الناس مشاكل مانقدر مانتعايش معاهم
محد يبي يعيش بروحه
ماتقدرين عالدوام دشي دورات مثلا تعلمي اشياء جديده
طبخ خياطه ايا كان
تعلمي لغه تحبينها من زمان بخاطرج فيها
سويلج مشروع صغير واللهي فيه هالاشياء البسيطه هذي
تخلي الواحد يتنفس ويشوف ويتعرف على ناس جدد
دشي دوره احفظي قران في شكثر حريم بكبرج متقاعدين
ويتعرفون على بعض ويتسابقون من تحفظ أكثر ترا شي حلو وصحبه صالحه
انتي بس شوفي شنو تحبين ولايسير تفكيرج عشان مماعندي اهل
ماعندي شي اللهي معاه ياكثر مانعرف ناس اهلهم عايشين مايحاجونهم
وربعهم علاقه معاهم يعني عادي الله يوفقج ان شاءالله

 

[فوفو22]

الانسان مهما كان وحيد يقدر

يخلي الناس حولينه

رافجي عيالج

اعزمي اهلج

حطي جمعه اسبوعيه ببيتج لناس ترتاحين منهم

فوفو

 

[أم يزيد &سديم&]

الانسان مهما كان وحيد يقدر

يخلي الناس حولينه

رافجي عيالج

اعزمي اهلج

حطي جمعه اسبوعيه ببيتج لناس ترتاحين منهم

فوفو

ماعندها عيال أختي فوفو ؟؟؟؟؟؟؟؟؟

 

[ماكواسم2]

،عندي أولاد >>>>>>>>> عندج اولاد وعندج وقت فراغ ؟؟؟؟؟؟ ما شاء الله

 

[~ بنت الهدى ~]

الله يساعدج ، لازم تتوظفين تلهين شوي و تملين فراغج ، و الحمد لله عندج عيال اقضي وقتك معاهم ،،

 

[بطة السودة]

جزاك الله خير جهراويه مزيونه ويخليلج والدينج

 

[بطة السودة]

فوفو 22مشتركة شامبينز

 

[بطة السودة]

أم يزيد ،هذا اللي أحاول اسويه لكن تأتي الرياح بما لا تشتهي السفن مع الأهل ،علاقتي برفيجاتي افضل من اهلي ،لكن الكل مشغول '

 

[بطة السودة]

اي عندي اولاد وعندي وقت فراغ ، عيالي مويهال

 

[عآليه !]

الله يرحم والدينـج ويغفر لهم

انا نصيحتي انج تشتغلين أو تسوين لج مشروع صغير تشغلين فيه نفسج
دشي مركز صحي رياضي
تتطوعي في أماكن للتطوع اشغلي وقت فراغـج .. دشي مركز تحفيظ قران ..


الله يرحم حالج وحالنا

 

[بطة السودة]

عاليه مشكورة علي ردج

 

[sunwater]

انا حاسه فيج
انا يتيمة الام والاب وفاقده احساس العائله اللي اتمناها
فعلا الفراغ قاتل ومحد فاضي لحد
وعلى فكره ........ الفراغ مو بس فراغ الوقت لا الفراغ الداخلي .. فراغ العاطفى والاسري
انا موظفه وساعات ظروف دوامي تصير من 7.30 الصبح لي 9 بالليل ومع ذلك الفراغ قاااااااااااتل
الله يكون بالعون

 

[فوفو22]

ماعندها عيال أختي فوفو ؟؟؟؟؟؟؟؟؟

بالسطر الثالث كاتبه عندي اولاد

فوفو

 

[فوفو22]

فوفو 22مشتركة شامبينز

اي بس بالجديد

قبل كنت مشتركه بالقديم

الجديد وايد احلى

فوفو

 

[فوفو22]

شوفي بطتي

ممكن انتي تخلقين لج جو وتصيرين مثل الشمعه الكل يتجمع حولينها

مشاركات بالمنتدى لمساعده البنات بخبراتك

تكسبك معارف

خدماتك لناس بالمساعده وغيره. يخلقك معارف

التواصل مع الاهل بالزيارات. يخلق لك قاعده لج

الجلوس مع العيال والحوار معهم والتعرف على اصدقاتهم واهلهم يخلق لك معارف جدد

حتى الخدم انا ساعات اقعد اسولف معاهم احسهم بغربه محتاجين احد يسمعهم

ممارسه هوايه معينه يضيع جزء كبير من الوقت

قراءه القران وتفسيره وانصحك بتفسير زبده القران لانه يعطيك المختصر المفيد

وبالنهايه اعتبريني اخت ،،،، ومستعده للتعرف عليج وانضمامك

لقروب الثلاثا الخاص الذي انشأته من سنوات

فوفو

 

[بطة السودة]

فوفو انا قلت عندي اولاد اعمارهم طقت ٢٠ عرفتي ،اقعد معاهم بس تعرفين بهالعمر يتعلقون بالطلعه وخاصه ان أهما في ايام ينامون عند ابوهم ،حياتي صخه ،انا مشتركه بشامبينز اليديد ،أما خدامتي انا حتي خلطة تبيض أحط لها ، عندي رفيجات بس مؤ فاضين وبصراحة استحي افرض نفسي عليهم أهما اذا فضوا يتميعون عندي ،أتشرف معرفتج ،شنو تجمع الثلاثا ؟انا اذا انقمت سافرت