مشكلتي العاب عيالي

[بنت الغاليه]

العاب عيالى في كل مكان متناثره والله اني اتعب مع الخدامه وانا بس القط فيهم ولا اني اعرف وين احطهم وشقتي ضيقه والالعاب زايده دلوني حبيباتي اشلون اخزنهم اوين احطهم .:0bee2e8d89:

 

[كريستال ليدي]

عندج الصناديق الكرتون أو البلاستيك اللي في ايكييا حجمهم كبير و مناسب حق الالعاب و اشكالهم حلوة و ممكن ينحطون بأي مكان و بعد سهل انج تردين تفتحينهم عشان تطلعين منهم الالعاب ...

و بعدين حبيبتي ابتدي دربي عيالج ان عقب ما يخلصون لعب يلقطون ألعابهم وراهم !

 

[mimo_o84]

صح كلام اختي الحجية تقدرين تسوين نفس ماقالت او تشترين كبت ارفف وتحطين صناديق ملون بالارفف وتقسمين الالعاب يعني سيارات او مالوت بنات جذي وايد بترتاحين وسوي تصفيه لهم بالبداية اللي ماتبينه قطي او اللي خطر عليهم معاهم ينشاح واتمنى اني فدتج حبيبتي

 

[حناينq8]

حبيبتي احسن طريقه اهيه الفرز

فضي نفسج على يوم

واشتري من سنتر بوينت او ايكيا سلال او كراتين او صناديق

وحطي العاب الحيوانات بصندوق

السيارات بصندوق

العاب البنات الباربي وهالاشياء بصندوق

وكتبي على كل صندوق شنو داخله

والياهل لي يا يلعب خليختار شي معين يطلعه من الصندوق

وجذيه تلقين الالعاب مرتبه


تحياتي لج​

 

[بنت الغاليه]

فديتكم والله نورتوني عدل بس الوقت من وين اجيبه

 

[اثمان]

شرايكم انسوى حملة تبرعات بالعاب عيالنا ...بس على شرط ؟ما نرد نشترىىىىىىىىىىى العاب
ترى ذبحتنا الضيجه حدنا متنا منها

 

[زهرة اللوتس]

ماكو الا تشترين صندوق حق كل واحد من عيالج

 

[Swan]

افكارهم حلوة البنات
بس بضيف انج لازم بين فتره وفتره تفرزين الالعاب
اللي مكسر او قديم وايد او ما قاموا اليهال يلعبون فيه قطيه واذا اللعبه زينه تبرعي فيها