مشكلتي الطائره

[al.zena]

يابنات ساعدوني بحل مشكلتي أحب السفر وأسافر وايد بس وايد أخاف من الطائره ماتدرون شنو حالتي لم يقرب السفر اكون مرتبكه وخايفه وليله السفره ماأنام شلون اقدر اتخلص من هالرعب

 

[Maneena Manaana]

مشاركة: مشكلتي الطائره

عليج بالاستغفار طول الطريج و حطيلج قران واقري صورة البقره وان شاء الله ماكو الا كل خير

اللي الله كاتبه بصير

سافري واستانسي

 

[H.Heavn]

مشاركة: مشكلتي الطائره

حبوبة انتي نفس حالتي قبل لا اسافر بليلة اصلي لي ركعتين وادعي ان الله يسهل علي السفرة وثاني يوم اقرا ادعية السفر وبس والله الحمدلله يسهل لي

 

[keeka]

مشاركة: مشكلتي الطائره

حاولي ما اتفكريين بالطياره وفكري بالوناسه لما توصليين وبالمكان اللي رايحتله اخذي معاج قصه ولا كتاب مفضل تتسليين فيه بالطياره وان شاء الله ماكو الا العافيه

 

[كويتية في لندن]

مشاركة: مشكلتي الطائره

وييييييييه حالتج نفس حالتي ...عاد انا رايحة رادة من الكويت لي لندن والعكس واموت على شي اسمه سفر ................مليت ولاعت جبدي من خوفي ..............عاد لي سافرت مع الاهل تعلقت باي احد منهم قاعد يمي ..لكن الفلشلة لما اروح بروحي ..علشان جذي قمت اسوي طقوس معينة (حلوة طقوس)
ادري ان كل شي بايد رب العالمين وانا مؤمنة بالقضاء والقدر بس هم اخاف

طبعا انهيار اعصاب يحوشني ليلة السفر ...بس اخليها على الله
1- ما انسى ابدا ابدا ادعية السفر .. واقرا اية الكرسي على طول

2- اذا حسيت بخوف بسبب المطبات الهوائية على طول احط السماعة على اذني واحط محطة القران .....الا بذكر الله تطمن القلوب ...............

3- مع القران اسوي تمارين التنفس شهيق عميق .......... زفير طويل كاني انفح بس ببطء ، تمرين التنفس يسوي استرخاء وايد ومع القران يا سبحان ما اوعى الا انا نمت ...وهاذي حالتي

4- دايما اطالع اللي حوالي واقول حق روحي الجملة ...........( يعني الحين هالعالم مو خايفة بس انا اللي ميتة من الخوف ..والله فشلة ) فيضيق خلقي واستجمع شجاعتي واصيرعادي ................عجبتي استجمع

5 دايما اشغل روحي ..احاول ما افكر بالطيارة ..اطالع السما ..اسبح بالخيال

6- دايما اقعد بنص الطيارة عند الجنحان ....يقولون ان اللي فيه فوبيا الطيران يقعد اهني ..لان القعدة جدام او ورا بالذات وقت المطبات الواحد يحس بهزة الطيارة اكثر فيصير له رعب اكثر

7- دايما اول حق نغسي مثل ما انا خايفة على روحي اكيد الكابتن بعد خايف على روحه يعني بيهتم فينا بالطيارة

8- اذا كنت مسافرة بروحي مستحيل اقعد عند الدريشة كله اقد بالكراسي اللي بالنص بس على الطرف

9- دايما اطالع النشرة الجوية قبل السفر بيوم علشان اشوف اجواء الدول اللي بنمر عليها ..علشان سالفة المطبات

10- دايما يكون معاي Mp3 فيه الاغاني اللي احبها والموسيقى الهادية اللي احب اسمعها ...تلاقين اذا ما عندي شي اسويه او اشغل مخي فيه اقعد اسمع هالاغاني اللي احبها واتذكر واتخيل

هاذي طقوسي بكل سفرة..اتمنى اكون افدتج

طبعا ما انسى اقول لج ان الاهل يقعدون يضحكون علي كل ما خفت ..مما يسبب لي الاحراج ..علشان جذي لي خفت بلعتها وسكت

 

[al.zena]

مشاركة: مشكلتي الطائره

مشكوره حبيبتي كويتيه في لندن أنا من صجج أقول حق أهلي جان أصير مطنزة العايله جنج أنا بالطياره أسوي جذي وطول ماأنا قاعده بس أقرا آيه الكرسي والمعوذات وأدعيه ويخف خوفي بس أنا ودي إني اركب الطياره بكل ثقه يومها تنسد جبدي وماآكل مااحس بطعم الأكل بس اقعد اشرب قهوى سوده بس اشوه جنج أنا أكوا أحد مثلي

 

[كويتية في لندن]

مشاركة: مشكلتي الطائره

الزينة انا صرت مطنزة من الاهل وخلصت ..لووووووووول
ترى انا ما كنت اخاف ..فجاة من كثر ما اطالع افلام الطيرات قمت اخاف ............والا اشحلاتني اول اسافر وارد واروح عادي

على فكرة مو بس انا وانتي واااااااااااايد هالحالات ..انا مرة رايحة البحرين وكاشخة بالدرجة الاولى ويا الوالدة ..جان تحوشنا مطبات ..عاد مطبات البحرين شهر 5 خايسة (انتي ركزي اللي عارفة وقت المطبات متى) المهم قلت بعد فشلة كاشخة وخايفة جان التفت يمي والا ريال مسكين منهاااااااااار وحاط راسه على المخدة وحالته حالة ........ عاد يوم شفته استجمعت قواي وقلت وي مسكين خايف ...يعني انا البطلة الحين ........... بس لما شفته هانت علي حالتي

تصدقين انا ودي بعد اركب الطيارة وكلي ثقة مثل اول بس مو قادرة ...ودي ودي اصير مثل هالعالم ماكو ...انا الحزام ما افتحه الا عزج الله رايحة التواليت وارجع واسكره

يمكن مع الايام نرجع طبيعيين ....يعني اليوم رادة عليج وباجر رادة الكويت ..الله يسهل علي السفرة

 

[زيـنـه]

مشاركة: مشكلتي الطائره

اولا .. توكلوا على الله و تعوذوا من ابليس و قووا ايمانكم بالله و عرفوا انه اللي مكتوب لابد بيصير ..و ادعوا دايما بالسلامه .

ثانيا بالطياره تلهوا عن الخوف اقروا قران او مجلات او كتب او سمعوا محطة القران اوالراديوا و شوفوا التلفزيون ..و الافضل ناموا اذا تقدرون .

ثالثا فكروا بكل الناس اللي معاكم و اللي تارسين المطارات في كل مكان لو كل هالناس تخاف جان ما احد سافر ..و عطوا شوية ثقه للخطوط اللي انتوا مسافرين عليها يعني الحمدلله لهم سمعتهم و شغلهم عدل بصيانتهم للطيارات و الحمدلله ما سمعتوا حوادث صارت .

رابعا تغلبوا على الخوف بزيادة ثقتكم بنفسكم و تقوية الايمان و ما عليكم الا العافيه ان شاء الله

 

[al.zena]

مشاركة: مشكلتي الطائره

أمبيه ياكويتيه في لندن إنتي بالضبط جنج حالتي أنا تعرفين شنو كنت أموت على الطياره وايد أحبها ولاتهمني مطبات بس آخر هالسنتين من هالأفلام إللي أشوفها وحوادث الطيارات إللي أسمع عنها بس قمت لي قرب السفر أطقطق من الخرعه واآنا ألحين ليش قاعده أحاتي لأن اليوم العصر بسافر فالله يعيني ويسهل علي وييسر علي ويروح مني هالرعب

 

[انا كويتية]

مشاركة: مشكلتي الطائره

حبيبتي فيه في مكان متخصص يعالج هذي الحالة بس.... تلقينه وانتي جاية من السالمية أول ما توصلين الشعب هو في العمارات اللي تطل على شارع الإستقلال وانتي ماشية تلقين لافته مكتوب عليها معالجة الخوف من الطيران او بهالمعنى .... جربيهم

 

[al.zena]

مشاركة: مشكلتي الطائره

تصدقين استحي أروح

 

[انا كويتية]

مشاركة: مشكلتي الطائره

اختي عيل ماكو الا حل واحد
شوفي حطي ببالج ان حوادث السيارات أكثر من حوادث الطيران
وان صيانة الطيارات جزء جدا مهم قبل ما تطير الطيارة
وان أغلب الطيارات الحين لها محركين اذا اخترب واحد تطير عادي بالثاني
والأهم قوله تعالى بما معناه: يأتيكم الموت ولو انتم بأبراج مشيدة
ولن يصيبكم الا ما كتبه الله لكم
يعني حبيبتي اللي بيصير بيصير على الأرض في السما على القمر هم بيصير

وحطي قناعة بمخج ان الله خير حافظ

 

[كويتية في لندن]

مشاركة: مشكلتي الطائره

الزينة ...انا داقة عليهم من قبل قال لي الدورة ب 200 ما ادري 300 ....قلت شكو انا اعالج روحي بروحي واوفر هال 200 حق السوق ..لووووووووووول

ان شاء الله تروحين وتردين بالسلامة ..............وانا ان شاء الله باجر اوصل الكويت بالسلامة

بس تبين الصج صج نفشل لوووووووووووووووول

 

[بدابد]

مشاركة: مشكلتي الطائره

السلام عليكم بنات اشلونكم؟
شوفي انا عندي خوش حل
اول مادشين الطيارة اقري المعوذات واقري قرآن
او نامي


ومشكورين حبيباتي

 

[bambena]

مشاركة: مشكلتي الطائره

ايييييييييييييييييييييييه

محد يخاف بالعالم كثري انا
شكثر اسافر قبل من ديره لي ديره وطيران بوطقه وطياره تطقطق بهالجزر وعاااااااااادي
مطبات هوائيه والطياره تشيل وتشدخ وعااااااااادي
الحين صارلي سنتين قمت اخاف !!! و مو اي خوف شي مو طبيعيييييييي مااخاف قبل لا كل شي عادي بس من اركب الطياره اموت من الخرعه وقلبي يرقع واتحسف على اليوم اللي ركبت فيه وماحاجي احد ولا اكل واعصب ولايمكن انام ماتييني النومه كلش لدرجه والله اييبونلي المضيف يكلمني ويهديني !!

وادري ان الطياره اامن طريقه سفر وماتطيح حتى لو وقفوا المحركات مالوتها
الحين انا شارطه على ريلي منوم يسدح سدوووووح ولا لايمكن اسافر بعد الا بمنوم ):

 

[قهوة عربية]

مشاركة: مشكلتي الطائره

أعرف وحدة تموت رعب من الطيارة ...وكل سنة أهلها يسافرون لندن يقعدون شهرين

هي ماتركب معاهم ..قسم بالله تسافر بالسيارة ..بعدين تركب سفينة وتوصل لندن من الخوف

وكل سنة هذه حالتها

مرة من المرات وهي بلندن مع أهلها ....عمها توفى بالكويت ..ولازم يرجعون عشان العزا

بس توهقوا معاها ..آخر شي عطوه إبرة بنج ونوموها وبعدين ركبوها الطيارة ...الحمد لله والشكر لله



امبييييييييييييييييه بنات من كلامكم وردودكم خوفتوني ..مع أني عادي ..ماأخاف من الطيارة

ياربي شللي خلاني أدش الموضوع ...جنكم عاديتوني

 

[أم ضارى]

مشاركة: مشكلتي الطائره

هاهاهاهاهاههاهاهاهاى اهلا اهلا زميلات الخوف طلعت مو بس انا اللى اموت من الرعب من الطياره

حتى نوم ماقدر انام اخاف تطيح فينى الطياره لا حول ولا قوة الا بالله

ونفس حالتكم كنت اموووووووت بشى اسمه طياره واستانس على المطبات الهوائيه مع ان الناس يبجون

سبحان الله انقلب حالى فووووق حدر

بس الله كريم يمكن يوم تنحل عقدتى لانى احب السفر وايد وماقدر ماسافر

 

[BlUe SkY GuRl]

مشاركة: مشكلتي الطائره

انا بصراحه افضل تروحين لمكان مخصص يعالج مثل هالحالات

وان شاء الله ما كو الا العافيه بس مثل ماقالوا البنات عليج بالاستغفار

 

[H.Heavn]

مشاركة: مشكلتي الطائره

مسكينة اختي كويتية في لندن حدها تخاف هههههههههههههههههه (اللهم لا شماته حتى انا اخوره مرات) والله يانه انا ويا اختي تعقدنا من افلام الطيايير ابد بالنسبة لي كل ما ايي اسافر لازم يطلع فيلم طيايير والطيارة فيه تطيح!!!! شفتي قرادة الحظ!! عاد مرة كنت ماخذة دورة صيفية بمعهد الابحاث وكنت يوم الاربعا بسافر دبي تدرين شنو صار؟؟؟ يوم الثلاثا كان عندنا بالمعهد محاضرة حق علوم طيران ومن قرادة حظي حطوا فيلم وثائقي عن طيايير تطيح؟!؟!؟!؟!؟

 

[كويتية في لندن]

مشاركة: مشكلتي الطائره

هيفنووووو ....زين اراويج