مشكلتي ابي ارتاااح من التفكير

[الشيهاانه]

شلونكم صبايا
مشكلتي اني ملجه من سنه واكثر واهل ريلي لاتصلو ولادقو وماندري عن شيء تهقون فشله نكلمهم ونسألهم وابوي ماخذ موقف منهم ومتعبني لاليلي ليل ولانهاري نهار تعبت حييييل ونفسيتي زفت دعواتكم لي بنات الله يفرجها

 

[^لغموضي معاني^]

هلا والله

تمام وانتي شلوونج


الله يكوون بعونج اي حبيبتي عاادي خلي ابوج يدق ع زوجج ويساله

 

[العنوووووووود]

سنه كامله مده كبيره حيل وكافيه واكيد من حقكم تتصلون خلي امج تتصل على امه افضل وتعرف شنو السبب

 

[• JoJo •]

لا تسكتون كلموهم سنه مدة طويله

 

[Janna-q8]

الله يعينج و يمسح على قلبج .. شعور التعلق مو حلو

يعني مسوين جذي عمد ... و لا اهم عادي عندهم؟

 

[دلع عروس]

هلا حياتي عادي لاتفكرين
حنا جذي بعد يطولون وما يعلمونج بموعد العرس الا لما يجيبون المهر
بس اذا بينكم ميانه عادي سألوا​

 

[بنوته ستايل]

لا حبيبتي خلي امج تدق وتسأل عندهم عرس قرب ولالا..
ولله عادي مافيها شي شنو معلقينج جذي ولا حس ولا خبر
بس ما انصح ابوج يدق خلي امج احسن يعني خلي السالفه بين الحريم..
بس خل تجيها بأسلوب ترا مو عجزانين ع بنتنا بس مايصير البنت تتعلق جذي..حتى لو عندكم عرس بعد 4 سنين قولولنا ع الاقل عشان البنت تعرف وضعها..مو تقعد جذي لامتزوجه ولا بنت تشوف نصيبها..


ولله خلي امج تدق بكل ثثثثقه واذا كنتو تصيرون لهم خلي عماتج او خالاتج يجسون نبضهم لهم نيه عرس ولا مطولين..


والله يسهل امورج انشالله ويوفقج ويسعدج ويفرح قليبج حبيبتي..

 

[الشيهاانه]

لااهم مومن اهلنا يعني ماكو ميانه بينا

 

[بنوته ستايل]

اجل مالكم الا تخلين امج تدق ع ام الرجال وتكلمها بهالموضوع..
بس اهم شي تقول لها احنا مو عجزانين ع بنتنا بس هذا مستقبلها لازم نعرف متئ عندكم نيه
مايصير البنت تتعلق..



وانتي حبيبتي كثري الاستغفار ولله ولله ولله لو اتكلم مني لي باجر عن فضل الاستغفار ما اخلص..
وانا شخصيا شفت العجب العجاب من الاستغفار وكثر الصلاه ع النبي عليه افضل الصلاه والسلام..
وقومي الليل وادعي ان ربي يفرج همج ويمسح ع قلبج ويفرح قلبج..
وخلي ثقتج بالله كبيرررره
وانشالله مايصير الا كل خير..وماتدرين يمكن هالتأخيره فيها خيره
دام امورنا بأيد رب العباد ثقي بالله ان ربي مايكتب لعباده شي الا فيها خير لهم حتئ لو للمدى البعيد..

 

[Dadoosh]

سنه من غير ولا اتصال؟! لازم تتصلون حتى لو في موقف. اتصلو من باب أنكم ابتسألون عن شي و شوفو شيقولون و خلهم يسألون عن أحوال الولد بعد

 

[دلع عروس]

هههههههاي دايم راي غير
حبيبتي انا كنت مثلج يعني ملجنا ولا قالوا متى العرس سمعنا من الناس وقرب العرس وما جبوا المهر وقعدت اقول لامي دقي ساليهم عن موعد العرس وقالت فشله يقولون بنتهم مستعجله للعرس مع انا نعرفهم
وبعدين سمعنا من نفس الناس انهم اجلوا العرس لانهم يبنون
بس اغلب اهلي قالوا فشله لا تدقين وخالاتي كان رايهم بعد جذي

علشان جذي اقولج السالفه فيها احراج بس انتي شوري اهلج اهم يعرفون طبايعهم
وشوفي رايهم​

 

[أحلى البشر]

لا احراج ولا شي لازم امج تدق شنو سنه مخلينج جذي ولاعطوج خبر ياربي شهالناس