مشكلتى مع ثالثه ابتدائى

[هونها يارب]

:eh_s(2):امهات مساء الخير
ماعندي احد استشيرا غيركم لاتخلونى امانه طلبتكم انا عيالى بثالثه بس مشكلتى مع القراءه والكتابه مع انى جايبه لهم مدرس عربى صارلا تقريبا شهر او اكثر بس مااشوف تقدم يدرسهم المنهج وانا ابى تاسيس قراءه وملاء وايد احسهم اضعاف بالاملاء شنو الحل ساعدونى اشلون احل هالمشكله امانه لا تبخلون على بحلولكم الله يخلييكم عيالكم وتشوفونهم احسن الناس والله ضايعا ما اعرف شنو الحل ويكسرون خاطري

 

[هونها يارب]

اب اب امانه لاتخلونى

 

[هونها يارب]

اشفيكم تدخلون ماتردوون امانه ساعدونى

 

[Ibelievein God]

دخليه القاعده الحلبية لمادة اللغة العربية

وخلي ينسخ كل يوم

الله يقــــر عيــــنج فيــــه

 

[توتاتوتا]

نفس رايها دخليهن القاعده الحلبيه

 

[بسموهـ]

هلا يال الغالية انا معلمة لغة عربية

اول شي

اذا كان الضعف تراكمي من اولى ابتدائي

ابدي مع ولدج بالحروف .. وكل ما تعلم ثلاث حروف

خليه يكون منها كلمات قد ما يقدر

ويقلب فيها وتطلع له كلمات يديده

2- لما يتعلم تركيب الكلمات

عوديه يحلل الكلمات

عطيه كلمات وخليه يحللها

مثل > كتب - يجرد الكلمه

ك ت ب

ويرسم الحروف حسب شكلها بالكلمة

عقب عطيه حرف واطلبي منه بذكر كلمه تحتوي هالحرف

بنفس الموقع مثل الباء بأول الكلمة > بلح

بوسط الكلمة > عبر .. بآخر الكلمة > لعب

وجذي

عطيه الجريدة وخليه يقرأ

لما يحرف الكلمة بكون بطيئ بس مع التعود راح يسرع اكثر وجذي


وربي يوفقه

انتي راح تتعبين اشوية بس راح يتحسن

 

[JOoORY2000]

وانا مدرسة عربي بعد وبنتي دوختني حيل
ودخلتها معهد لاني قمت اعصب وقامت تخاف مني وتبجي
بس ما كووو فاايدة الابله كله تكتب لي مستوي ضعيف بالقراءه
انقهرررررت

بعدين اتبعت طريقه اخذت الخردة اللي عندي كلها واشتريت حصاله من بو ميه
وقلت لها اذا امتلات راح تشترين اللي تبينه وبكيفج تشترينه بفلوسج انتي
والله احس انهااا حرفت حتي قيمة الفلوس

كل ما كتبت حرف قطيت بالحصاله خمسين عشرين فلس اللي هووو

اما عن طريقتي في التدريس
١- اشتريت دفتر مربعات وقمت اكتب الحروف كلهااا >~> طبعا انا االي اكتب مو هي عشان ماتنهار
٢- بدات بالاصوات القصيرة حرف الالف >~> أَٓٓٓ. أُ إِِ
٣- اليوم اللي وراه علمتهاالاصوات الطويله المدود مد الالف مد الواو ومد الياء
خليت عندهااا تصور بصري اهم شيء
وبعدين كتبت قصه قصيرة قلت اشرايج نقراها مع بعض

(( في البحر اسماك كثيرة،عمر يصيد السمك بالشباك
في البحر سمكة ذهبية.علي الشاطئ يلعب الاطفال))
طبعا انا اقراها مو هي واعلمها اشلون ابدا ح ف حرف واحلل الكلمة >~>~ طبعا راح امثل اني اميه ما اعرف الا احرف الهجاء

بعد اسبوعين... قمت العب معاهااا وسوينا عيادة طبيب اسنان وقمنا نكتب اسماء بنات خالتها وعيال عمانها وعماتهااا علي بون مراجعين بالعيادة
ونحلل الكلمة ونكتب
واللعبه الثانية كان معاي قلم واكتب الحرف وهي ما تشوفه وتخمن شنو الحرف اللي كتبته وتقوله واقولهاا انا صح ولا غلط اذااا صح تاخذ هي االقلم وتكاب وانا اخمن
عشان اثبت انها حفظت الحرووووف عدل مدل


يمكن طريقتي غلط في التاسيس لان عمري ما اسست اولي ابتدائي بس بصراحه بنتي ما تعرف شي
والابله مستحيل تاسسه وتدرسه مثلج لازم يكون من الام اهتمام ومتابعه المدريه بروحها ماتكفي


وهذي طريقتي الحاليه وعلي الله تنفع مع ولدج وبنتي بصراحه انا تعبت وبنتي انهااااااااارت مني
اللله يعينهم ويعينا

 

[***البسبوسه***]

شوفي هذا رقم معهد رائع وكل موضوع ادشه عن التدريس احط رقمهم الله يوفق صاحبة دنيا واخره 99099355

 

[ههديل]

http://edu-homes.com/cat-12-1.html
موقع خاص للمعلمين
يمكن يفيدك

 

[هونها يارب]

مشكوره كل وحده ردت عل والله يوجكم ويوفج عيالكم والله يسر امركم انشا الله

 

[الصابرة المحتسبة]

أخت بسموهـ

وجوري

جزاكم الله خير على الإفادة​

 

[فجر ا]

اختى دخلى اولادج القاعده الحلبيه فى الرحاب سويين عروض امس طرشولى مسج 3مواد 50 دينار انا كان مؤسسه بنتى عندهم فى الصيف وانا كنت متابعه معهاا ذا تيبن رقم تلفونهم اعطيج ياه 97181186

 

[الطير الاسير]

والله اختي دخليهم مركز الجود الي باشبيليه عندهم ابله عربي وايد شاطره تاسيس 97139098

 

[العنود كويتية]

خيتوووو جربي هلمدرس وااايد شاطر بالتأسيس 67772317