مشكلتى انه تخصصي رياض اطفال !

[Om_Ksha]

السلام عليكم
شلونكم شخباركم .. ابي اقولكم سالفتى لعل احد منكم ينورني والقى حل
تخصصي رياض اطفال وانا حابه هالتخصص وميته عليه بس لمن دشيت الميداني اكتشفت الصدمة الكبرى !!
بالنسبه للاطفال عسسسسسسسسسسسسل يهبلون وتأقلمت معاهم وكل شي تمام .. بس المو حلو مجتمع الحريم نفسه صعب قيل وقال وحش وغيره وحسد .. هذا كله بالميداني عيل شلون لي درست وغيره !!

فانا انشالله بتخرج عالصيف وقلت لالالالالالالالالا والف لا للتدريس فمابي اصير لا مدرسه روضه ولا تربيه حياتيه ولا ابي اكون بوزاره التربيه !!

لوول خلصو الاماكن .. والحل وين اشتغل ؟!؟! وين يقبلون بشهادتي ؟!!؟
علما انه معدلي زيين واقدر اروح بعثه بس المشكله الاهل مايرضون اسافر دول اجنبيه .. دول عربيه عادي !! شوفو التناقض .. علا قولتهم تزوجي وسافري مع ريلج كييفج .. اقولهم شنو احط اعلان بالجريده الرجاء احضار زوج حالا لدواعي السفر !!

فنورووني شسوي والله انه منغلقه فيني الدنيا وشكلي بنحاش وبروح البعثه خل اتخرج وانقبل بالاول

اخييييييييييه بس يلا الله كريم .. قولولي شسوي ؟؟ شهادتي شرقع فيها وين اقدر اشتغل !

 

[ضحـاوي]

ههههه حلوه الاعلان : احضار زوج لدواعي السفر

صح والله مجتمع المدارس مغلق وحريم وما عندهم غير الاذيه

لكن ترى الحش والحسد والغيره والحقد بكل الوظايف

الحين حتى الرياييل يحشون اللهم ياكافي

اذا حابه التدريس خليج فيه لان الحش والقرض بكل مكان

 

[Om_Ksha]

ادري واللله بكل مكان بس امبي الروضه جنها سجن والابلات اللهم يا كافي .. طبعا مو كلهم بس في بعضهم ابدااااااااااع فانا كنت حاسبه حساب هالشي ومخططه انى اكمل دراستى بس تفاجأت فيهم مايرضون عالسفر وحدي متحبطه

يقولون نشغلج بأي مكان تبينه !! ابي افهم شلون يشغلوني وهذا تخصصي !! وين يقبلوني فيه !! بشوف وآخرتها وياهم

 

[الزين يفرض نفسه]

امبي والله عبالي انا اللي كاتبه الموضوع

انا نفسج كنت نفسج بالضببببببط كنت اقول مشكلتي ان تخصصي رياض اطفال واحس اني منبوذه محد يبي هالتخصص هل الشغل وبعد جهد وجهيد وتفكير محيص خلاص رديت على قراري الاولى وقلت بشتغل مدرسة وشعلي من الناس وشعلى الناس مني دامني احب الاطفال واحب شغلي والادارة السيئة والحش والغيره موجود بكل مكان رفيجتي تشتغل باحدى وزارات الدولة تعالي شوفي السوالف تقولين توووووبة افكر ادارية ابي مدرسة

مع العلم ان المدرسات يقربهم الشغل نفسه يعني تاخذين وتعطين وتساعدون بعض بالافكار والادوات والمنبهات روحي ادارية كل من نفسي نفسي يدوسون على روس بعض عشان الترقيات وعشان مدح رؤساء الاقسام ....

انا مثلج بالضبط بالضبط بالضبط اللي منحشني سوالف الادارة والتوافه بين الحريم بس هذا شر لابد منه

شوفي موضوعي في قسم الحياة العملية اسمه تفائلوا بالخير تجدوه

وعلى فكرة مدام انتي تحبين اليهال وشغل الروضه ترى بيصيرلج اسهل من شغل الوزارات لان شغل الادارية لوعه (الله يالزمن شلون تغير تفكيري بين يوم وليلة كنت ضد التدريس ومع الاداري الحين العكس) هذا بالاضافة الى مميزات المدرسة واهي المعاش والعطله محد يقدر يصك عليج وبالنهايه الله يوفقج ويثبتج بالشغل اللي تحبينه

 

[Om_Ksha]

مشكوره حياتي .. بس والله ماتتوقعين بالميداني شصار فيني ورب الكعبه شييب شعري !!

فمو مفكره بأي شي له علاقه بالتدريس او انى اكون اداريه برووضه مابي اى شي له تدريس .. حتى الوزاره نفسها مابيها

ماكو مكان انقبل فيه !

 

[بنت-أمها]

لا تاخذين الروضه اللي انتي فيها مقياس لما تشتغلين بمرون عليج اشكال والوان والزين والشي ويمكن تكونين بروضه مدرساتها زينين انا مدرسة ورضه والابلات على قلب واحد الحمدالله ولا عندنا حش ولا كلام فاضي


وشهادتنا ما تشغلنا الا بالتربيه

 

[nero]

ليش مشكله عاد

رياض الاطفال من احلى التخصصات

لا تخلين اي شي يخرب عليج

يمكن انتي ما توفقتي بروضه زينه بالتربيه العمليه

بس ان شاء الله لي تعينتي تلقن مكان حلوو

ترا والله التربيه العمليه غييييييييييييييييييير

والدواممم غيييييييييييييييير

وايد اخف .. وايد احلى .. مسئولياتج تكبر .. وراحه اكثر

والله يوفقج سواء بالتدريس او كملتي دراستج

وانا هم كنت ناويه اكمل قبل ما اشوف التربيه العمليه .. وهم اهلي قالولي تزوجي وروحي مع ريلج

قلت ماكو الا اقعد عند باب التعليم العالي واشوف لي واحد لوول

بس ما كملت لاني وايد حبيت الشغله .. صج ان مكاني مو زووود بس مطنشه كل شي


ولا اخلي اي شي ياثر علي والحمدلله على كل حال

 

[Om_Ksha]

ترا روضتى بالتربية العملية عجيبه من الناظره والوكيله وغيره بس الابلالالالالالات مو ذاك الزود .. مو كلهم طبعا .. وبعدين تعب 24 مخى يفكر ولوويه ..فمو مفكره انى اشتغل لانه واايد تعب ومحد يقدر ..
انزين يعني شهادتنا ماتنفع حق مكان ثانى ؟؟؟

 

[nero]

ما اتوقع تنفع

بس في وايد يطلعون من رياض الاطفال يروحون بيت التمويل .. بس يبيلها واسطه اكيييد

ام كشه

ترا التعب والتفكير اول سنه بس

لان كل شي يديد عليج

بعدين تمشين عاادي وكل شي يصير تلقائي وافكارج اهي نفسها والاطفال يتيغيرون

واذا على الاغراض والصرف مثل هالي يقولون وايد نقظ .. بس اول سنه ليما تتكون عندج اغراض الخبرات

ما تحتاجن تشترين عقب اذا بديتي صح وصنفتيهم وخشيتيهم بطريقه مرتبه تحفظهم عدل ما يحتاي تشترين بعد

 

[كل الأسامي مأخوذة ليش؟]

ماشاءلله عليج بالضبط نفس مشكلتي بس انا اللي ضايقني غير الحش والقيل والقال اسلوب المعلمات مع الاطفال
يلا الزف بلعناها تتطرين تزفين زف تأديبي مو اصراخ على الياهل جذي لو ريلج قايل بطلقج ماصرختي هالصراخ بس ليش الطق وين قاعدين حمدالله والشكر والله لو ان اعيالهم ما رضوا عليهم وهذا غير تهزيئ الطفل والله عفية على الياهل اللي مخه اكبر من الابلة وياي مداوم شسوي مسكين مجبور
وبدون مبالغة مو من روضة وحدة من كذا روضة أغلب الابلات مو الكل بس الاغلبية يطقون والحجة ان ضرب تربوي وما يعلم وان عدد الياهال 30 ((صراحة عذر اقبح من ذنب)) ياعمي وين قاعدين ييبيلي عذر سنع بعدين حاجيني حرمي من الفرصة من الاركان سويلا تايم اوت لا تلعبين فترة وبعقل بس وين اللي يطبق ويصبر
كل الاطفال بيتشيطنون وحتى اعيالنابالبيت يتشيطنون بتطقين اعيالج كيفج بس لا تطقين اعيال خلق الله وهذا والابلات دارسين تربية اربع سنين والله ابلات قبل ارحم على الاقل فيهم حنية الام وطيبتها صج تعوض الياهل عن امه بهل كم ساعة
الحمدالله يارب اني خلصت تربية عملية واني وفيت ديني تجاه ربي وحققت شي مع الاطفال درستهم لعبتهم حبيتهم من قلبي وحبوني وهذا احلى شعور بالعالم لما كل طفل بصفج مايبيج تخلينه وتيلج امه وتشكرج صج هالطفل قمة البراءة لكن تقديرة وحبه تسوى الف امتياز بالميداني
والله اني حاسة فيج بيئة التدريس بيئة اللهم ياكافي مو كل المدارس طبعا بس الاغلبية حش نفاق تدريب الطفال حق الموجة عشان التقييم ولا حاطين حق الطفل اي اعتبار الابلات اللي جذي شلون يحللون معاشهم مادري
ويقولون مجبورين يوم انج ماتحبين الياهل ليش متخصصة رياض اطفال
والله الاطفال حلوين وتدريسهم حلو ويمعتهم احلى والتخصص حلوة بس البيئة لا والف لا والابلات شي خطير داشة معسكر تدريب مو روضة
ياحلاتكم ياعيال صفي فديتهم كل يوم يداومون ليش ان الله قطني عند ابلة اتحب الياهال وتعاملهم عدل وانا طلعت نفسها فكان صفنا صج صف عجييييييييييب مافي غياب
يلا طولت عليج الفرق بيني وبينج اني راح اروح شهر 5 امريكا لغة مدة سنه انشالله ومن هناك على الماستر بس اي دولة لا لحين ماحددت
واذا الله راد وخلاني ادرس روضة و توفقت بتكملت دراستي كل العلي اني اهتم بعيالي وانسى شي تدريب الياهال للموجة

 

[Om_Ksha]

كل الاساامي ورب الكعبه انتى مثلي .. انا انقهرت لمن شفت معاملتهم للاطفال وشلون النفاق جدام الموجهه والتلزق بالناظره والحش والارف كله ..

وووووووالله والحمدالله انا راضيه عاللى قدمته بالميدانى كافي انه الامهات يمدحوونى عند الموجهه ((موجهتى)) وميتين علي والاطفال ورب الكعبه انهم علا بالي لي الحين مو مستوعبه انه خلاص ماراح اشوفهم بعديين .. والحمدالله الحمدالله الف حمد وشكر وايد اشيااااء صاااارت زينه معااى .. مع الاطفال اللى مايتكلم صار بلبل واللى واللي ..الخ

كل هذا وانا ماسويت شي ترا !! بسسسسسسس يبون ((اهتمام )).. احد يسئل عنهم يلعب معاهم يكون قريب منهم بسسسسسسسس

 

[عالي مستواها]

الحل سهل


لا تحتكين بالمدرسات اللي معاج وبس !!

طالما انتي حابه المكان وإدارتج زينه شتبين بعد بعدين بكل مكان بتحصلين " نفاق " وحش وحسد

ماكو مكان كل اللي فيه قلوبهم على بعض

الواحد يسوي اللي عليه وبس ماله شغل بغيره

على فكرة رياض الاطفال مالهم مكان غير التربية

 

[كل الأسامي مأخوذة ليش؟]

واي اهم شي ام كشة حدا لاعت جبدج من المدرسة جنج حلاتي بس لي اليوم مشتاقه حق صفي صج يهبلووووووووووووووووووووووووووووووون
واي انا صج صج اسانست مع الياهال بالميداني والله عندي اثنين ما كانوا يشاركون وشطانه هههه الابلة مستغربة اشلون عندي قمة اهم شي يحبونك ويكون تعاملج معاهم على سنهم والله ولا على البال مشرفتي اهم شي حبايب قلبي صج قمة في البراءة تحسين الدنيا حلوة من تشوفينهم ماكوا نفاق بس يبون يستانسون ويعلقون على اشياء سخيفة بس تضحك
والله رياض الاطفال حلو على تعبه ومنبهاته اللي ما تخلص حلو
بس البيئة بس شدراج يمكن اذا صارلج نصيب بالروضة تطيحين بمكان حلو ويكون في احد يوقف معاج احلى شي بالميداني ان احنا كنا على قلب واحد بعض الابلات حرااااااام مايقصرون بس البعض جنى قايلتلها علميني اصنع الذرة لووول يطالعونج من فوق لي تحت ما جنى كانوا من قبل ميداني الله يسامحهم
كل مكان في مشاكله حتى الوزاراة في مشاكل اي مكان في حريم اخذيه مني في نجرة بس عليج من نفسج
بس تبين الصج الميداني عطاني اكبر حافز اني اكمل تعليمي وهذا شي حلو بالنسبة لي
الله يوقفنا بالصيفي ونكمل ي

 

[Om_Ksha]

اييييييييييه الله كريييييييييم .. يعني خلاص افقد الامل شهادتي ما منها فايده !!


بس في وحده قالت انه شهادتنا تدخل اماكن بس ماتعرف.. مادري منو قالت .. موحده بالمنتدى!