مشكلتنا في اخوي الي يحرض امي علينا

[لمسة اناقه]

السلام عليكم ورحمة الله وبركاته
شلونكم بنات ,,انشالله بخير
ومن غير مقدمات بدش بالموضوع على طول بس بنات تكفون ابي حلول واقعيه,,وافكار ممكن اطبقهاا

انا امي احسن منها مافي قلبهااا طيب بشكل ماتتصورونه ,,لما نكون انا وخواتي كل وحده في بيتها تدق علينا تسأل عنا ,,,هااا متى تبتجون ,, واذا ماجينا تزعل ,,ولامووور لحد مانجي زينه
بس تعالواااااااا شوفي لاجينا وتجمعنا يبدأ مسلسل التعليقات والنفسيه تنقلب بشكل ماتتصورووووووونه وخاصتنااا من يقعد معاها اخوي يبدأ يعلق علينا ويقلل من قيمتنا عند امي
بناتج شايفين نفسهم ,, اختي الكبيره اهي الي تحرشهم ,,بناتج لما يجون مايقعدون كله طالعين بسوق وغيره ,,شكلهم مو مسيرين عليج شكلهم مسيرين على السايق ومن هالكلام الي يرفع الضغط ويفرق الاهل
وهذا كله بس عشاااااااااااااااااان مانعطي مرته وجه لانه بصراحه حاشتنا طشار منهاااا
والمشكله مو جذيه بس
امي تبدي اخوانا علينا بشكل مو طبيعي لدرجه احس انه تطلع اللقمه منا عشان تحطها بحلوج اخواني والمشكله احنا الي نافعينها ونحاتيها اكثر من اخواني
انا ادري انها تحبنا حيل ولو مانجي تقعد تدق ودورنا بس المشكله انها الكل يأثر عليها
بنات تكفون شنو نسوي انا خواتي بهالمشكله الي مسببتلنا مشاااااكل

 

[المغفره يالله]

رد : مشكلتنا في اخوي الي يحرض امي علينا

خليج ع ما انتي علي

ولا تحتكين بمرت اخوج دام حاشكم طشاااار وكلها جم ساعه وتردين بيتج
الله يهديه بس

 

[مآمثلك شبيه]

رد : مشكلتنا في اخوي الي يحرض امي علينا

حبيبتي جووفي هـاذا اخووج يمكن يخاف عليكم
كلميه اخوج قولي له انـا قد الثقه الي عطيتني اياها
ليش تحرش ليش محتر انت فيك شي
خليه اهوا الي يشك بنفسه
وبعدين تعااااااااالي قعدي عند امج قولي ليششش انتي ماعندج ثقه فيني
ليش جذيه يتغير كلامج لما يكلمج عنه يمه أنـا مو بنتج ليش هالمعامله
وانتي ييووودي اخوج لاتخلين اي كلمه تقوله زوجته ايصدق وايي يسوي مشـاكل
خليج مع اخوج وامج وانتي الكل بالكـل ..

 

[MoonDiamond]

الله يعينكم
عاد زواره طلعوا وزواره لاتطلعون كلش

اللي تسوونه كل البنات يسونه وقت زواراتهم ومافيه شي

 

[BNT KWT]

الله يهديه يارب

 

[لمسة اناقه]

المغفره لله
شاكره مرورج
والله صدقينيكرهت اروح لبيت اهلي من المشاكل اكلم امي بتلفون عسل احلا منها ماكو بس تعالي شوفي لاجيناااا
تنقلب 180 درجه
جم يوم اقعدها تصير عندي دهر من كثر المشاكل
انا قاعد ابعد خطوه خطوه عن بيت اهلي صرت ماقعد واجد بس عشان اتجنب القيل والقال

 

[مآمثلك شبيه]

رد : مشكلتنا في اخوي الي يحرض امي علينا

لا حبيبتي البنت لازم دااااااايم ابيت اهلها عند امج
دايم قعدي عند امج ييبي اليهال معاج خل يونسون امج
وخلي خواتج عند امج كل اخت تتناوب باليوم
يعني اختج يوم السبت الثانيه الاحد كذا عرفتي
لاتخلين مرت اخوج تمشي بيتكم ع كيفهاا

 

[لمسة اناقه]

bingo
حبيبتي والله مايخاف علينا بس كله غيره وتدرين بعد المشكله انهامي تدري انه يغار بس ماتبي تزعله ودوم ترضيه على حسابنااا
حاولت امه والله انه يتعدل يوم ويرد اردى من اول
الشكوى لله بس

 

[nurseya]

رد : مشكلتنا في اخوي الي يحرض امي علينا

حبوبه هونيها و تهون
بكل بيت لا بد ان يكون جم مشكله
الله يهونها ان شاء الله
و طنشي أقوا شي ^__^
لا تحرين نفسج

 

[مآمثلك شبيه]

رد : رد: مشكلتنا في اخوي الي يحرض امي علينا

bingo
حبيبتي والله مايخاف علينا بس كله غيره وتدرين بعد المشكله انهامي تدري انه يغار بس ماتبي تزعله ودوم ترضيه على حسابنااا
حاولت امه والله انه يتعدل يوم ويرد اردى من اول
الشكوى لله بس

حبيبتي اخذي اخوج ع طرف
قولي له ليش جذيه انت فيك شي منت طبيعي احنا خواتك منو يحرشك
وخلي اخووج حيل معاج دقي عليه كل يوم سألي عنه

 

[لمسة اناقه]

moon diamond
صدقني احنا لما نطلع والله امي راضيه مو تقول شي ولا حتى مرات اهي الي تطلع معانا ونستانس كلنا بس شتقولين بعد
وبعدين لما نطلع تراااا انروح انقضي بعض اشغالنا يعني مو طالعين نستانس ونتمشى بس
بس اهو يحاول يلقى اي شي بس عشان يشيش امي واهي المشكله تحاول ترضيه على حسابنا

 

[لمسة اناقه]

بنت كويت
الله يسلمج وماقصرتي على الدعوى

 

[لمسة اناقه]

nurseya
والله شي يحر غصب والله
يعني تخلصين من الحموله ومشاكلهم تبين تلاقين الرحاه عند اهلج ماتلقينهاااا
الحمداله على كل حال

 

[لمسة اناقه]

bingo
والله ومابعد حلفي شي انه تصير مرات صكه بينا وبينه لدرجه اني قلتله انت مو يشيشك علينا بس يلف ويدور
يعني ماتاخذين منه لاحق ولاباطل اهو انسان غيووووووور فوق ماتتصورين
وشفتي مرته على انه فيها خيرها وحايشنا طشااار منها الا انها مو مترقعه مع اخوي ودوم مشاكل معاه
وتقول الله يعين شلون قبل كنتوا متحملينه
انتي ماشفتيه قبل لايتزوج واحنا نتزوج كان دوم مانشبنا على طلعاتنا وعلى لبسنا بشكل يتدخل بخصوصياتج كمراااأ
والله بديت احس انه انسان مريض بس الي يحز بخاطري انه اخوي ولا ودي اشكي لحد منه بس شتقول طفح الكيل وقلت يمكن الاقي الحل عندكم

 

[انصاريه قمره]

حبيبتي انتي انتوا رايحيين بيت امج ما يصير تهدوونها وترووحون خلوا طلعاتكم وقت ثاااني مو شرط يوم الزواره

 

[غير كل الناس]

كلموه اهو براسه ولاتخلون الحريم يفرقونكم

 

[زهراء الركابي]

رد : مشكلتنا في اخوي الي يحرض امي علينا

لا حول الله

 

[مآمثلك شبيه]

رد : مشكلتنا في اخوي الي يحرض امي علينا

الله يعيينكم ..

 

[ابلة لطوفة]

ياعمري انتي مثل حال خالاتي لما نزور بيت جدي خوالي حاطين دوبهم دوب خالاتي ويحارشووونهم وسبه حريمهم

كل يحرشوون جدتي على بناتها بس جدتي تقوف بوجيهم واهيا تحب عيالها اكثر مع محد يجابلها الا خالاتي واذا مرضت نتناوب عليها ونام عندها وحريم خوالي مايكلفووون نفسهم ينزلوون


وصدقني مناشبينا بطلعه ودخله شنو هالمكياج وشنو هاللبسه حرام علي خالاتي وعلينا وحلال على حريمهم وبناتهم


ياقلبي احنا كل شي سوينا وحريمهم يحبووون الشر والحرشه قمنا نحقرهم واذا تكلموو خوالي نسمع ونقول انشالله ونحقرهم عطيهم الكلمه الطيبه خليج انتي الحبيبه وبعدين لما يرحوون سوي اللي تبينه لان اخوانج ماراح يتغيرووون وبطبيع مايجووز عن طبعه والله هذي حالتنا من قبل لا يتزوجون خالاتي ماشالله خالاتي بناتهم صكوو 16 سنه واهم على هذا الحال خلصوووا من خالاتي جو حق بناتهم


قطي ورا ظهرج واهم شي امج والكلمه الطيبه لاخوانج ولا تحارشينهم لاني بالاخير بتطلعين انتي الغلطانه نصيحه

 

[shshoo]

رد : مشكلتنا في اخوي الي يحرض امي علينا

ياقلبي انتي شتسوين الظفر مايطلع من اللحم والام مهما يقول ماراح يأثر عليها
وانتي راعيها ولما تزورونها لا طالعون واخذي خوج بالكلمه الحلوه عشان مرت اخوج
ماتفر راسه وانتي ادره بسوالف الحريم