السلام عليكم
قبل اسبوع تقريبا كنت محتاجه مساعده من عضوات منتدانا
البعض طنش والبعض الاخر الحمدلله ردوا علي
واهما مو من كثرهم بس عضوه وحده ردت علي هههه 
المهم هالعضوه اوعدتني انها تساعدني وصارت لها ظروف (معذوره) وماقدرت تدخل المنتدى
خل اقولكم شعوري بهالوقت حالة من القلق والخوف والتفكييير المستمر:bbbiu: انه متى بتدخل
عشان اخلص شغلي وكان عندي يوم محدد لازم اخلص الشغل صج صج توترررررررررررت
وقعدت ادور احد يساعدني غيرها بس كانوا يوعدوني وبعدين يطنشون :eh_s(11):
الحمدلله ياااااااارب :yaaaaaarb: بعد عناء طوويل الايام كانت بالنسبه لي جنها شهور هههههه
العضوه دخلت ووفت بوعدها وهالشي مو غريب عليها لانها بنت اصول وراعية واجب
حبيت اشكرها من كل قلبي عسى ربي يسهل امورها :eh_s(9):
ويوفقها ويسعدها ويسهل حملها ويرزقها الذرية الصالحه
ويفرج همومها ويحفظها وين ماتروح
ويفرج همومها ويحفظها وين ماتروح
ادري تشوقتوا تبون تعرفون منو العضوه مو ؟؟
العضوه اهي الشامريه
شكـــراً الف شكر حبيبتي على حسن اخلاقج العالية كلمة شكراً
ما توفيج حقج و لو علي جان كتبت مواضيع شكر مو بس موضوع واحد :eh_s(7):
وانا حطيت هالموضوع
عشان كل بنت تدخله تدعي لها بظهر الغيب لانه صج تستاهل ماقصرت معاي معروفها ماراح انساه
حتى الي دخلت وماردت على موضوعي ماتهمني المشاركات كثر ماتهمني الدعوه لها بظهر الغيب
ترى صج قليل بأيامنا هذي الي يساعدون بدون مقابل النفوس تغيرت كل شخص
يركض ورا مصلحته طبعا مو الكل اقصد البعض
و مشكورين جميعاً :eh_s(17)::eh_s(17):
