مشكلة ولدي ماني لاقية لها حل

[mrs-yousef]

السلام عليكم

امهات ... انا ولدي عمره سنه ونص

واذا بغه شي وماخذاه يبجي حييل لي درجة انه ينقطع النفس عنده والله امس ولدي انكتب له عمر يديد تخيلوا بجه شوي جان ينقطع نفسه وتصعد عينه فوق وراسه يرخى صار خرجه بيدي لما رشيت عليه ماي شوي صحه ورد يبجي وويها ازرررق

يعني حالته مو طبيعيه ولا اهوه كبير عشان اقول يمثل !!

حته لي بغه يشرب ماي ولا عصير بقلاص لازم يشرق ومرات بروحه من غير شي يشرق

ياريت الي تعرف دكتور شاطر يفيدني

 

[دلع86]

الله يعييينج والله

انا من غير شي اخااااف على اليهال

بس اعتقد تكوون طبييعه في الياهل وماتقدرين تغيرينه لان اعرف يهال نفس حاله ولدج بس لمن يكبر يتعدل

 

[لؤلؤية]

رد : مشكلة ولدي ماني لاقية لها حل

حبيبتي لا تخااافين
انا بنتي كانت جذي
لما تبجي..واهي تبي شي..او محتررة من شغله
مثل اغماءة
كان يصير حوالين حلجها ازرررق...وعيونها ماتغمضهم عدل بس يبين الابيض
ويصير مافيها حييييل ...ايدينها وريولها مرتخيين وطايحييييين
انااااااا اخترررعت وقمت ابجي
و شفت ام ريلي تبلل ايدها بالماي وتغسل ويه بنتي..وتهزززها
انا هنيه اختبصت
وشوي ويرجع لها الوعي..تكررت الحالة اكثر من مرة
رحت لدكتور قالي وراثة !!!!!
قلتله مافينا احد جذيه ابد من اهلي
وام ريلي تقول حتى عندنا مافيه هالحالة
المهم
اني احاول ما اخليها تبجي كثر ما اقدر
والحين بنتي
ما شاء الله بالعشرينات وموظفة...بس الاعصاب على طريف
ههههههههههههههههههه

الله يحفظه لج

 

[لؤلؤية]

رد : مشكلة ولدي ماني لاقية لها حل

بس
عشان تتطمنين لااازم تروحين دكتور

 

[*ماي الورد*]

رد : مشكلة ولدي ماني لاقية لها حل

breath holding attack
هذي اسم الحالة
تروح على سن دخول الروضة
لا تحاتين

 

[*ماي الورد*]

رد : مشكلة ولدي ماني لاقية لها حل

http://www.netdoctor.co.uk/ate/childrenshealth/203065.html

 

[(أم نونو)]

رد : مشكلة ولدي ماني لاقية لها حل

عادي لما تكمل4 سنين تروح عنها الحاله بس حاولي انج ماتبجينها حيل

 

[love love]

بنتي لما تشرب تشرق بسررررررررعه

لانها تشرب وماتاخذ نفس

بس وديه لدكتور احسن

 

[mrs-yousef]

مشكوريييين خواتي ماقصرتوا

وشكرا عالموقع حيل طمني

:hjy5jewf:

 

[eman84]

ان شاء الله مافي الا العافيه لاتزعلينه توه صغيروووون

واقري عليه دايما
وقبل اكله وشربه سمي عليه وان شاء الله فتره وتعدي

 

[dnyay_mll]

رد : مشكلة ولدي ماني لاقية لها حل

الله يحفظه ويخليه لج ان شاءالله

 

[العاطفية]

أنا مع إيمان صج لا تزعلينه حاولي تغيرين انتباهه ولدي كبره وهم يشرق بس قمت أشربه بعود شوي وأوخر وجذي لين يشبع

 

[*ريما*]

رد : مشكلة ولدي ماني لاقية لها حل

لاتخلينة يبكي
اخاف من الشرقة خصوصا للطفل

 

[أم حمد =)]

رد : مشكلة ولدي ماني لاقية لها حل

ان شالله ما فيه الا العافيه

 

[moltencake]

كان ولدي يعاني من هالشي و هو Breath holding attack بس الحمدلله راحت الحاله عنه. في البدايه واحد من الدكاتره قالي في ارتخاء بالبلاعيم بس بعيد يوم رحت حق الدكتور فهد المخيزيم شرحلي الحاله و طمني و قالي علاجه الحقران.
يعني اذا يبي شي لا تعطينه اياه بالمره حتى لو بجي و اغمى عليه.
و اذا زرق حاولي انج تهدين و تهدين اللي معاج و بعدين حاولي تعطينه ظهرج و تروحين تشغلين نفسج باي شي بس راقبيه من بعيد و لا تخلينه يشوفج. اما اذا اغمى عليه نفخي بويهه مو بحلجه من بعيد او اسدحيه على جبن و يبي ريله ليما بطنه.
ترى يبيله صبر ماراح يطيب بيوم و ليله تصبري و تحملي ودايما نبهي اللي معاج انه مايصارخون و يختبون و انتي بالذات لا تخافين و انتي تعاملين معا.
ملاحظه: اذا زرق ولدج لا حظي عيونه اذا صارت كلها بيضه يعني ما تشوفين السواده اهني راجعي الطبيب ضروري. بس اذا كان يغمض عيونه او يبطلها بس تشوفين السواده عادي بس اهم شي الحقران لأنه ما نفع ولدي غير الحقران.
و في شي ثاني عامليه طبيعي لا تحاولين انج تراضينه علشان ما يبجي. لا عامليه عادي و اذا خذيتي الشي منه لا تردينه لا و تعطينه اللي يبيه على هواه. مشي كلمتج و راح تروح عنه الحاله لأنه اذا شافج راح تسوينله اللي يبي راح تزيد الحاله ما راح تعالجينه.
ادري انه طولت عليج بس وايد كنت اعاني من هالحاله و الله يعينه و يخليه لج.