مشكلة مستمرة معااااي

[حنين الوورد]

مساء الخير.عندي مشكله مستمره متعبتني الالام الدوره شهريآ تي لي الالام مو طبيعيه وضروري اروح المستشفى شهريآ ازور الطبيب وصار لي سنه ع هالحاله صج من قبل سنتين تي لي الالام بس مو كل شهر اروح طبيب ???تعبت تعبت من الطبيب وتعبت نفسيتي مع العلم أني بنت مو متزوجه تكفوووون قولو لي شنو الحل وشنو علاج الالام والله العظيم تعبت ولاعت جبدي اللي مرت بنفس حالتي وتعالجت لاتردني

 

[حنين الوورد]

معقوله كلكم مافي حد نفس حالتي ؟؟؟ بديت أخاف صراحه

 

[baa6aa]

اغلبنا كنا جذي .. بس من جسم لي جسم يفرق مفعول المسكنات و تاثيرها
اذا مو مجربه مسكن ادفل
جربيه اهوة الوحيد اللي نفع معاي و يخلي العوار يختفي

 

[حنين الوورد]

اغلبنا كنا جذي .. بس من جسم لي جسم يفرق مفعول المسكنات و تاثيرها
اذا مو مجربه مسكن ادفل
جربيه اهوة الوحيد اللي نفع معاي و يخلي العوار يختفي

لااا مو مجربتا تكفين نزلي لي صورتا عشان اشوفا وستفيد تكفييين. وتنصحوني اروح الى طبيبة نساء عشان العوار المستمر عندي والا لا ???

 

[ريتاج_90]

بوقت الدوره لازم تدفين روحج وتلبسيندلاغات وجم طويل
وثاني شي ابتعدي عن الاشياء الحامضه والمشروبات الغازيه والفلفل
واشربي اشياء دافيه واشربي زعتر والاعشاب زينه

 

[Pink_Roses]

لازم تروحين طببيبة وتكشف عليج يمكن عندج تكيسات واكيد راح تعطيج علاج يريحج

 

[كويتاويه2009]

راقبي اكلج اكيد تاكلين برد ومثلجات وغازيات كل هذا يطلع عليج بالدوره وسلامات ماتشوفين شر

 

[Tom ♥ Jerry]

اعرف بنات نفس حالتج وأيد يتعبون وقف الدوره و يروحون الطبيب في كل دوره، و الله مادرئ شنو. الحل بس أكيد دكتورتج تفهم اكثر منه

 

[wardia]

بعد قلبي، هم انا جذي نفسج يوم كنت بنيه ومازالت المشكله مستمره مع اني متزوجه وقالولي ان الم الدوره يخف بعد الحمل والولادة.

 

[Om_HoBi]

انا وانا بنت كان عندي عوار دوره كان يبلش ثاني يوم مده يوم واحد خاصه وانا نايمه اتعصر منه يضاااايق و بعد ماتزوجت ما اذكر اني كنت احس فيه بس عقب الحمل و الولاده رد معاي عقب ماولدت بسنه قمت اتألم منه وحتى وقت التبويض و الحمدلله مافيني شي
بس ماكو الا مسكنات عندج بروفين و كاتفلام و بونيستان
و اذا تعرفين وقت دورتج متى بكل شهر استعدي و تدفي و شربي اشياء دافيه قبل لا تنزل
دارسين زنجبيل اناناس هالسوالف