قبل كل شي انا سجلت بعضوية يديدة علشان اكتب هالموضوع الي مضايقني صايرة فترة مو متحملة اخش بقلبي تعبت ماني قادرة اقول لاحد وانتو مثل خواتي تفيدوني وتهونون علي, انا بنت مو متزوجة و لله الحمد من بيت محافظ وحساسة واااااايد بشكل ماتتصورونه اصغر شغلة ممكن تكدرني، مشكلتي وين؟ اني لما اشتغلت حبيت واحد معاي بدوامي هل هو حب اعجاب مادري!!, اهو اصغر مني بسنة تقريبا، المهم الشغلة عافستني امبيه وايد يقولون لي احسج يا فلانه مو نفس اول كله متضايقه وويهج حزين, تعامل بين بعض ماكو اللهم جم مرة بس بو ثواني او السلام وعليكم السلام، اذا ماداوم اتسبه واتضايق اتمنى استاذن واروح ماتحمل اقعد والمزاج اكس, مرات اخااااااف يبين علي اني حابته مع اني مابين هالشي الحمد لله ماعندي سوالف المخازز والتلزق, وهو طبعه ريال هادي وخجول شوي, بعض المرات احسه ملاحظ وجودي ومرات العكس, لما اشوفه يحاجي وحده امووت من الغيرة اشب واطفي اتعومس، كل خوفي بنات لو تزوج او خطب وقتها شبيكون شعوري!! حتى لاوزعوا جوكليت يجي ببالي فلان تزوج وهو موزع شعور يعور, شلون انساه او احاول اني مافكر وهو كل يوم اشوفه! الشغل مابي اغيره مرتاحه وفرضا غيرت يمكن يطلع لي دوام موزين و لو بغير الادارة صعب يبيلة واسطة شكبرها فكرت اخذ تفرغ دراسي واستفيد لكن لهم شروط صعبة وفوق هذا واسطة يجيني شعور ان كل شي مسكر بويهي استغفر الله
الله يعافيكم الي تقرا مشكلتي تفيدني او تدعيلي الله يفرجها علي واحنا بشهر خير الله يعافيكم لاتبخلون علي والله اكتب ودموعي يمكن بتقولون ماعندها سالفة مو موضوع كبير بس اللي بداخلي مايعلم فيه الا ربي حتى لاكليت و طرى على بالي هديت اللقمة
الله يعافيكم الي تقرا مشكلتي تفيدني او تدعيلي الله يفرجها علي واحنا بشهر خير الله يعافيكم لاتبخلون علي والله اكتب ودموعي يمكن بتقولون ماعندها سالفة مو موضوع كبير بس اللي بداخلي مايعلم فيه الا ربي حتى لاكليت و طرى على بالي هديت اللقمة
~؛ 
