مشكلة عااااجلة ،، أرجو مساعدتكم

[سمر بنت الكرخي]

السلام عليكم

بنات تكفون طحت بمشكلة و أبي مساعتكم ..

أمس بتاريخ 28/1/2011

ضاعت كامرتي بمجمع شرق ..

كامرة كاسيو لونها نحاسي >> شاشتها مكسورة ..

المصيبة ان الموميري فيه أكثر من 300 صورة أغلبها لي ولاختي..

تكفون الي واجهتها مثل هالمشكلة ولا شافت كاميرا طايحة تفيدني ..

 

[ما تخيلتك حبيبي]

رد : مشكلة عااااجلة ،، أرجو مساعدتكم

ان شاااء الله تلقينهاا .. فيهاا صوورج .؟؟

 

[مستعجلة ~]

رد : مشكلة عااااجلة ،، أرجو مساعدتكم

فيها صورج ؟؟

 

[شذى الحب]

الله يستر عليج يارب

 

[سمر بنت الكرخي]

رد : مشكلة عااااجلة ،، أرجو مساعدتكم

اي صوري المشكلة مو صورة لا ثنتين فوق ال300 صورة

الكاميرال بالطاقاق ماأبيها بس المهم الميموري ..

أنا وحدة للأسف أموووت عالتصوير أصور يوميا .. وأغلب لقطاتي بدون الحجاب..

تكفون ..

واللي مابيدها الحل عالأقل تدعيلي..

 

[طفـشآنه]

,





سألي السكيورتي و حطي إعلآن و رقم الوآلد أو خوآنج
و اقري الدعآء : اللهم يآ جآمع النآس يوماً لا ريب فيه ان تجمع بيني و بين ضآلتي ,


و عسى الله يستر عليكم و تلقونهآ عآجلاً ليس آجلا ً ^^ ,

 

[خوختي دنيتي]

الله يستر عليج وعلى اختج
ولاتخلين روحي بلغي ادارة المجمع وان شالله يكون احد لقاها وسلمها

 

[*شمعة وفا*]

الله المستعان
هذي مصيبة التصوير
إن شاء الله تلقينها بدون محد يلعب فيها
بس نصيحة
إذا ماكنت قادرة تخلين التصوير,, ع الأقل خلي الكاميرا أو التلفون بالبيت
في بنات يقولون احنا ماراح نبيع التلفون عشان جذي عادي نصور
بس إذا كنتي ضامنة إنج ماراح تبيعينه,, فأبدًا ماراح تضمنين إنه مايضيع
حبيبتي أنا ما أقصد ألومج.. لكن نصيحة لبعدين
عسى الله يجمع بينج وبين ضالتج ,, وإن شاء الله تطمنينا قريب

 

[النملة نواري]

ان شاء الله اطيح بايد خوش ناس و يردونها لج

 

[وردة بيتنا]

الله يحفظج اختي و يستر عليج و يرجع لج الكاميرا

كلمي السكيوريتي و الاستعلامات بالمجمع عشان اذا ردت الكاميرا يتصلون عليج

يا رب تحفظها و تطيح الكاميرا بإيد ناس صالحة تخاف الله و ترجع الكاميرا

 

[غلا 89]

روحي المجمع بسرعه و بلغي الادارة

وتذكري اخر مرة وين حطيتيها تذكري المحلات

يمكن في محل او شي روحي ساليهم يمكن الموظف خلاها عنده ما وداها الادارة

 

[lovely jojo]

الله يستر عليج يارب

 

[سمر بنت الكرخي]

رد : مشكلة عااااجلة ،، أرجو مساعدتكم

مشكورين خواتي وجزاكم الله خير رحت لهم وسالت السكيورتي والاداره قالو ماوصلنا شي وخذوا ارقامنا
والله يستر حددددددددددددددددددي متضايقه

 

[بدورة القمورة]

حبيبتي نفس حالتي

قبل 6 شهور مالقيتها للحين

بس الحمدالله..ماصار شي

ادعي ربج يستر عليكم

 

[كراميلا مرة]

رد : مشكلة عااااجلة ،، أرجو مساعدتكم

ان شاء الله تلقينها بدون ماحد يتعبث فيها

 

[غرور وايل]

وعليكم السسلام ~

ان ششاء الله مايصير الا كل الخير ~

ان ششاء الله تطيح بايدي ناس يخافون ربهم ~

والله يسستر عليج وعلينا ~

 

[Tom ♥ Jerry]

رد : مشكلة عااااجلة ،، أرجو مساعدتكم

.



لا حول و لا قوة الا بالله العلي العظيمـ ..
الله يستر عليج يا قلبي و آن شاء الله تلاقينهآ .. روحي آدآره المجمع قوليلهمـ

 

[شيخـة الـزيـنـااات]

رد : مشكلة عااااجلة ،، أرجو مساعدتكم

الله يستر عليج

وان شاء الله تلاقينها،،

 

[dnyay_mll]

رد : مشكلة عااااجلة ،، أرجو مساعدتكم

واي خرعتيني انا كاميرتي معاي دايما بالجنطه

من اليوم بخليها بالبيت

الله يستر عليج وتطيح بايد ناس تخاف من الله

 

[ملواكي]

انشالله يلقونها
ولازم اتبلغين ابوج او اخوج او ريلج
اي ريال مسؤول عنكم عشان لو يصير شي لا سمح الله يكون عندهم خبر
والله يستر عليكم