مشكلة خطوبة

[~ tOoOtA ~]

السلام عليكم بنات


بنات في موضوع محيرني حححيل
واستحي اكلم احد فيه


انا انخطبت من واحد من اقاربي
امه كلمت امي .. وامي قالتلها انا موافقه بس اشوف راي البنت وابوها
هالكلام قبل 10 ايام

وممن عقبها ما صصار بينا شي

امي تقول المفروض الابو و ولده اييون ويكلمون ابوج يخطبونج منه
وانا اقول المفروض انتي ادقين على امه وتقولين البنت موافقه !!!
عشان اييون الرياييل

المهم الي شاغل بالي

10 ايام واهم لا حس ولا خبر
هل معناته انهم هونو ولا قاعدين ينطرون امي تردلهم خبر ؟
مع العلم انه اهم مكلمين امي اكثر من مره بس اخطبتني رسمي قبل 10 ايام او اكثر

ارجوكم فهموني

 

[Tom ♥ Jerry]

.


صبري و استخيري بعد .. اذا زين لج الله اييبه لج ان شاء الله
و اذا مو زين لج خيره ياقلبي و الله يبعده
كل شي قسمه و نصيب :*

 

[لمى الهاجري]

اممم خلاص خلها تقول لهم انج وافقتي واستغفري عشان امورج تسهل

 

[granted]

لا لاتدق امج الاصول اهم الي يدقون لايقول هذيلا ميتين على ولدنا lol
احنا عندنا جذي الي تخطب بعد فترة ترد تسال عن راي البنت ومتى يون الرياييل عرفتي

 

[Belle de Jour]

لاتفكرين كثير عشان ماتحزنين لو ماصار شي
قولي بنساه اذا ربي كاتبله لي بيرجعون...
لاتحاتين كثير

 

[برستيجي مآركة]

Belle de Jour صح كلامها

لا المفروض اهم اللي يتصلون يشوفون راي البنت مو ام البنت اللي تتصل هذا اللي اعرفه

لكن حطي في بالج يمكن يصير ويمكن لاااا ولاتشغلين نفسج بالموضوع حاولي تشغلين نفسج بأمور ثانية
وهم حطي في بالج ان ماصار شي خيرررررة ان شاءالله وربي يوفقج بالافضل وييسر امور حبيبتي

 

[نونه المنكوشه]

حبيبتى اللى اعرفه انه ام الولد اهيا اللى ادق علشان اتعرف راى البنت انتى استخيرى والله يكتبلج الخيره

 

[اريج الخزاما]

حبيبتـي التمسي العذر امكن سارت لهم ظرف

وانتي صلـي الاستخاره على شان اذا كان خير لك ربي يقربه و اذا شر ربي يصرفه عنك
والي اعرفه ان اهل العريس هم الي يتصلوون

الله يكتبلك الي فيها خيــره لك ربي يوفقك ان شاء الله :eh_s(7):​

 

[black rose BH]

اذا نصيبج بتاخذينه ان شاء الله

الله يوفقج ويسهل عليج يارب

 

[nour el denya]

المفروض أن أم الولد إهيا إلي تتصل و تسأل لاتخلين أمج تتصل

 

[أعشقه]

عادي والله مافيها شي دامهم من الاهل مافيها شي لو رجعت وقالت لهم انا سالت البنت والبنت فكرت وموافقه
خلاااص خلو الرجال يجون يطلبونها من ابوهااا
والله مره اختي كذا انخطبت وجلسنا سبوعين ثمن كلمو جدتي قالو تاخرو علينا واحنا ننتظر يعطونا خبر ماردو قالو بيشفون البنت وللحين عشان يبون الرجال يجون
وكلمتهم امي قالت لهم خلاص البنت موافقه ويوم ثاني جاو الرجال وطلبوها رسمي
مافيها شي ولا تدققون هم الي اتصلو طلبوك من امك وامك قالت لهم بشوف البنت
مافيها شي لو رجعت وكلمتهم وقالت لهم
هذا رايي وبكيفك في النهايه

 

[بحر الرمال]

لازم امج تدق طبعا لانهم ناطرين ردج، و تاخركم بالرد يمكن يعتبرونه رفض غير مباشر او انكم كاشين منهم،خلي امج تدق عليهم و تقول

 

[وردة الدوحه]

ههههههههه اشفيج وايد متحمسه اذا هو من نصيبج بتاخذينه توكلي على الله

 

[دلوعة أبوهآ]

آلمفروض امك تدق عليهم وترد لهم خبر بموافقتك
لانها هي قآلت اشوف البنت وآبوهآ ..!
ف الاكيد انهم ماراح يبآدرون بشي الا بعد الموافقه الاكيده ..



والله يكتب لك اللي فيه الخير

 

[Patcholli]

يمكن معطينج مهلمه تفكرين ..

والمفروض اهم يدقون يعرفون شنو الجواب مو امج تدق .

تقدرون تطرشون احد يجس النبض اذا تحاتين

 

[اصيله بنت البدو]

لابغوج دقوا عليييك وان شاءالله تتيسرالامور لاتحتايين ربج مايصفطللج الا الخيييير