مشكلة بين الجار و الام

[كيكة الكرز]

بكتب لكم مشكلة رفيجتي على لسانها و ان شاء الله تلاقون لها حل :

مشكلتي كبيرة و حيل متضايقة منها
امي الله يهديها ما تحترم او تحشم احد و اذا عصبت تقعد تسب بألفاظ وصخة حيل و مو محترم
المهم السالفة و المشكلة ان صار سوء تفاهم مع جارنا و المشكلة بسيطة ما تستاهل هالسب و الاهانات امي الله يسامحها قامت تسب جارنا سب وصخ حيل حيل و اتهمته بشرفه مع ان الموضوع اللي كان سبب الخلاف ماله شغل بالشرف
الحين الريال رفع عليها قضية سب و قذف
وين المشكلة الحين ؟؟؟؟؟؟
جارنا طلب شهادتي بالمحكمة لاني كنت واقفة و سامعه باذني السب و القذف و بصراحه اكبر الريال معاه حق لان شهرت فيه و الله يهديها اي احد نعرفه تقعد تسب الريال بمناسبة و من غير مناسبه

الحين اذا كتمت الشهادة حرام و الله يحاسبني و من ناحيه ثانية شلون اروح المحكمة و اشهد على امي ؟؟
لا تقولون لي صلحي الامور و هدي النفوس و تعوذو من ابليس لان هالشي صار و حاولنا الصلح لكن امي الله يهديها مستمره بالسب و القذف للحين و جارنا يسمع السب و القذف يوميا بحكم ان جارنا شلون تبونه يسكت ؟؟
و لا تقولون وين ابوي لان متوفي الله يرحمه و ما عندي الا خال واحد اصغر من امي و هم تسبه و عمامي ما يتدخلون بهالامور
ابي حل تكفون الجلسة قربت بالمحكمة و طالبين شهادتي و اذا سألوني اقول الصج ؟؟ او ادافع عن امي و معناها اني راح اكذب على المحكمة لانها فعلا سبت و قذفت جارنا بالباطل

 

[Tom ♥ Jerry]

,


لاحول و لا قوة الا بالله العلي العظيم
آمبيه صج مشكله عويصه حيل

مآدري شقول .. اذا مآ شهدتي مشكله
و اذا شهدتي ضد آمج مشكله !

روحي حق يآركم حبيبتي و كلميه و فهميه
و آن شاء الله يطلع خوش ريال و يتنآزل بعد شتسوين !

جربي مآلج الا هآلحل

 

[دلقينيوم]

استخيري وتوكلي على الله

 

[zozo.7ob]

يا اما تروحين لشيخ و يقولج الحل او انك تقولي لجاركم يصبر لانو عم ياخذ حسنات وايد و ذكريه بفضل الكاظمين الغيظ و العافين عن النس لان الله عد لهم جنات عرضها السماوات و الارض و ادعي بصلواتج وايد ان الله يستر بس صج الله يعينج

 

[كيكة الكرز]

يا اما تروحين لشيخ و يقولج الحل او انك تقولي لجاركم يصبر لانو عم ياخذ حسنات وايد و ذكريه بفضل الكاظمين الغيظ و العافين عن النس لان الله عد لهم جنات عرضها السماوات و الارض و ادعي بصلواتج وايد ان الله يستر بس صج الله يعينج

البنت كلمت جارهم و رافض الصلح لان اصلا امها ما تبي الصلح و عاجبها الوضع و مستمرة بقذف الريال بصوت عالي و يوميا علشان يسمع السب و الريال يوميا تقريبا يسمع السب بأذنه شلون يسكت ؟؟

 

[مهندسة الابيات]

حبيتي الله يعينج

استشيري شيخ في السالفه
وخلي الشيخ يتوسط لكم عند جاركم

بس المشكلة بتم موجوده اذا امج تم اسلوبها جذي يعني لا زم تشوفين لكم حل حبيبتي معاها

 

[mahawe]

قوليلها أنج راح تشهدين في المحكمة يمكن تخاف وتسكت لأن أهية تدري أنج ماراح تتكلمين وواثقة من هالشي بس لمحي لها أنج بتتكلمين وشوفي شنو تقول وأذا كلش شوفي أي أحد أكبر من أمج يقدر يتفاهم معاها ومع جارهم .

 

[ليليان ..]

..







أشهدي عليهآ ,
مَ تدرين يمكن تتوب عقبهآ من سب وشتم الناس بغير حق
وشهادتك تكون هي سبب هدايتها​

 

[الأميرة جوري]

لاحول ولا قوه الا بالله

الله يكون عونكم ويهدي النفوس

 

[Shinexo]

ماتقدر تشهد على آمهآ جدآمهآ صعبه .. الحل تروح تكلم آلجآر تقوله يجيب شآهد ثآني يسمع آلسب آللي يصير بمآ آنهآ كل يوم تسبه من جذي يطلع شآهد ثآني وتبعد نفسهآ عن آلمشآكل , آو آذآ كلش كلش تكتب شهآدتهآ ب شآهد مجهول عآدي تروح آلمركز آو تطلب آلشرطي يجي آلبيت وتكتب شهآدتهآ وتوصيهم يكون بدون آسم عشآن آمهآ مآتدري وتسويلهآ مصيبه

 

[PuPa^^SWeeT]

بلغي امج


اتروح تعتذر


ولا راح تضطرين تشهدين اذا نادوج


شوفي شنو ردة فعلها

 

[زوجة عزيز]

الله يعينج كلمي جاركم مره ثانية يمكن يتنازل

 

[هويتك]

صج موقف كبير

لازم تسالين شيخ افضل

 

[Combat]

غريبة بالمحكمة ممنوع طلب شهادة الاقارب من الدرجة الاولى الاخ الابن الاب الام
لان شهادتهم مجروحه
بس دام امج مستمرة اعتقد الافضل تشهدين

 

[M!SS.LOBY]

لا حول ولاقوة الا بالله

شوفي لج حل ولا تشهدين على امج

ولا توقفين مع جاركم ضد امج

 

[ناتشوو]

لا
حاولي ترفضين
انا مادري
هل هو اجباري حضورج؟
لا تشهدين زور
ارفضي التدخل

تناقشي مع امج
علاقتج فيها مقطوعه ؟

اسألي شيخ دين
وفهميه السالفه
هل هو حرام سكوتج ؟

احس مندفعه ضد امج
اللي يقرا الموضوع
احس امج مو طبيعية
ليش دخلت الشرف
وليش مستمرة بالحش
وليش ماتسولفين معاها
ان السالفة كبرت حيل
حسيتها عادي مو خايفة لا من مخافر ولا قضايا
ولا سمعتكم


الله ييسر امورج

 

[RowTow]

الله يصلح ذات بينهم.

بس إذا فعلا وصلتي للمحكمه لا تشهدين إلا شهادة الحق. شهادة الزور عقابها عند الله كبير.

عن الرسول صلى الله عليه و سلم: ألا أنبئكم بأكبر الكبائر ؟ قلنا : بلى يا رسول الله ، قال : الشرك بالله ، ثم عقوق الوالدين وكان متكئا فجلس ، ثم قال : ألا وقول الزور ، ألا وقول الزور ، فما زال يكررها حتى قلنا : ليته سكت.

 

[يجازيك بحبك]

لاحول ولاقوة إلا بالله العلي العظيم
أختي حاولي تكلمين جاركم وكلمي امج والله يصلح مابينهم ويكون
في عونج ...

 

[mrs.abk]

لا تروحين المحكمة بس هددي امج وديها عند محامي خليها تسمع بإذنها عقاب السب والقذف .. خليها تفهم إن ممكن تنسجن .. ساعتها يمكن تغير رايها وتطلب الصلح وخلي المحامي يقنعها ويقنع الريال .. وانتي ارفضي الهادة وعطي امج إنذار ان لو تكرر بتشهدين

 

[غيمه مطره]

حبيبتي الله ياجرج ويهدي امج

حاولي تكلمينها تعتذر للريال واكيد بيكون شي صعب عليها

وانتي حاولي تحلين الموضوع مع جاركم فهميه موقفج

حتى لو امج غلطانه ميخالف خل يتحمل شوي امج طبعها جذي

والله الصبر عليها اجر ترا لاتفهميني غلط حبيبتي صح امج غلطانه

بس هم انتي بنتها اكيد ماراح يهون عليج تشهدين او حتى تجذبين

ماشاء الله عليج مبين عليج حكيمه وفاهمه انا اقول كلمي جاركم بالحسنى

الرسول صلى الله عليه وسلم كان يصبر على اليهودي اللي كل يوم يقط زبالته جدام باب

الرسول صلى الله عليه وسلم وسبحان الله الرسول كان يقابله بالحسنى احنا بشر

معقوله مانسامح اذا احد غلط علينا ونحتسب الاجر عند الله حاولي تفهمينه موقفج

هاذيي هم امج ماعليه مره كبيره وحاولي تسالين احد المشايخ بالموضوع يمكن يفيدج

وادعي حبيبتي

الله يكون بعونج وانشاءالله تنحل المشكله بالهداوه