مشكلة بنت عمي

[ام اريج 22]

بنت عمي طالبه تقدم لها ولد عمي وهو مطلق ماصك له شهر وهو شاب دين ويكبرها 13 سنه محتاره البنت لانه كبير ومطلق وطليقته حامل خايفه لاتزوجت يفكر يردلها علشان العيال متردده حيل البنت وضايعه خصوصا هي تمنى ترتبط بمتدين شوروا عليها بنات ترا اهي من السعودبه وعضوه معانا

 

[ام اريج 22]

اب صبحكم الله بالخييييير

 

[Nokia N95]

فرق العمر وايد

وتوه طلق

يمكن بعد ماطليقته تولد ... يرجع لها ....

من وجهة نظري ..... ما ترتبط فيه

 

[dana.o0o]

دامها طالبه اكيد بعدهي صغيره..
المستقبل جدامها خليها تخلص دراسه وبعدين يصير خير .. وعسى ربي يرزقها الي احسن منه..
يقولج وما الحب الا للحبيب الاولي بكره طليقته تولد واكيد بيروح يشوف ولده واكيد يشوفها وتحلو بعينه وبيردها ..

 

[glby7sas]

لو انا مكانها مااوافق بسرعه اقوله اول خلص موضوعك مع طليقتك واستقر بعدين تعال اخطب لانه مرته حامل وتخيلي تولد ويحن قلبه عالياهل موحلوه يصير معاها شريجه
بعدين اهي صغيره دامنها تدرس يعني شالله حادها تاخذ مطلق ترا وايد في دينين وملتزمين يعني مادري انا حطيت نفسي مكانها وشفت انه لو امها تقوله خلص امورك واستقر بعدين يصير خير افضل عشان تعرف وماتتحسف

 

[وردة وطني]

لو بمكانه ماوافق
وهي خليه تستخير
ممكن باي لحضه يرجع له

 

[ام اريج 22]

طليقته م زيونه تشبهه نجاة الصغيره وبنت عمي تخاف يقارنها فيها بنت عمب مملوحه وقصيره بس طيوبه والكل يحب سوالفها

 

[ام اريج 22]

سبب طلاقه منه انها مومريحته

 

[ام اريج 22]

بنت عمي رفضته قبل لاياخذ طليقته يعني للمره اثانيه يتقدملها شي حلو

 

[latkt7as]

شحقه مستعجله؟؟

كانها طايحه بجبد نفسها

اول شي طالبه يعني اكيد ماتعدت ال20
ثاني شي اكبر منها باكثر من 10 سنين
ثالث شي مطلق
رابع شي مرته حامل

يعني كلششش مايصلح لها
يمكن يحن اذا جاله بيبي ويردها

عندها استعداد تكون زوجه ثانيه وعندها شريجه
عندها استعداد تغامر بمستقبلها

ادري كلامي ممكن مايعجبج
بس هذي وجهه نظري

 

[Royof]

نصيحه لا توافق

شكثر مطلقين حمل طليقاتهم ولما تولد المرا يردها ومنو تاكلها البنت الصغيره


حرام لا توافق

دامها صغيره ربي يعوضها باحسن منه

 

[قطرية كشخة]

الي اعرفه الحامل ما يصير تطلق الا عقب الولادة اي الحامل ما ينحسب لها طلقة

 

[عروسة اكتوبر]

انا نفس قطريه الحامل ما توقع عليها الطلقه إﻻ بعد الولاده هذا إلي اعرفه

 

[M!ss CoLoRz]

لا بنات الحامل عدتها تخلص بمجرد ما تولد مو انها ما تنحسب طالق وهالكلام ينطبق للطلاق وللي زوجها يتوفى

المهم نرجع لموضوع البنت ... صراحة لو انا مكانها ما اوافق مابي اشربك روحي !!!!

اهيه خلها تصلي استخارة وتستشير اهلها واللي الله كاتبه بيصير

 

[نـعـومـه]

مادري احس وضعه مومال تاخذه تنطر اييلها نصيب احسن

 

[بتبوتااا]

تنطر والريال كبير عليها ختكمل دراسه احسن لها لاتتمشكل معاه باجر عشان طليقته وعيالها

 

[ام اريج 22]

اب اب

 

[shak!shoka]

لا ما توافق ولا تاخذه من رايي

 

[ام اريج 22]

اب اب مساء الخييرات

 

[طيبة83]

انا احس اهو ما عنده ولاء ولا ذات

مخلي هذيك حامل وعقب شهر يدور غيرها؟!

هل كثر بسرعه نسى العشرة؟؟