مشكلة ام زوجي تعبتني

[اليزابيث]

صباح الخير بنات شلونكم،
بختصر الموضوع من بدايته وابي تشورون علي فيه نفس ماتشورون علي خواتكم
لان صج صج تعبت من هالسالفه وصارت هاجس عندي
من فتره لاحظت بتغيير بأم زوجي وهي صغيره بالعمر وزوجي اكبر عيالها
واكتشفت انها تكلم واحد وتأكدت مليون بالميع بحكم اني على طول معها وقريبه منها
انصدمت صدمة حياتي وبس افكر بالموضوع ماادري شسوي صعبه اني بقول لزوجي اخاف يصير فيه شي وماني عارفه ردت فعله*
حيل كاسره خاطري وراحمتها لان خايفه عليها من الوضع الي هي فيه مو بالسليم كلش
تكفون تكفون شورو علي شنو اسوي

 

[popa]

انتي شعليج منها اهيا مره كبيره وحره تصرفاتها مو مراهقه
كيفها خل تسوي الي تسويه انتي بس عليج من زوجج ونفسج
ولاتتدخلين بشي مايعنيج يمكن متزوجه يمكن وايد اشياء يمكن سوء تفاهم
يمكن صج تحب حسابها عند ربها مو عندج

 

[sh_mashael]

يمكن احد من اقاربها او احد من زملاءها بالدوام صفي النيه
و نهائيا لا تقولين لها انج سمعتيها تكلم واحد

و لا حتى حق ريلج

بس يمكن تلمحين لها عن بعض سوالف البنات اللي يكلمون رياييل و مايحترمون اهلهم و يخونون ربهم
ومن هالحجي

الله يوفقج

 

[gorgeous lady]

لا تسيئي الظن،الله اعلم ،والله يهديها

 

[فوفو22]

لا تخافين عليها

ومنتي مسئوله عنها

خليج بنفسج وبعيالج وريلج فقط لا غير

وبالاسلام عشان تتهمين احد بهالقضيه

تجيبين 4 شهود

من قوه وجلل الحدث

فلا تدخلين بسكه انتي خسرانه فيها

فوفو

 

[بخـــارى]

ماجنج عرفتي شي
والله يستر عليها

 

[احلا المزايين]

لا اتعلمين زوجج واستري عليها لا تفضحينهاحرام عليج اتدمرين علاقة ام بولدهاولاتفضحينها عند اهلج.
لو امج لو اختج اوكيه بس ام زوجج منتي مسؤوله عنها

 

[هيبة ملك]

مالج. شغل فيها. شكو. مراقبتها. وحاطتها. فبالك. خليج. فحالج وبيتج. ومنت. مسؤولة. عنها

 

[غمااازات]

انا نفس حالتج والمشكله انه عمي عايش مومتوفي وطحت عليها ٣ مرات وحذرتها وماكو فايدة، المصيبه انها تطلع وتخربط ماتحب ، وقلت حق ريلي واعترفتله انها تنام معاهم بس ماسوالها شيء يمكن لانه موريال وانا مايشرفني اكمل مع هالعايلة ، الاااااااا الشرف

 

[al-musk]

انتي شكو هي فاهمه وحرة وتتحمل نتيجه اخطائها اذا في خطأ - ولاتقولين لريلج ابدا ومالج شغل ومن ستر على مسلم ستره الله يوم القيامة

طبعا انتي ماذكرتي عمج .. فمتوقعه انه متوفي .. ممكن تلمحين لها عن قصص مشابهه وان العيال درو وخسرتهم امهم وكشو منها بس انج تتكلمين بشكل مباشر وانتي مو عارفه نوع العلاقه فلاتفتحين على نفسج باب والله يهديها ويبعد عنها كل شر ودايم ادعيلها ..

 

[فوفو22]

انا نفس حالتج والمشكله انه عمي عايش مومتوفي وطحت عليها ٣ مرات وحذرتها وماكو فايدة، المصيبه انها تطلع وتخربط ماتحب ، وقلت حق ريلي واعترفتله انها تنام معاهم بس ماسوالها شيء يمكن لانه موريال وانا مايشرفني اكمل مع هالعايلة ، الاااااااا الشرف

استغر الله

شفتي بعينج تنام معاهم عشان تقذفينها بهالتهمه
بس ربي جازاج ....بتهمتج....


(اذا وصلتك فضيحه احد فاجعلها تقف عندك ولا تتعداك فان وقفت عندك اخذت اجر الستر
بإذن الله ومن ستر مسلما ستره الله يوم القيامه)

وانتي حرمتي نفسك من الستر لها اذا كلامك صح
وحرمتي نفسج من الاجر

الله يهديك

فوفو

 

[oshi_q88]

لاآرى لاآسمع لاآتكلم
خلييج بزوجشَ وبيتشَ وعيآلجً ووبسً
لاتفتحين بآبً المششآكل هيُ كبيرة وكيفهآ بنفسسهآ

 

[كويتية توتة]

ابعدي عن الشر وغنيله
شتبين بالمشاكل انصحج لا تكثرين القعذات والطلعات معاهت واهم شي الطلعات وصدقيني اذا قلتي لزوجج انتي الخسرانة يمكن تقلبها عليج
واهيا مو ياهل عشان تنصحينها او تخافين عليها

 

[Perfume]

حبيبتي انا مع البنات
مالج شغل ولا تتدخلين افضل ومسائل الشرف جداً حساسة

 

[a7la_7b]

اعوذ بالله يمكن تكونين ظالمتها
نصيحه مالج شغل
لانه كل شي مو بصالحج
ثاني شي اذا قلتي لزوجج راح تكسرينه وتخلينه منزل راسه عندج وراح يكرهج واذا طلع كلامج مو صحيح يمكن يطلقج لانج اتهمتي امه
خليها لها رب يحاسبها لاتخربين عايله كامله وانتي مو عارفه منو تكلم يمكن اخوها احد قريب لها مو شرط حبيبها
وحتى كائن من يكون مالج حق تراقبينها اخته اللي هي اخته مالج حق تتكلمين عنها عنده لو شنو يصير هالمره امه صعبه ترا
اللهم استرنا فوق الارض وتحت الارض ويوم العرض

 

[بولندية]

مع البنات لا تعلمني ريلج ولا شي جنج ماتدرين

 

[انثى عاشقة]

@@
ام زوجك تكلم !!!!​

صدمة احس مو مستوعبة الموضوع
المهم انتي اسكتي ولها رب يحاسبها ..​

 

[سكوتي بذوقي]

خليها بحالها

لو كان صحيح

ربي يهديها

 

[PuPa^^SWeeT]

وخري عن الشر و غنييله


ولاتقولين لاحد

 

[ام فواازي]

البنات كفو وفو مالج شغل بالسالفه و لا حتى تلمحين لها انج تدرين لان ممكن تقلب عليج و تتحيل لج بش
فابعدي عن شي انتي بغنى عنه