مشكلة الـ bb pin والمنتدى

[فطوم السعوديه]

السلام عليكم ورحمة الله وبركاته
كيفكم خواتي ؟..


راح ابدا بالموضوع على طول وانا كتبته من باب التحذير والنصح
لو لاحظتو ا انا اول ماسجلت في كويتيات كتبت البيبي بن حقي بالتوقيع بما ان المنتدى نسائي طبعا
وماعندي اي مشكله وفي كثير بنات مثلي ..

لكن وش اللي حصل بعد شهر ؟ اني حذفت توقيعي
والسبب ان جاتني اضافات من البنات عسل واضفتهم وحياهم نورو اللسته ومابيني وبينهم اي علاقه
مجرد بي سي وبس

جاتني اضافه من وحده واول ما اضافتني حاولت تتكلم معي وتتعرف عادي ..
بس اللي لاحظته جراتها اسلوبها كلامها غير المعتاد

يعني تخيلوا من اول يوم اضافتني تقول لي برسل لك صورتي انا انصدمت خير ان شاء الله
وارسلت لي صورتها طبعا وبعدها تقول لي وريني صورتك وانا اساسا مااحط بجهازي صور لي ولا اتعامل بهالاسلوب حتى مع خواتي اللي بالبيت

ونشبت لي كل يوم وريني صورتك ووريني صورتك
وتدز لي صورها وكل صوره تختلف عن الثانيه خخخخخ والفت لي قصه انها متزوجه وعندها بنت وانها من المنطقه الفلانيه المهم ماطول عليكم اكتشفت انها مو بنت



واحد كلب حقير ماتربى يدخل المنتدى ويتلقط البين حق الناس ويضيف على اساس انه بنت ويرسل صور بنات على اساس انه هو وتقوم البنت تثق فيه وترسل صورتها ويستدرجها ويضيفها عالواتساب زي اللي صار لي ويعرف رقمها وعطيته بلوك لما تأكدت انه ولد

وبعد شهر ثاني اضافني عالواتساب برقم ثاني وطلعت معلوماته من الاتصالات وعرفت وش اسمه ومنطقته وكل شي وبرضو عطيته بلوك ..


انا من هنا وان كان يشوف موضوعوي راح اقوله الله لايحللك ولا يبيح منك لا دنيا ولا اخره
ناس نفوسهم مريضه ..

انا بس حبيت احذر البنات من هالاشكال وان على قولتك بيبي بن ماراح يأثر علي لا راح يأثر شوف كيف وصل للواتساب وممكن يخترق جهازك لانه مسوي فيه مبدع

وهالاشكال ينخاف منها والباب اللي يجي منه ريح سده واستريح ..




حسبي الله وكفى ..
حسبي الله وكفى ..
حسبي الله وكفى ..



:eh_s(17):

 

[رانس]

انا صراحه استغرب من البنات الي يحطون البيبي مالهم واذا اضافهم ولد قامت تسب وتلعن مو انتي حاطته علني حق الناس مافيه منتدى نسائي مايدخلونه شباب الله يستر عليكم

 

[منو انت]

معاج حق صصحيح ان ممكن بعض البنات يميزون فرق الاسلوب بين البنت و الشاب


لكن بنفس الوقت في بعض بنات على النيه وممكن تمشي عليها هالحركه لما يرسل لها صوره بنت وتروح هي ترسل صورتها وتبدا مشكله مالها حل


علشان جذي البعد عن هالاشكال غنيمه

انا اقول البنات كافي عليكم اهلكم وربعكم وحبايبكم بالبي بي ماله داعي ناس ماتعرفونهم وتفتحون على انفسكم باب وازعاج عاد شكثر اللي مايخافون الله


حسبي الله ونعم الوكيل تبي تخربط روح دور على بنات مثل اشكالك شتبي من بنات العالم

 

[عتآق الخيل]

معاك حق اختي
والله يجزآك خير عالنصائح
يعطيك العافيه غلآتي .ْ

 

[أغداً القاك]

انا مستغربة شلون تحطون رقم البي بي !!!
وعلى فكرة المنتدى يشوفونه امة لا اله الا الله يعني مو شرط يكون مسجل كـ عضوة
اي واحد يتفرج يلقط الرقم ويضيفج او يضيف غيرج
الله يهداكم بس

 

[αησмα]

ليشً تحطون بناتكم الغلط عليكم



الله يهداكم بسسس

 

[manoooram]

شوفي يا قلبي انتي بحسن نية حطيتي ال BB pinعلى اساس بنات
المنتدى صح ان نسائي لكن في شباب يدخلونه للأسف ويشاركون معانا بعد ولا نعرف من هم ..
موقف صادفج والحمدالله عدا على خير
وان شالله يكون عبره لغيرج من البنات على شان يتحرصون أكثر والله يحفظ بناتنا وخواتنا يارب
و رأيي ان ال BB pin أمر private مو الكل من يطلع عليه

 

[PuPa^^SWeeT]

واايد امور اتسويها البنت من حسن نية


وتنسى انه فيه ناس تبي هالحسن النية منج


وتبدي تمسك طرف الحبل علشان توصلج


مهما في امور خاصة مثل الايميل

البن

و الموبايل

هذي امور شخصية و حساااسة

مايصير انخليها فرجة للكل


اللي ترتاحينلها

بينج و بينها رسالة خاصة والله حابة اضيفج اذا ممكن


وياقلبي ديري بالج على رووحج

ترا الذيابة منتشرين بالنت

وخصوصا بالمنتديات

 

[كويتية و عتيبية]

اكبرررر غلط اللي يحطووون البن حطي بالتوقيع اللي تبي اضيفها تدزلي خااااص

هو جذي وما نسلم منهم شلون لو بحط البن بالتوقيع

عسى ربي يهديهم

 

[بيلسسان]

انتي من البدايه غلطتي وحطيتي البن مالج بالتوقيع
وكل من هب ودب شافه يضيفج

انا من جهتي عادي اعطي البن مالي حق اي احد
بسسس بشششرط اشوف ردود اللي طلبت مني البن
واشوف مواضيعها

الواحد من المواضيع يبين اخلاق البنت


انا ضايفه توم اند جيري وماشاء الله تعجبني وايد ..
ادب واخلاق من مواضيعها وردودها ..
اما اني اضيف اي احد لالا لا لا لا

 

[بنوتة الخبر]

انآ مسستحيل احط البن تبعي بموقع ولاغيره وششكو اصلا
يمكن طبعي مآ احب اضيف الا الي اعرفهمم

لاكن جججد فيه نآس مآ تخآف الله

 

[عادت ذكرياتي]

حسبي الله ونعم الوكيل ....

 

[حبي بيرين]

من الاساس ليه ينحط bb عندك معارفكِ صديقاتك ِوخواتك يكفون يعني ناس ماتعرفينهم وش الله حادك ِتضيفينهم

 

[الزورق222]

مستحيل نثق باى منتدى حتى لوكان نسائى مافيه شى مضمون اكيد فيه شباب متنقبين بيننا وحاطين انفسهم بنات صج مساكين ..

 

[* ليــــدي *]

غلطآنه حاطته بالتوقيع

 

[فطوم السعوديه]

حبيباتي مشكوووووووووورين قدن قدن عالردود العسل زيكم

وانا عارفه اني غلطانه عشان كذا حبيت انبه خواتي اللي هنا مايكررون الخطا اللي انا اخطيته

بالاضافه ان البنات اللي مازالو حطين البن مالهم ابيهم يشيلونه احسن لهم ..


لان من جد هالشخص مزعجني لين بكرا ومازلت ابلكه ويضيفني من رقم غيره هههههههه الله مخسر عليه


والله يحفظ بنات المسلمين يارب من كل شر وحسبي الله على كل من يريد فيهم السوء

 

[عتيبيه ذوق]

جزاج الله خير عالتنبيه والنصيحه ..
وي حبني لأهل السعودية ..
حبيت اقول انه اكبر غلط يوم حطيتي بن مالج بالتوقيع ..
الانه سوا شخص مشترك في المنتدى او مو مشترك راح يطلع له البن ..
وبيضيفك بساهل ..
انا عن نفسي محب اضيف بنت حاطه بنها الانه بقول بنفسي معقولة بنت عادي عندها تحط بنها بالعلن وراح اشك انك بنت ولا لا .!
علشان هيك حلو انج انتبهتي قبل لا يصير شي ..
وحلو انه نبهتي غيرج ويحافظون على بناتهم وم يحطونه بالعلن ..
الانه كل بن راح ينحط بالعلن م راح يحترم صاحبه وراح تجيه مواقف موب حلوه ..
ربي يحفظك ويستر عليك ويحفظنا معاك ..
وربي يبعد عنا عيال الحرام ...​

 

[Eng Jolie]

أنتي قلتيها منتدى حتى لو منتدى نسائي بس بالنت والكل يشوفه

وفي شباب تسول إليهم نفسهم ويدشون فيعني هذه خصوصيتج

انج ماتحطين شي خاص فيج عشان ماتصير مشاكل

 

[ترانيم القصيم]

حسبي الله و نعم الوكيل و عسى ربي يكافينا شر الفاسدين و الفاسدات

هذا موضوع لي سبق و نشرته أتمنّى يشوفونه البنات :

رقم البي بي بتواقيع البنات :

http://www.q8yat.com/t864581.html

شارية لـ ولدك أو لـ بنتك ( بلاك بيري ) ؟ تعالي يا غالية .. أنا لي كلام كبير معك !!

http://www.q8yat.com/t983472.html

بارك الله فيك و عسى ربي يكثر من أمثالك يا عسل ^^

 

[گـروزه]

چززاچ ♡اللّـــه♡ خيير ع النصائح